Attivitajiet Fl-MCAST f’Jum iż-Żgħażagħ
pr0433
21/03/2006
| Il-21 ta’ Marzu huwa il-Jum Nazzjonali taż-Żgħażagħ, | u għal dan il-Jum, fl-MCAST qed jiġu organizzati diversi attivitajiet u qed jiġi mniedi l-ewwel Kunsill ta’ l-Istudenti ta’ l-MCAST. Il-Ministru ta’ l-Edukazzjoni Louis Galea żar l-MCAST biex filwaqt li jara l-attivitajiet li ġew organizzati, ħa sehem f’dibattitu li sar mill-istudenti u li fiħ iddiskutew il-parteċipazzjoni attiva ta’ l-istudenti bl-iskop li jħeġġu stili ta’ ħajja b’saħħithom. |
| Fi tmiem l-istess dibattitu, tnieda l-ewwel Kunsill ta’ | l-Istudenti ta’ l-MCAST u dan biex l-istudenti ta’ l-MCAST ikollhom organizzazjoni li tirrapreżentahom u biex ikun hemm organizzazjoni li torganizza attivitajiet għall-istudenti ta’ l-MCAST u taħdem biex iġġib il-quddiem il-kwistjonijiet li l-istudenti jħossu li huma mportanti għalihom. |
| Il-Ministru Galea qal li dan hu pass ieħor importanti | għall-MCAST u jkompli juri l-impenn tal-kulleġġ biex l-istudenti li jattendu fil-kulleġġ ma jkunux biss attivi akkademikament imma jipparteċipaw fil-livelli differenti. Hu qal li tema ewlenija tal-Politika taż-Żgħażagħ hi l-parteċipazzjoni taż-żgħażagħ fis-soċjeta’ biex anke permezz ta’ l-edukazzjoni jkunu ċittadini attivi li jagħmlu differenza. Hu qal li ż-żgħażagħ iridu jkunu involuti partikolarment fid-deċiżjonijiet li jaffetwawhom u fl-istess ħin għandhom minjiera ta’ ħiliet, attitudnijiet u enerġija li żgur jagħtu valur miżjud lil kull organizzazjoni li agħraf tużahom tajjeb. |
| L-attivitajiet fl-MCAST kienu jinkludu quddiesa, wirja | ta’ karozzi ta’ studenti mill-MCAST stess, u li qed tintuża biex jitwassal il-messaġġ favur sewqan responsabbli, stands b’informazzjoni rilevanti għaż-żgħażagħ, wirjiet mis-St. John Rescue Corps u mit-tim nazzjonali tal-Judo, show tal-breakdance, dibattitu u attivitajiet oħrajn. |
Other Press Releases:
PR261955en
PRESS RELEASE BY THE MINISTRY FOR HOME AFFAIRS AND SECURITY Europe’s secur...
PR261955