Left arrow Go Back

2006 Malta IEE National Info Day:L-Impenn ta’ Malta’s għal Enerġija Intelliġenti

pr0863
Date Icon 09/06/2006

Aktar effiċjenza fl-enerġija u użu akbar ta’ enerġija li tiġġedded huma soluzzjonijiet importanti għall-isfidi ta’ bħalissa fil-qasam ta’ l-enerġija u opportunità ekonomika fl-istess ħin, billi jiftħu swieq għal teknoloġiji ġodda, joħolqu l-impjiegi u jagħmlu l-ekonomija Ewropea aktar kompetittiva.

Il-programm ta’ l-Unjoni Ewropea “Enerġija Effiċjenti – Ewropa” (EIE) jindirizza l-mistoqsijiet ewlenin: kif tieħu vantaġġ ta’ dawn l-opportunitajiet tas-suq, kif iżżid it-teħid ta’ teknoloġiji ġodda u kif tikkonverti politika Ewropea fuq l-effiċjenza fl-enerġija u enerġija li tiġġedded f’azzjoni fil-prattika. 

Il-programm jappoġġa proġetti Ewropej, avvenimenti ta’ darba (per eż. konferenzi) u t-twaqqif ta’ aġenziji lokali jew reġjonali ta’ l-enerġija. Is-sejħa għal proposti fi tlett oqsma tal-programm għadha kif ġiet ippublikata. Dawn huma “SAVE” (effiċjenza fl-enerġija), “ALTENER” (sorsi ġodda u li jiġġeddu t’enerġija) u “STEER” (aspetti t’enerġija fit-trasport). 

Biex jiġi spjegat aħjar il-programm EIE il-Ministeru tar-Riżorsi u l-Infrastruttura, permezz tal-Kuntatt Nazzjonali Malti ta’ l-EIE, se jorganizza Jum t’Informazzjoni fil-15 ta’ Ġunju 2006 (filgħodu) f’Dar il-Mediterran għall-Konferenzi, Valletta.

Il-preżentazzjonijiet se jsiru minn Waltraud Schmid, mill-Aġenzija Eżekuttiva ta’ l-Enerġija Intelliġenti (AEEI) fi Brussel. Schmid ħadmet bħala Project Officer fl-Aġenzija ta’ l-Enerġija ta’ l-Awstrija għal tmien snin qabel ma marret mad-Direttorat Ġenerali għat-Trasport u l-Enerġija fil-Kummissjoni Ewropea, timmaniġja l-qasam SAVE tal-programm EIE.  

Minn Frar 2005 sal-lum serviet ta’ Senior Project Officer fl-AEEI u ħadmet fil-Unit responsabbli minn SAVE, STEER u Azzjonijiet Orizzontali. Dan il-Jum se jkun indirizzat ukoll mill-Onor. Ninu Zammit, Ministru tar-Riżorsi u l-Infrastruttura. 

Reġistrazzjoni għal dan il-Jum t’Informazzjoni tista’ ssir permezz ta’ l-email (iee@gov.mt), billi tagħti isem, kunjom, isem l-organizzazzjoni u detalji biex nikkuntattjaw (telephone, fax u email) il-parteċipant. Informazzjoni relatata tista’ tinkiseb mill-web page ta’ l-avveniment (http://www.iee.gov.mt). 

Il-lingwa li se tintuża f’dan il-Jum ta’ Informazzjoni se tkun l-Ingliż.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow