KJARIFIKA DWAR DEĊIŻJONI TAL-QORTI LI TIDDEFIRIXXI NUMRU TA’ KUMPILAZZJONIJIET
Fil-25 ta’ Ottubru 2006 il-Qorti tal-Maġistrati bħala qorti istruttorja, ddeċidiet li tiddiferixxi numru ta’ kumpilazzjonijiet għar-raġuni li kienu għadhom ma waslux għandha l-atti mill-uffiċċju ta’ l-Avukat Ġenerali u dan ġie mxandar fil-ġurnali u fuq il-mezzi tax-xandir.
Għandu jingħad li l-uffiċċju ta’ l-Avukat Ġenerali għandu skond il-liġi żmien xahar mid-data li jirċievi l-atti tal-kumpilazzjoni sabiex jibgħat lura l-atti lill-Qorti.
Fil-każijiet kollha li ġew differiti l-Avukat Ġenerali kien bagħat lura l-atti lill-Qorti fi żmien xahar skond il-liġi.
Difatti, l-atti kollha in kwistjoni kienu l-Qorti għall-ħabta tas-1.30 p.m. fid-data in kwistjoni iżda l-kawżi kienu laħqu ġew differiti.
Dak li ġara kien li meta l-Qorti stabbiliet id-data tas-smigħ, ma ħaditx kont biżżejjed taż-żmien mogħti mil-liġi lill-Avukat Generali sabiex jagħmel ir-rinviju.
Maniġġjar aħjar tal-kawżi jevita li jiġri dak li ġara.
Other Press Releases:
PR261958EN
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261958