Left arrow Go Back

JIDĦLU FIS-SEĦĦ AKTAR EMENDI GĦALL-KODIĊI TA’ L-ORGANIZZAZZJONI U PROĊEDURA ĊIVILI

PR1449
Date Icon 24/10/2006

Is-Segretarjat Parlamentari fi ħdan il-Ministeru tal-Ġustizzja u l-Intern jgħarraf lill-pubbliku in ġenerali illi, b’effett mil-lum, 24 ta’ Ottubru 2006, qed jidħlu  fis-seħħ numru ta’ artikoli ġodda li permezz ta’ l-Att XIV ta’ l-2006, emendaw il-Kodiċi ta’ Organizzazzjoni u Proċedura Ċivili. 

Dawn l-emendi ser iġibu fis-seħħ żewġ partijiet importanti ta’ riforma fis-settur ġudizzjarju u dawn huma:- 

a)Mil-lum ‘l  quddiem, il-proċedura fil-mandati ta’ sekwestru tneħħitilha parti mill-burokrazija li kellha qabel u qed issa tipproteġi aħjar in-negozji ż-żgħar u medji.  Fil-fatt issa, wara li mandat ta’ sekwestru jiġi ppreżentat u notifikat, kull min ikollu l-flus f’idejh għandu, fi żmien wieħed u għoxrin ġurnata, jiddepożitahom il-Qorti u minn issa ’l quddiem, mandat ta’ sekwestru m’huwiex applikabbli fuq faċilitajiet bankarji ta’ overdraft, fuq flus li jkunu tqegħdu għad-disposizzjoni tas-sekwestrat b’kuntratt ta’ self għall-bini, kostruzzjoni u manteniment ta’ djar intenzjonati għall-abitazzjoni tas-sekwestrat u fuq garanziji bankarji u ittri ta’ kreditu.
b)Gwida u aġġornament tal-ġurisdizzjoni marittima b’mod u manjiera li, mil-lum ‘l quddiem, il-liġi li tirregola ċ-ċirkostanzi li fihom il-Qrati tagħna ser ikunu jistgħu jisimgħu kawżi marittimi ‘in rem’, ma tibqax liġi tas-seklu l-ieħor, iżda liġi aġġornata li tieħu konjizzjoni tad-diversi żviluppi li seħħew f’dan il-qasam fil-kamp internazzjonali, inklużi l-“Arrest Convention 1952” u l-“Arrest Convention 1999”.  Għalhekk illum, bis-saħħa ta’ dawn l-emendi, l-Qrati tagħna ser ikunu jistgħu jeżerċitaw il-ġurisdizzjoni tagħhom fuq ferm iktar tipi differenti ta’ talbiet marittimi li qabel ma setgħux, bħal talbiet li joħorġu minn vertenzi li jirrigwardaw iċ-charterparties, ħlas ta’ premiums tad-ditti assikurattivi tal-bastimenti u clubs, u diversi tipi ta’ talbiet marittimi oħrajn.  Dan jitqies bħala pass importanti ieħor sabiex ikompli jsaħħaħ il-pożizzjoni ta’ Malta fil-qasam marittimu internazzjonali.
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow