Left arrow Go Back

‘L-GĦAQDIET VOLONTARJI JAGĦTU IDENTITÀ LIL-LOKAL’ – IL-PRESIDENT TA'MALTA

pr0670
Date Icon 05/05/2006

Il-President Eddie Fenech Adami ltaqa` ma` l-għaqdiet volontarji tal-Mellieħa u l-Manikata l-bieraħ fil-għaxija fil-Manikata.  

Il-President stqarr li l-laqgħat ma` l-għaqdiet volontarji u skejjel iġibuh viċin il-poplu Malti għax b’ħidmithom juru r-realtà tal-ħajja fil-lokal. 

Il-President qal li d-demokrazija hija l-ħajja ta` kuljum, is-soċjetà ċivili magħmula mill-għaqdiet volontarji b’saħħithom li jaħdmu tul is-sena kollha b’ħidmiet varji. Dawn iħaddnu lkoll għan wieħed: dak li jżommu s-soċjetà ħajja.  Żied jgħid li l-41 għaqda fil-Mellieħa, wħud minnhom ilhom is-snin jeżistu kif ukoll ħafna oħra li nibtu iktar riċentement, huma sinjal pożittiv li s-soċjeta’ tal-Mellieħa qed tiżviluppa l-valur tas-solidarjetà.  

Il-President qal li l-ġid ekonomiku tal-pajjiż huwa importanti, iżda miegħu hemm il-ħtieġa ukoll li l-pajjiż ikun kuntent.  Hemm jidħol ix-xogħol ta’ dawn l-għaqdiet volontarji li jiżviluppaw soċjetà ferriħija u bi spirtu ta’ solidarjetà li huwa parti mill-identita’ tal-Poplu Malti. 

Huwa rringrazzja lill-għaqdiet li laqgħu l-istedina tiegħu u rrimarka li ħa pjaċir jisma’ kemm hu kbir il-kontribut tagħhom. 

Nhar il-Ħadd, 7 ta’ Mejju, 2006 il-President flimkien mas-Sinjura Fenech Adami, ser jagħmel żjara uffiċjali fil-lokalità u jiltaqa` mar-residenti. 

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  More than 20 digital gaming and esports companies showcase Malta’s Industry Growth at PLAYCON 2026

PR261958EN

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-istrateġija tal-2019 qed tħalli l-frott: aktar minn 20 kumpanija tal-logħob diġitali u l-esports irrappreżentati waqt il-ftuħ ta’ PLAYCON 2026

PR261958

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow