Left arrow Go Back

QEGĦDIN ISIRU L-AĦĦAR PREPARAMENTI BIEX LIĊENZA TAN-NEGOZJU MIT-TRADE LICENSING UNIT TINĦAREĠ FI ŻMIEN GĦAXART IJIEM

PR1134
Date Icon 08/08/2006

“Il-Gvern qiegħed ikompli jaħdem biex tonqos il-burokrazija u jżid l-effiċjenzja lejn min qiegħed fin-negozju.  Iżjed ma niffaċilitaw in-negozju aktar jinħolqu impjiegi. Il-ħidma lejn inqas burokrazja u aktar efficjenza hija l-mira ewlenija tal-Programm ta’ Ħidma li l-Gvern, permezz tas-Segretarjat Parlamentari għan-Negozji ż-Żgħar u s-Self Employed, għadu kif ippubblika, bl-isem “Miftuħa għan-negozju”.  Il-Gvern għandu 44 inizjattiva li permezz tagħhom irid jasal biex inaqqas il-burokrazija u jkompli jgħin in-negozji żgħar jaħdmu b’aktar effiċjenza.“  Is-Segretarju Parlamentari għan-Negozji Żgħar u s-Self Employed, Edwin Vassallo, kien qiegħed jitkellem waqt żjara fid-Diviżjoni għall-Kummerċ, li matulha is-Segretarju Parlamentari ltaqa’ ma’ ħaddiema u uffiċjali mill-istess Diviżjoni sabiex jippreżentalhom il-Pjan ta’ Ħidma li ġie ppubblikat ftit aktar minn ġimgħa ilu. 

L-Onor. Edwin Vassallo kompla jispjega kif il-Gvern kien ħoloq Dipartiment apposta biex ikun l-għodda li permezz tagħha jkun jista’ jikkomunika u joffri l-għajnuna lis-self employed u sidien ta’ negozji żgħar.  Dan id-Dipartiment fi ħdan id-diviżjoni għall-kummerċ illum huwa magħruf bħala s-“Small Business and Crafts Directorate“.   

Meta tkellem dwar id-Diviżjoni tal-Kummerċ, l-Onor. Edwin Vassallo qal li “id-Dipartimenti fi ħdan id-Diviżjoni għall-Kummerċ għandhom ikunu ta’ eżempju għal Dipartimenti oħra fl-għoti ta’ servizz lejn min jersaq biex jinqeda.  L-impenn tal-Gvern huwa mifrux mad-Dipartimenti u entijiet kollha u l-ħidma tas-sena li għaddiet, tat prova ta’ kemm il-Gvern qed jaħdem biex jissimplifika l-proċeduri tiegħu biex ikun aktar effiċjenti.  Tant hu hekk li tlesta eżerċizzju fejn kull entita’ diġa ippreparat ħidma li permezz tagħha ser tkompli tnaqqas il-burokrazija.  

Fis-sena li għaddiet, ħidma li spikkat fit-tnaqqis ta’ proċeduri burokratiċi hija dik li saret mill-Ministeru ta’ l-Intern u l-Ġustizzja fi proċeduri ġodda fil-qrati.  Iżjed proċeduri ġew simplifikati permezz ta’ emendi fis-sistemi tal-ħruġ tal-liċenzji, fil-proċeduri tad-Dwana, tal-VAT, l-ETC u l-ADT.  Tajjeb li wieħed isemmi wkoll li permezz ta’ l-eżerċizzju ta’ l-impact assessment fil-Kabinett, twaqqfu diversi Avviżi Legali milli jkunu ppubblikati, għaliex kienu kkonsidrati bħala burokratiċi. 

F’din is-sena, kif imħabbar fl-istess Pjan ta’ Ħidma, diġa bdiet ħidma biex tnaqqas duplikazzjoni ta’ rwoli li tista’ teżisti, u hekk tonqos id-duplikazzjoni ta’ nfurzar fuq negozji.  B’hekk diversi entitajiet huma mistennija li jsiru aktar effiċjenti.  Dan huwa l-impenn tal-Gvern, u jrid iwiegħed ħidma li għandha twassal biex il-Gvern inaqqas il-burokrazija u jkun aktar effiċjenti.

L-Onor. Vassallo temm il-messaġġ tiegħu dwar il-ħidma kontra l-burokrazija żejda b’dan il-messaġġ: ”Dan l-impenn ma jistax ikun tal-Gvern biss, jeħtieġ li jkollna mpenn kontra l-burokrazija u żieda fl-effiċjenza wkoll fejn jidħol is-settur privat, fil-business to business ukoll qed inħeġġu li jkun hemm aktar effiċjenza u anqas burokrazija.  Hawn irrid insemmi proċeduri ta’ entitajiet kbar bħalma huma l-banek prinċipali, kemm il-BOV kif ukoll l-HSBC, irrivedew il-proċeduri  tagħhom u llum f’pajjiżna għandna proċeduri aktar simplifikati għal dak li huwa aċċess għall-Finanzi.  Iżda s-simplifikazzjoni tista’ sseħħ ukoll meta negozi żgħar jagħmlu ħilithom biex inaqqsu l-burokrazija ta’ bejniethom.  Dan l-impenn ta’ ħidma flimkien  li tilħaq ukoll negozji, hija maħsuba wkoll fil-Pjan ta’ Ħidma ‘Miftuħagħan-Negozju.”   

L-Onor. Vassallo awgura li l-għaqdiet tan-negozji u entitajiet oħra tal-Gvern jipparteċipaw f’dan l-impenn lejn aktar effiċjenza u anqas burokrazija, u hekk f’Pajjiżna nkunu nistgħu noħolqu aktar impjiegi.

Minn Jannar sa Ġunju ta’ l-2006 fit-Trading Licensing Unit daħlu 1134 applikazzjoni u minnhom ġew maħruġa 773. liċenzja.

Liċenzji maħruġa mit-TLU fl-aħħar 3 snin

Meta wieħed iħares lejn l-aħħar tliett snin minn Jannar sa Ġunju, ġew ipproċessati u nħarġu dawn il-liċenzi: 

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow