Left arrow Go Back

STQARRIJA MID-DIVIŻJONI TA’ L-EDUKAZZJONI

PR1130
Date Icon 07/08/2006

B’referenza għal rapporti fil-medja fejn issemma li qamet kwistjoni bejn id-Diviżjoni ta’ l-Edukazzjoni u l-Educational Psychologists impjegati magħha, id-Diviżjoni tixtieq tikkjarifika l-fatti:  

1.      Xi snin ilu, wara sejħa pubblika, numru ta’ għalliema kellhom l-istudji universitarji tagħhom imħallsa mid-Diviżjoni biex jitħarrġu bħala psikoloġisti fil-qasam edukattiv u ntrabtu li jaħdmu bħala psikoloġisti mal-Gvern fil-qasam ta’ l-edukazzjoni. Fil-fatt, wara li ggradwaw, il-persuni kkonċernati ġew impjegati bħala Educational Psychologists mad-Diviżjoni ta’ l-Edukazzjoni. 

2.      Tali ħatra titlob li l-Educational Psychologists jaħdmu ħinijiet normali ta’ l-uffiċċju u mhux ħinijiet ta’ l-għalliema, u dan biex jaqdu l-bżonnijiet ta’ l-istudenti u t-tfal.  Unilateralment, l-istess Educational Psychologists iddeċiedew li jaħdmu mal-ħinijiet ta’ l-għalliema, inkluż bil-vaganzi tal-Milied, tal-Għid u tas-sajf, bi ksur tar-regolamenti tal-Gvern.  Il-konsegwenza kienet li biex l-istudenti u t-tfal inqdew bis-servizzi tagħhom bosta drabi kellhom bilfors ifallu l-iskola.  

3.      Id-Diviżjoni ta’ l-Edukazzjoni minn żmien ilu ġibdet l-attenzjoni ta’ l-Educational Psychologists għall-obbligu tagħhom dwar il-ħinijiet tax-xogħol iżda dawn qatt ma rregolarizzaw ruħhom. Hu proprju minħabba dan li d-Diviżjoni ta’ l-Edukazzjoni ma tistax tibqa’ tittollera aktar sitwazzjoni fejn xi ħaddiema tagħha jiddettaw huma l-ħinijiet tax-xogħol tagħhom.  Kull ma qed titlob id-Diviżjoni hu li dawn il-ħaddiema jaħdmu l-ħinijiet skond il-kuntratt tax-xogħol tagħhom. 

4.      Id-Diviżjoni ta’ l-Edukazzjoni hi u tibqa’ miftuħa għal kull diskussjoni li twassal għal soluzzjoni ġusta dment li l-istudenti ikunu mħarsa.  Iżda d-Diviżjoni ma hi lesta qatt taċċetta li xi mpjegati tagħha, professjonisti jew m’humiex, jistabbilixxu l-kundizzjonijiet tax-xogħol tagħhom unilateralment.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow