Left arrow Go Back

Il-Ministru George Pullicino jżur l-iskola ġdida tas-St. Michael Foundation

pr0185
Date Icon 08/02/2006

L-investiment fl-edukazzjoni ambjentali ta’ l-istudenti huwa l-aħjar mod kif nassiguraw futur sostenibbli għall-ġenerazzjonijiet futuri. 

Dan qalu l-Ministru għall-Affarijiet Rurali u l-Ambjent George Pullicino meta kien qed iżur l-iskola sekondarja ġdida tas-St. Michael Foundation f’Tal-Balal, limiti ta’ San Ġwann.  L-iskola, li se tiġi inawgurata uffiċjalment fir-rebbiegħa, tesa’ sa’ 400 student. 

Waqt iż-żjara, l-Ministru Pullicino ddiskuta l-ambjent ma’ wħud mill-istudenti u l-importanza li dan jitħares bl-aħjar mod possibbli permezz ta’ mġieba favur l-ambjent.  

Flimkien mal-kapijiet ta’ l-iskola Alfred u Anne Marie Carabott, il-Ministru ddiskuta wkoll il-proġett ta’ l-EkoSkola li l-Gvern imexxi flimkien man-Nature Trust.  L-għan ta’ l-EkoSkola huwa li jħeġġeġ u jrawwem fit-tfal it-tagħlim u l-kuxjenza ambjentali mhux biss fl-iskola li jattendu, imma wkoll fl-ambjent u l-komunità tal-madwar. 

Il-Ministru George Pullicino fakkar kif s’issa hemm 29 skola li jagħmlu parti mill-inizjattiva EkoSkola u l-mira tal-Gvern hija li dan in-numru jirdoppja sa l-aħħar ta’ din is-sena. Il-Ministru Pullicino qal li għada se jsir seminar fejn se jiġi ppreżentat l-ewwel International Green Flags lill-żewġ skejjel minn mindu beda l-proġett ta’ l-EkoSkola tliet snin ilu.  

Rappreżentanti ta’ l-iskejjel li jagħmlu parti mill-proġett u oħrajn li huma interessati li jidħlu f’dan il-proġett se jattendu dan is-seminar biex jisimgħu l-esperjenzi ta’ xulxin u jingħataw ukoll għodda edukattivi għat-tixrid tat-tagħlim dwar l-ambjent. 

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

More Press Releases Right arrow