Left arrow Go Back

NUQQAS TA’ SERJETA MILL-KELLIEM TA’ L-OPPOŻIZZJONI DWAR L-AFFARIJIET BARRANIN

PR1230
Date Icon 08/09/2006

Il-Kelliem Ewlieni ta’ l-Oppożizzjoni dwar l-Affarijiet Barranin, l-Onor Leo Brincat, qed juri nuqqas ta’ serjeta’ kull meta jistaqsi mistoqsijiet li jkun diġa’ jaf it-tweġibiet tagħhom.

Jumejn ilu, l-Onorevoli Leo Brincat ħareġ stqarrija dwar is-sehem ta’ Malta fil-Konferenza ta’ Stokkolma dwar il-Libanu u dwar il-kontribuzzjoni finanazjarja ta’ Malta għar-rikostruzzjoni ta’ dan il-pajjiż. Il-bieraħ, l-Onor Brincat ħareġ stqarrija oħra biex jagħti hu stess it-tweġibiet għall-mistoqsijiet li għamel fl-istqarrija ta’ jumejn ilu.

Dan juri nuqqas ta’ serjeta’ mill-Onor Brincat. Ikun ferm aħjar jekk l-Oppożizzjoni  timpenja ruħha biex toħroġ b’ideat kostruttivi milli biex sempliċiment taħli l-ħin tal-Gvern biex issemma’ leħinha b’mod fieraħ.

Waqt il-konferenza ta’ Stokkolma, Malta kienet rappreżentata mill-Ambaxxatur Noel Buttigieg Scicluna. Fl-istess Konferenza, Malta offriet Lm10,000 għar-rikostruzzjoni tal-Libanu. Dan l-ammont, jirrappreżenta 11% tal-budget tal-Ministeru ta’ l-Affarijiet Barranin għal Development. Fis-snin ta’ qabel, il-budget għal Development kien biss terz dak li hu llum – Lm30,000 - iżda fid-dawl ta’ l-Overseas Development Policy, inħass il-bżonn li dan l-ammont jiżdied sostanzjalment, bi 300%.

L-Onor Brincat naqas mir-rispett lejn l-Ambaxxatur Buttigieg Scicluna meta fl-istqarrija tiegħu irrefera għall-parteċipazzjoni ta’ l-Ambaxxatur fil-laqgħa ta’ Stokkolma bħala “Malta kienet rappreżentata….sempliċiment fuq livell ta’ Ambaxxatur”. Il-fatti huma li l-Ambaxxatur Buttigieg Scicluna ntbagħat mill-Ministeru biex jirrappreżenta lil Malta fil-Konferenza, peress li s-Segretarju Permanenti fil-Ministeru ta’ l-Affarijiet Barranin, li kienet se tipparteċipa fil-Konferenza, sfat indisposta fl-aħħar mument. Fid-diplomazija, il-kariga ta’ Ambaxxatur titqies bħala kariga għolja ħafna, prestiġjuża u li jistħoqqilha kull rispett.

Jidher li l-Onor Brincat ma jafx b’dawn il-fatti u għalhekk huwa nuqqas ta’ serjeta’ li jippublika stqarrijiet bħal dawn.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow