Left arrow Go Back

IL-PRIM MINISTRU F’LONDRA BIEX JATTENDI LAQGĦAT MARBUTA MAR-RESPONSABILTAJIET TIEGĦU BĦALA CHAIRPERSON-IN-OFFICE TAL-COMMONWEALTH

pr0826
Date Icon 01/06/2006

Il-Prim Ministru Dr Lawrence Gonzi bħalissa jinsab Londra fejn ser ikollu diversi laqgħat marbuta mar-responsabiltajiet tiegħu bħala Chairperson-in-Office tal-Commonwealth.

Huwa ser jiltaqa’ ma’ Don McKinnon, is-Segretarju Ġenerali tal-Commonwealth sabiex jiddiskuti miegħu l-iżviluppi fil-Commonwealth wara ċ-CHOGM li sar f’Malta f’Novembru li għadda. Il-Prim Ministru ser ikollu wkoll laqgħat mal-Kummissarji Għolja tal-Commonwealth u ma’ l-istaff tas-Segretarjat tal-Commonwealth u l-Commonwealth Foundation.

Id-diskussjonijiet ser jinkludu wkoll il-qasma diġitali, ir-rwol tal-Commonwealth fit-tisħiħ tad-demokrazija, l-aħħar żviluppi fid-Doha Round tan-negozjati tal-Organizzazzjoni Dinjija tal-Kummerċ, il-promozzjoni tar-rispett bejn kulturi u twemmin differenti, is-sħubija fil-Commonwealth, appoġġ lil stati żgħar u l-iżvilupp sostenibbli.

Waqt iż-żjara tiegħu, il-Prim Ministru, li ser ikun akkumpanjat mis-Sinjura Gonzi, ser jiltaqa’ mal-Maltin li jinsabu għall-kura medika f’Londra. Illejla huma ser jiltaqgħu magħhom, mal-familjari tagħhom u ma’ l-istaff mediku li qed jakkumpanjahom f’attivita’ li ser issir apposta għand is-Sorijiet Franġiskani, fejn numru minnhom qed joqgħodu.

Il-Prim Ministru huwa akkumpanjat mis-Sur Edgar Galea Curmi, il-Kap tas-Segretarjat tal-Prim Ministru.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow