Left arrow Go Back

IPPUBLIKAT RAPPORT TA’ IMPLIMENTAZZJONI GĦALL-PROGRAMM TA’ ĦIDMA ‘ĠUNJU 2005 – ĠUNJU 2006’: BL-IŻVILUPP TA’ L-IMPRENDITORIJA F’PAJJIŻNA NSOSTNU N-NEGOZJU U NOĦOLQU MPIEGI ĠODDA

pr0694
Date Icon 11/05/2006

“Wara l-publikazzjoni ta’ Pjan ta’ Ħidma s-sena li għaddiet, issa qed nuru x’wettaqna permezz ta’ ħidma mifruxa mal-Gvern kollu, ikkordinata mis-Segretarjat għan-Negozji Żgħar u s-Self Employed. Din il-ħidma wasslet għal sinerġija li permezz tagħha f’pajjiżna s-self employed u s-sidien ta’ negozji żgħar kienu parti essenzjali mill-istimolu meħtieġ sabiex ġew iġġenerati mpiegi ġodda f’pajjiżna.” Dan qalu s-Segretarju Parlamentari għan-Negozji Żgħar u s-Self Employed, l-Onor. Edwin Vassallo waqt konferenza ta’ l-aħbarijiet li fiha nieda r-rapport ta’ implimentazzjoni ‘Il-Gvern Viċin is-Self Employed u n-Negozji Żgħar – x’Wettaqna’, sabiex jagħti rendikont tal-ħidma tal-Gvern tul is-sena Ġunju 2005-6 favur in-negozji żgħar u s-self employed.

L-Onor. Vassallo semma, fost l-oħrajn dawn is-suċċessi li fihom issarfet din il-ħidma:

1) Eżerċizzju ta’ komunikazzjoni kontinwu mas-settur kummerċjali permezz ta’ 46 laqgħa li fihom ġew mistiedna 59 lokalitajiet.

2) Is-Segretarjat ġie mgħoti r-responsabilta’ li jikkordina l-Programm Nazzjonali għall-Imprenditorija.

3) Ġie ffinalizzat program edukattiv biex jintroduċi l-imprenditorija fl-iskejjel primarji.

4) Ġiet imsaħħa l-ħidma fil-qasam edukattiv ta’ l-imprenditorija flimkien ma’ SCOOPS, Young Enterprise, Start-Up Malta u SIFE.

5) Ġie ffirmat Memorandum of Understanding bejn is-Segretarjat u l-MCAST., u qegħdin isiru laqgħat ma’ l-istudenti tal-aħħar sena fl-Istituti kollha tal-MCAST.

6) Sar l-ewwel kwestjonarju għal 2483 student li spiċċaw mill-MCAST sabiex jiġi magħruf kemm minn dawk l-istudenti li temmew l-istudji tagħhom fetħu in-negozju tagħhom.

7) Saret il-kampanja edukattiva ‘Għid Grazzi’ fuq livel nazzjonali maħsuba biex twassal il-messaġġ li min qiegħed fin-negozju irid ikun ta’ servizz.

8) Flimkien mal-Malta Enterprise, ġie mniedi l-Proġett Discover Enterprise li jipprovdi għajnuniet finanzjarji sabiex skejjel jidħlu fi proġetti ta’ l-imprenditorija.

9) Il-KBIC joffri opprortunitajiet loġistiċi u finanzjajri għal startups innovattivi. Dawn jinkludu grants, mentoring, taħriġ u għajnuna fil-business planning.

10) Ġew organizzati korsijiet għall-adulti dwar l-imprenditorija flimkien mal-Ministeru ta’ l-Edukazzjoni Żgħażagħ u Xogħol. Attendew 60 imprenditur li diġa’ għandhom in-negozju tagħhom.

11) Il-Malta Enterpise offriet 26 seminar għal intrapriżi.

12) Ġew organizzati 10 Modules taħt il-Programm INT tal-ETC.

13) Ġie approvat il-Partial Review ta’ l-iStructure Plan mill-Parlament sabiex sitt siti jingħataw permess għall-izvilupp u fuqhom jinbew industrial parks għal negozji żgħar.

14) Il-MEPA rċeviet l-applikazzjonijiet għall-permessi ta’ l-izvilupp li jkopru mal-85 tomna art u li jipprovdu mal-405 unit sabiex negozju żgħar ikunu jistgħu jaħdmu fihom.

15) Ġie ffinalizzat investiment ta’ Lm3 miljuni fiż-Żoni Industrijali tal-Ħandaq, l-Imrieħel, Ħaż-Żebbuġ u l-Mosta, fejn ser jiġu garantiti mat-3,000 impieg.

16) Bejn Mejju 2005 u Marzu 2006 il-Business Care Unit fid-Diviżjoni għall-Kummerċ ikun iltaqa’ ma’ 8,408 klijent (bejn telefonati u żjajjar personali).

17) Ġie ppublikat l-Avviż Legali 1 tal-2006 dwar ir-Regolamenti tal-Liċenzi tal-Kummerċ li kompla issemplifika l-proċess tal-ħruġ tal-liċenzi.

18) Ġie mħejji abbozz għall-Avviż Legali 119 tal-2002 dwar ir-Regolamenti tas-Swieq fil-Beraħ u abboz ieħor dwar l-attivitajiet kummerċjali li jeħtieġu permess mill-Kunsill.

19) Issaħħet il-ħidma ta’ komuunikazzjoni mas-setturi tal-bejjiegħ tal-laham, tal-ħut, ta’ l-għasel u d-Dipartiment tas-Saħħa Pubblika (sanita’).

20) Il-Malta Enterprise offriet skemi ta’ grants ta’ Lm2,500 b’fondi mill-Unjoni Ewropea lil negozji li iridu jikkonformaw ma’ direttivi Ewropej dwar HACCP.

21) L-Uffiċċju tal-Prim Ministru ikompli l-eżerċizzji ta’ Impact Assessment.

22) Budget 2006 bla taxxi ġodda.

23) Twaqqfet il-Better Regulation Unit fi ħdan il-Management Efficiency Unit.

24) Simplifikazzjoni tal-proċeduri fil-qrati u proċeduri aktar effettivi maħsuba biex jgħinu fil-ġbir ta’ kreditu. Dawn il-proċeduri ġew imħabbra mill-Viċi Prim Ministru u Ministru tal-Ġustizzja u Intern, Dr. Tonio Borg u s-Segretarju Parlamentari Dr. Carmelo Mifsud Bonnici.

25) Bdiet konsultazzjoni għal emendi fil-kodiċi kummerċjali mill-Uffiċċju tas-Segretarju Parlamentari Dr. Carmelo Mifsud Bonnici flimkien ma’ dan is-Segretarjat.

26) Il-Ministeru għal Affarijiet Barranin jirrikonoxxi lis-Segretarjat Parlamentari għan-Negozji Żgħar u s-Self Employed bhala l-kuntatt ewlieni tan-Negozji Żgħar fi ħdan il-Forum Malta fl-Ewropa.

27) Il-Kunsill Malti għall-Artiġjanat ħa sehem f’diversi fieri u wirjiet biex jippromwovi l-artiġjanat Malti.

28) Ġie konkluż l-eżerċizzju li permezz tiegħu 93 inkwilin ingħataw konvenju għal 65 ċens fil-proġett għall-bini ta’ villaġġ ta’ l-artiġjanat ta’ Ta’ Qali li ser ikun jiswa madwar Lm7 miljuni.

29) Il-Ministeru għat-Toroq u Progetti Urbani beda l-proċess ta’ tħejjia għal ħruġ tat-tenders f’Ta Qali.

30) Ġiet ikkordinata ħidma mal-Ministeru tar-Riżorsi u Infrastruttura għal tindif fiż-żoni industrijali u f’Ta’ Qali, filwaqt li l-istess Ministeru kompla l-ħidma tiegħu biex jagħmel isbaħ pjazez ta’ bliet u irħula Maltin u minn dawn il-proġetti gawdew iċ-ċentri kummerċjali fl-ibliet u l-irħula tagħna.

31) Ġiet ikkordinata ħidma mal-Ministeru responsabbli mit-toroq li wasslet biex aktar toroq f’Albert Town u f’Ħal Qormi, fejn hemm konċentrazzjoni ta’ negozji, jkunu mgħotija t-tarmak

32) Tnieda l-Proġett Kickstart maħsub biex jipprovdi għajnuniet loġistiċi u finanzjarji għal negozji li qed juzaw l-IT.

33) Twaqqaf l-EU Programmes Access Network for Micro-Firms biex jippromwovi l-Konsulenti li qegħdin jaħdmu fuq proġetti tal-Unjoni Ewropea

34) Hija l-mira tal-Gvern li sa l-aħħar tal-2006, 300 self employed ikunu ħadu sehem fi programmi iffinanzjati mill-Unjoni Ewropea

35) Bdiet inizjattiva speċjalizzata biex numru ta’ negozji żgħar jiġu mgħejjuna iwaqfu export houses u oħrajn mgħejjuna jespandu l-attivita’ kumerċjali tagħhom fi swieq ta’ l-Unjoni Ewropea.

36) Il-Ministeru tal-Finanzi waqqaf it-Tax Review Commission

37) Saru laqgħat mal-BOV u l-HSBC bil-hsieb li jkunu mtejba l-inizjattivi fl-aċċess finanzjarju għal negozji żgħar.

38) Tnieda l-BOV Pack for Micro Firms

39) Twaqqfet in-National Euro Changeover Committe (NECC) sabiex il-bidla mil-Lira Maltija għall-Ewro issir mingħajr xkiel fuq in-negozju bl-inqas spejjeż possibli.

40) Is-Segretarjat inħatar membru ta’ l-Advisory Board ta’ l-iStrategija Nazzjonali għar-riċerka u l-Innovazzjoni ikkordinata mill-MCST sabiex aktar negozji żgħar ikunu jistgħu jagħmlu użu aħjar minn fondi għal riċerka u innovazzjoni.

41) Il-Ministeru għall-Industrija, Investiment u Teknoloġija ta’ l-Informatika ippubblika lista ta’ operaturi fl-ICT lokali bl-iskop li jirreklama l-industrija ta’ ICT barra minn Malta.

42) Qed issir ħidma ma’ l-MTA f’eżerċizzju ta’ identifikazzjoni ta’ issues li jolqtu mill-qrib negozji żgħar f’dan is-Settur

43) Ġie iffirmat Memorandum of Understanding ma’ l-assoċjazzjonijiet ta’ rappreżentanti tas-settur kummerċjali u ta’ min iħaddem li huma GRTU, FOI, Kamra tal-Kummerċ, MHRA, Malta Employers Association u l-Malta Insitute of Management

L-Onor. Vassallo qal li “wieħed irid jifhem li meta qed nitkellmu fuq self-employed u negozji żgħar fl-aħħar mill-aħħar qegħdin nitkellmu fuq setturi differenti ta’ nies bi ħtiġijiet differenti fl-attivita’ kummerċjali tagħhom. Dan ifisser li, per eżempju, l-ħtiġijiet ta’ l-artiġjana huma differenti minn dawk ta’ mekkanik jew ta’ bejjiegħa tal-laħam jew tal-ħut. Dawn huma differenti wkoll mill-ħtiġijiet ta’ dawk fl-industija tal-manifattura bħalma huma fabbriki żgħar, u differenti minn dawk li qegħdin fis-servizzi, kemm jekk huma bajjada jew jipprovdu xi forma ta’ servizz ta’ konsulenza. Dawn kollha huma negozji żgħar u kollha għandhom il-ħtiġijiet tagħhom. Il-Gvern irid jibqa’ viċin ta’ dawn in-negozji kollha għaliex jinteressah is-suċċess ta’ dawn in-negozji kollha.”

Is-Segretarju Parlamentari kompla billi qal li “l-ħidma tal-Gvern, kif jixhed dan id-dokument, hija mmirata għal diversi nies, b’diversi ħtiġijiet differenti. Hija ħidma li qed issir b’mod kollettiv iżda li hi ffukata fejn ikun meħtieġ u mitlub”.

“Minkejja din il-ħidma hekk vasta u effettiva li żammet lill-Gvern viċin is-self employed u s-sidien tan-Negozji Żgħar, jiena konxju u sodisfatt li dawn is-self employed u s-sidien dejjem jistennew aktar minn Gvern Nazzjonalista għaliex jafu li huwa Gvern li tista’ tistenna dejjem aktar mingħandu. Dan għal kuntrarju ta’ dak li jigri mal-Partit Laburista, fejn in-negozji għandhom qalbhom maqtugħa minnu” temm jgħid is-Segretarju Parlamentari Edwin Vassallo.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow