Left arrow Go Back

POLITIKA U PJAN STRATEĠIKU GĦAT-TURIŻMU

PR1129
Date Icon 07/08/2006

Il-Ministeru għat-Turiżmu u Kultura jirreferi għall-konferenza ta’ l-aħbarijiet li l-Kap ta’ l-Oppożizzjoni Dr. Alfred Sant għamel f’Paceville bit-tema “Nifs ġdid għat-turiżmu bi pjan ta’ ħidma nazzjonali”. 

Il-Ministeru għat-Turiżmu u Kultura jinnota li ftit tal-jiem ilu l-Ministru Francis Zammit Dimech ħabbar Politika Nazzjonali għat-Turiżmu. Ħabbar ukoll Pjan Strateġiku għat-Turiżmu mill-Awtorita’ tat-Turiżmu ta’ Malta. 

Kemm il-Politika Nazzjonali kif ukoll l-Pjan Strateġiku qed jiġu mfassla b’ konsultazzjoni ma’ l-istakeholders fil-qasam turistiku. 

Il-Ministru għat-Turiżmu u Kultura dan l-aħħar ħatar iċ-Chairman ġdid għall-Awtorita’ tat-Turiżmu ta’ Malta. Dan sar wara konsultazzjoni vasta ma’ dawk l-għaqdiet kollha involuti fil-qasam turistiku. Din kienet l-ewwel darba li bħala Chairman tal-MTA inħatar persuna fejn  l-ghażla saret mill-istakeholders. 

Il-Gvern, konxju li biex nibqgħu kompetittivi rridu nsaħħu l-prodott qed jagħmel ħiltu biex it-turiżmu jimxi ‘l quddiem permezz ta’ ħidma biex aktar kumpanniji ta’ l-ajru jittajru lejn u minn Malta u jżidu r-rotot lejn  pajjiżna, biex jitwettqu proġetti infrastrutturali u ta’ tisbiħ u biex  ikun hemm aktar infiq għar-reklamar u promozzjoni. 

Il-Gvern jemmen li s-settur turistiku hu ta’ kulħadd u li minnu jgawdi kulħadd. Għalhekk iqis li dan is-settur m’għandux ikun materja ta’ kontroversja politika, iżda għandu jiġi ttrattat verament fi sfond nazzjonali. 

Dan qed jiġi enfasizzat wara li l-Partit ta’ l-Oppożizzjoni qed iniedi dik li qed isejjaħ politika ġdida nazzjonali dwar it-turiżmu, mhux biss wara li dan il-proċess diġa’ qed isir mil-Gvern u l-MTA, imma anke wara li l-istess Partit kien qal li għandu l-politika ġdida tiegħu dwar it-turiżmu lesta u miġbura f’dokument.  

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow