Left arrow Go Back

Proġetti ta’ tisbiħ mill-ħaddiema tal-Gvern fil-qalba ta’ l-irħula

pr0155
Date Icon 03/02/2006

Bħala parti mill-impenn tal-Gvern li jsebbaħ pjazez u irħula madwar Malta, ingħata bidu għal xogħol ta’ tisbiħ ġenerali tal-pjazza u zuntier ġdid quddiem il-Knisja ta’ Birżebbuġa. Ħaddiema mill-Ministeru għar-Riżorsi u l-Infrastruttura bdew il-ħidma tagħhom sabiex jagħtu dehra isbaħ u li tixraq lil wieħed mill-ikbar znieter ġewwa pajjiżna. Dan il-proġett seta’ jibda wara konsultazzjoni wiesa’ mar-residenti u awtoritajiet lokali. 

Il-Ministru Ninu Zammit żar ix-xogħlijiet li preżentament għaddejjin fuq in-naħa ta’ wara tal-Knisja. Hawn insibu ġnien żgħir li wara li nqala’ mill-qiegħ qed jerġa jinbena b’disinn ġdid. Dan id-disinn għandu jżid il-parkeġġ għal karozzi. Bħal f’kull ġnien u promenade li jibnu ħaddiema mit-Taqsima tax-Xogħlijiet, il-proġett ikun ikkumplimentat bi street furniture u dwal dekorattivi li wkoll jinħadmu fl-istess Taqsima. Dan qiegħed iwassal għal użu massimu tar-riżorsi umani li jipposjedi dan il-Ministeru. 

Wara li jintemm dan ix-xogħol għandu jibda jinqala’ l-wiċċ eżistenti taz-zuntier tal-Knisja. Minflok se jitpoġġa paviment tal-porfido mżewwaq bil-ġebla tal-qawwi. B’kollox se jitpoġġa l’fuq minn 750 metru kwadru ta’ pavimentar fuq dan iz-zuntier. Huwa pjanat li tkun installata sistema ta’ dawl ġdida bl-iskop li tagħti dehra iktar majestuża lil Knisja. 

Il-Ministru Zammit fakkar li xogħol simili minn ħaddiema tal-Gvern jinsab għaddej fil-pjazez ta’ Ħal-Kirkop u Ħal-Lija. Fl-aħħar sentejn il-Ministeru għar-Riżorsi u l-Infrastuttura diġa wettaq proġetti fuq l-istess skala u stil fil-pjazez ta’ Ħal Safi u l-Mellieħa. F’dawn il-proġetti kollha qed issir ħidma sabiex ikunu aċċessibli għal persuni b’diżabilita’. 

Il-proġett f’Birżebbuġa huwa pjanat li jintemm sa nofs is-sena u għandu jiswa madwar Lm180,000, liema investiment jinkludi wkoll il-pagi tal-ħaddiema. 

Minbarra proġetti diretti fl-irħula mill-Gvern, il-ħaddiema tal-Ministeru għar-Riżorsi u l-Infrastruttura jwettqu wkoll ħidma varja ma’ diversi Kunsilli Lokali fuq bażi ta’ joint venture. Din it-tip ta’ ħidma ġiet introdotta fl-aħħar sentejn u ħalliet bosta riżultati sodisfaċenti. Fost il-Kunsilli Lokali li l-iktar ibbenefikaw minn din l-iskema nsibu dawk ta’ Birkirkara, Bormla, Wied il-Għajn, Ħal-Lija, is-Siġġiewi u San Ġwann.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

More Press Releases Right arrow