Left arrow Go Back

AKTAR RIJABILITAZZJONI TA’ POSTIJIET STORIĊI FIL-BIRGU – INVESTIMENT TA’ LM 1.5 MILJUNI FI SPA U HEALTH CLUB TA’ L-OGĦLA LIVELL

PR1672
Date Icon 05/12/2006

L-investiment mill-Gvern u mis-settur privat fix-Xatt tal-Birgu qed iservi biex din il-Belt issir il-pern tar-riġenerazzjoni fil-Kottonera. 

Meta kien qed iżur sit ta’ xogħol f’partijiet mill-Forti Sant’ Anġlu, il-Ministru għall-Iżvilupp Urban u Toroq, l-Onor. Jesmond Mugliett qal li fi żminijiet moderni, il-Birgu qatt ma ra investiment qawwi daqs kemm seħħ fl-aħħar snin. Dan l-investiment issa beda jwassal għat-tiġdid tal-Kottonera tant li llum dawn l-inħawi qed ikunu mfittxija minn kulħadd.  

Il-Cottonera Waterfront Group li huma wieħed mill-konsorzja li qed joperaw matul ix-Xatt bħalissa qed iwettqu xogħol ta’ restawr u rijabilitazzjoni f’żewġ partijiet mill-Forti Sant’Anġlu li ilhom abbandunati għal aktar minn għoxrin sena biex dawn jinbidlu fi spa u health club ta’ l-ogħla kwalità. L-ispiża f’dan il-proġett  mistennija tilħaq il-Lm1.5 miljun. 

“Dan il-proġett biex il-Ward Building u d-Distillerija tar-Royal Navy jinbidlu f’ċentru tal-‘wellness’ ser jiżgura li t-taħlita ta’ stabbilimenti li wieħed isib matul ix-Xatt titjieb u b’hekk dawn l-inħawi jibdew jappellaw għal varjetà akbar ta’ persuni, kemm Maltin kif ukoll barranin,” qal il-Ministru Mugliett. 

Il-Ministru għall-Iżvilupp Urban u Toroq żied jgħid li dan il-proġett ser jgħin ukoll biex din parti tal-Forti Sant’Anġlu tibda’ tingħata użu li jixirqilha, peress li din kienet isservi biss għal attività abbużiva għal aktar minn għoxrin sena. Ix-xogħol qed isir sabiex titreġġa’ lura l-ħsara li twettqet meta dawn l-istrutturi kienu sarulhom interventi li għarrqu l-karattru tagħhom fis-snin sebgħin. Fost l-interventi li kienu saru f’dawk is-snin kien hemm id-diviżjoni ta’ l-imħażen fi kmamar b’ħitan tal-ġebel u l-ħabi ta’ karatteristiċi arkitettoniċi fis-soqfa b’suffetti tal-jablo. Kien ukoll indifen l-aċċess għal ġardjola li tinsab mas-swar tal-Forti. 

“Dan il-proġett effettivament ser jagħti lura parti mill-wirt storiku tat-Tlett Ibliet lill-poplu sabiex ikun jista’ jitgawda minn kulħadd, u jimxi id f’id mal-viżjoni tal-Gvern li jirriġenera nħawi ta’ valur permezz ta’ sħubija mal-privat jew investiment dirett. It-tlestija tal-Health Club fit-tieni nofs tas-sena d-dieħla ser issaħħaħ ir-riġenerazzjoni għax ser tkompli tiddiversifika l-prodott li wieħed jkun jista’ jsib fix-Xatt tal-Birgu. Illum il-ġurnata matul ix-Xatt wieħed isib stabbilimenti ta’ l-ikel, cafeteriji, casinò, marina u residenzi, filwaqt li fil-ġimgħat li ġejjin mistennija jiftħu anke ħwienet. 

“Dan kollu, flimkien ma’ l-inħawi li għadhom kif ġew pavimentati, taw lill-viżitaturi promenade ta’ kwalità. It-tlestija ta’ dan il-Health Spa ser ifisser it-tlestija ta’ l-ewwel units ta’ ospitalità matul ix-Xatt tal-Birgu u għalhekk huwa pass konkret fit-tisħiħ tal-Kottonera bħala ċentru t’akkomodazzjoni turistika,” temm jgħid il-Ministru Mugliett. 

DOI - 05.12.2006

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow