Left arrow Go Back

Korsijiet fl-imprenditorija ghal min jahdem ghal rasu (self employed)

pr0149
Date Icon 02/02/2006

“Qegħdin inkomplu naħdmu biex aktar nies fin-negozju jiksbu ħiliet li jgħinuhom biex ikunu jistgħu jaħdmu aħjar.  Għal dan il-għan, is-Segretarjat tiegħi, b’kollaborazzjoni mad-Dipartiment ta’ l-Istudji Ogħla u Edukazzjoni Adulta fid-Diviżjoni ta’ l-Edukazzjoni, kif ukoll mal-Ministeru għal Għawdex, qiegħed jorganizza t-tieni serje ta’ korsijiet fl-imprenditorija għas-self-employed.”  Dan qalu s-Segretarju Parlamentari għan-Negozji Żgħar u s-Self Employed, Edwin Vassallo, waqt konferenza ta’ l-aħbarijiet li fiha tħabbru dawn il-korsijiet.  

L-Onor. Vassallo kompla billi ta dettalji tal-korsijiet.  

“Dawn il-korsijiet, li qegħdin jiġu offruti b’xejn, ser isiru f’ħameslokalitajiet, inkluż f’Għawdex, darbtejn fil-ġimgħa għal ħames ġimgħat.  Il-korsijiet ser isiru fi ġranet differenti, skond il-lokalita’:
It-Tnejn u l-ErbgħaRabat               Kunsill Lokali, 8, Triq l-Isptar
It-Tlieta u l-ĦamisSan Ġwann       Kunsill Lokali, 55, R. Caruana Dingli Str.
Il-Ħamis u l-ĠimghaBirkirkara         Birkirkara Civic Centre, Triq Tumas Fenech
It-Tnejn u t-TlietaAttard              Skola Primarja Tumas Dingli, Triq Ħal-Warda
Dawnil-korsijiet ser isiru bejn is-2.00 pm u l-4.00 pm.
F’Għawdexser isiru nhar ta’
Tlietau Ħamis                  Rabat         Sir Michelang Refalo, Centre for Further Studies

bejn is-7.00 pm u d-9.00 pm.  

Min ser jattendi u jieħu sehem f’dawn il-laqgħat ser ikun megħjun itejjeb il-kapaċitajiet tiegħu fis-segwenti suġġetti:-  

1.                  Żvilupp, etika u kummerċ ġust

2.                  L-iżvilupp ta’ intrapriża kummerċjali

3.                  L-elementi li jagħmlu negozju

4.                  Ħaddiema

5.                  Finanzi

6.                  Użu ta’ kompjuter

7.                  Żvilupp ta’ ħiliet

8.                  Promozzjoni tan-negozju

9.                  Kif tieħu ħsieb il-klijenti

10.                Kreattivita` u innovazzjoni fin-negozju.”  

Is-Segretarju Parlamentari kompla jgħid li “din is-sena s-Segretarjat ħadem biex iwettaq numru ta’ inċentivi dwar l-edukazzjoni fl-imprenditorija, li jagħmlu parti mill-Pjan ta’ Ħidma li jiġi ppubblikat kull sena.  Dan il-Pjan ta’ Ħidma huwa bbażat fuq iċ-Charter Ewropew għan-Negozji Żgħar, u bl-implimentazzjoni ta’ l-inċentivi fil-Pjan ta’ Ħidma qegħdin ukoll nimplimentaw iċ-Charter Ewropew.  Din il-ħidma hi parti minn ħidma oħra li qegħda ssir biex jiġu fis-seħħ dawn l-inizjattivi:  

  • Ser ikun ippubblikat ktejjeb b’informazzjoni ġenerali dwar il-proċeduri li jgħaddi minnhom min ikun irid jiftaħ negozju.  Dan il-ktejjeb huwa ta’ interess għal start-ups u ser jitqassam ukoll lill-istudenti ta’ l-MCAST ta’ l-aħħar sena.
  • Ser jiġi ppubblikat ukoll fuljett b’informazzjoni dwar il-liġijiet li jirregolaw in-negozju, biex dawn ikunu jinftiehmu faċilment.  Dan il-ktejjeb ukoll ser ikun imqassam lill-istudenti ta’ l-MCAST u lil dawk li qegħdin fin-negozju.
  • Qegħdin ikunu mgħejjuna biex jaslu għas-suċċess tagħhom l-iSCOOPS, Young Enterprise u Start-Up Malta, u dan il-metodu ta’ learning by doing huwa l-aħjar taħriġ fl-imprenditorija (entrepreneurship).
  • Fil-preżent għaddej proġett pilota (pilot project) fejn qegħdin nikkordinaw eżerċizzju ta’ għoti ta’ informazzjoni lill-istudenti tal-Kulleġġi ta’ l-MCAST ta’ l-aħħar sena, sabiex dawn ikollhom l-iżjed informazzjoni bażika rigward l-opportunitajiet li jista’ jkollhom f’karriera bħala imprendituri, fejn dawn qegħdin jiġu mistiedna biex jaħsbu fuq il-possibilta` li fil-ġejjieni jkollhom in-negozju tagħhom.
  • Qegħed jitħejja proċess li permezz tiegħu ser inkunu nistgħu nitkellmu ma’ ex-studenti tal-kulleġġi ta’ l-MCAST li diġa għandhom negozju, bil-ħsieb li l-kulleġġi ta’ l-MCAST maż-żmien ikunu sors ta’ lifelong learning għal ex-studenti li jkunu daħlu fid-dinja tal-kummerċ.
  • B’ħidma kkordinata flimkien ma’ Start-Up Malta, ser inkunu nistgħu nniedu inizjattiva li permezz tagħha,  ngħinu studenti universitarji li -  jew ikunu jixtiequ aktar informazzjoni fuq l-opportunitajiet fl-imprenditorija, - jew li jkunu jixtiequ jibdew in-negozju tagħhom waqt li għadhom studenti.

“B’dawn il-korsijiet, kif ukoll bix-xogħol l-ieħor li qiegħed isir dwar edukazzjoni fl-imprenditorija, qegħdin dejjem niffaċilitaw l-aċċess tas-self employed u s-sidien tan-negozji żgħar tagħna għall-edukazzjoni, biex b’hekk huma dejjem ikunu jistgħu jtejjbu x-xogħol u l-operat tagħhom.  

“F’pajjiżna diġa għandna kompetizzjoni li tixhed li hawn numru kbir ta’ imprendituri li qegħdin fin-negozju, iżda, minkejja l-ħafna li għandna, għad għandna post għal aktar attivita` kummerċjali.  Li jinħtieġ hu li jkollna min jidħol fin-negozju b’idejat ġodda.  Ma jistax jibqa’ jkollna ħafna negozji bħal bosta li diġa għandna, u allura għandna bżonn li min qiegħed fin-negozju jieħu bis-serjeta` l-kunċett tal-lifelong learning.  Dan ifisser li waqt li jkun fin-negozju jħarreġ l-abilita` tiegħu dwar kif jista’ jkun aktar innovattiv u hekk ikun aħjar fin-negozju tiegħu,” temm s-Segretarju Parlamentari Edwin Vassallo.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAL-PRIM MINISTRU  “Meta nsaħħu l-MCAST inkunu qed ninvestu fil-kapaċità tal-pajjiż li jimxi ’l quddiem” – Il-Prim Ministru Robert Abela

PR261951

STQARRIJA MILL-UFFIĊĊJU TAL-PRIM MINISTRU “Meta nsaħħu l-MCAST inkunu qed ...

 PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME Student Councils receive recognition

PR261950en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...

More Press Releases Right arrow