Rapport Annwali Dwar il-Verifika tal-Fondi Pubbliċi 2004
| Ir-Rapport | Annwali ta’ Verifika, li ġie ppreżentat lill-iSpeaker tal-Kamra tar-Rappreżentanti qabel għalqet is-sena 2005, hekk kif stipulat f’Kapitlu 396 tal-Kostituzzjoni Maltija, ittratta x-xogħol kollu ta’ verifika li sar matul it-tieni nofs tas-sena 2005 f’dak kollu li kellu x’jaqsam mas-sena finanzjarja li għalqet fil-31 ta’ Diċembru 2004. Fih ukoll referenza għal dak ix-xogħol li sar matul l-ewwel nofs tas-sena 2005, imsemmi fir-Rapport ta’ Nofs is-Sena u li tressaq quddiem il-Mejda tal-Kamra fit-30 ta’ Lulju 2005. L-opinjoni ta’ l-Awditur Ġenerali hija ukoll dwar ir-Rapport ta’ Nofs is-Sena. |
| Ir-Rapport | Annwali wera tħassib dwar il-problemi mniżżla hawn isfel: |
§ Problemi rigward varjanzi li kien hemm fi dħul u nfieq ordinarju, self li għad irid jiġi mħallas lura lill-Gvern, investimenti, kif ukoll id-dejn pubbliku huma kollha msemmija fl-Analiżi tar-Rapport Finanzjarju 2004, li jittratta l-Fond Konsolidat u r-Rendikont ta’ l-Assi u Obbligazzjonijiet.
§ Matul is-sena 2004, il-Bord li jieħu ħsieb l-Investimenti kollha tal-Gvern kien għadu ma twaqqafx u minħabba f’hekk il-lista ta’ Investimenti miżmuma mill-Gvern sa’ l-aħħar tas-sena 2004 ma setgħetx tiġi eżaminata.
§ Id-Dipartiment tat-Teżor għadu jsostni li x-xahar ta’ Jannar 2002 għandu jiġi kkunsidrat bħala dak li matulu reġgħet bdiet issir ir-rikonċiljazzjoni tad-differenza li hemm fil-bilanċi tal-Kont Pubbliku bejn il-kotba tal-Bank Ċentrali u dawk tat-Teżor. Dawn il-bilanċi ma kienux rikonċiljati minn Gunju 1992. B’effett minn Frar 2005, rikonċiljazzjonijiet qed isiru fl-aħħar ta’ kull xahar u b’hekk qed ikun hemm aktar osservanza u attenzjoni mmedjata fuq it-transazzjonijiet, mingħajr ma jaqa’ aktar xogħol lura.
§ Arretrati ta’ Dħul li l-Gvern kellu jdaħħal sa l-aħħar tas-sena 2004 jammontaw għal aktar minn Lm482.1 miljun. Minn dawn, Lm93.4 miljun biss huma kkonsidrati li jistgħu jinġabru. Dan huwa qasam fejn jista’ jsir titjib sostanzjali bl-introduzzjoni ta’ proċeduri effiċjenti li permezz tagħhom ikun hemm aktar kontroll f’dawk li huma ħlasijiet lura jew multi. Fl-istess ħin għandu jiġi assigurat li jkun hemm dokumentazzjonijiet korretti ta’ kull transazzjoni.
§ Hemm dubji partikolari dwar kemm ser jinġabru lura arretrati ta’ dħul li jammontaw għal Lm2.8 miljun li rriżultaw minn pagamenti żejda ta’ benefiċċji soċjali. Mhux qed ikun hemm infurżar biż-żejjed min-naħa tad-Dipartiment biex jiġbor flus li min-naħa tiegħu ħallas żejda.
§ Meta ġie analizzat kampjun ta’ Lm1.75 miljun mill-ammonti kollha ta’ Lm4.36 miljun bħala Arretrati ta’ Dħul f’dawk li huma Kontribuzzjonijiet tas-Sigurta’ Nazzjonali ta’ qabel 1998, instab li 47 fil-mija (%) tal-bilanċi kienu aktar milli suppost filwaqt li 44 fil-mija (%) nstab li kienu inqas. Kienu biss 6 fil-mija (%) ta’ dawk li jħaddmu, u li kienu naqsu minn dmirhom, li kienu qed iħallsu lura b’mod regolari.
§ M’hemmx kontroll biżżejjed, mill-Ministeru tal-Kompetittivita’ u Komunikazzjonijiet (li qabel kien il-Ministeru għat-Trasport u Komunikazzjonijiet), fuq ir-rimborżtas-sejħiet mil-linji tat-telefon ċellulari. Mhumiex ċari r-Regolamenti dwar xiri ta’ settijiet ċellulari jew bdil ta’ dawk irraportati nieqsa jew mitlufa.
§ Minn eżerċizzji ta’ verifika li saru fl-Isptar San Luqa u fid-Dipartiment għall-Anzjani u Kura fil-Komunita’ ta’ dak li għandu x’jaqsam ma’ pagi tal-ħaddiema rriżulta li kien hemm nuqqas kbir f’dawk li huma dokumenti u kontroll ta’ pagamenti ta’ salarji. Żbalji waqt il-komputazzjoni ta’ salarji f’dawn iż-żewġ postijiet partikolari kienu riżultat ta’ kalkulazzjoni tad-diversi tipi ta’ “allowances” tal-ħaddiema. Barra minn hekk, l-Isptar għadu dipendenti mit-Tezor f’dak li hu ħruġ ta’ salarji lill-impjegati kollha tiegħu u dan minkejja li diġà jezisti “software” apposta li jista’ jibda jiġi użat faċilment mill-istaff responsabbli mis-salarji.
§ Irregolaritajiet oħra nstabu f’dawk li huma pagamenti għal sahra mħallsa mill-Ministeru ta’ l-Iżvilupp Urban u Toroq (li qabel kien jagħmel parti mill-Ministeru tat-Trasport u Komunikazzjonijiet) għall-istaff tas-Segretarjat Privat. Azzjonijiet meħtieġa ma ttieħdux meta kien hemm każijiet ta’ impjegati jirrapurtaw tard għax-xoghol kif ukoll ma kienx hemm kontroll biżżejjed fuq l-attendenza.
§ Il-preċizjoni fis-salarji ta’ ufficjali Maltin li qed jaħdmu f’Ambaxxati barra minn Malta (MBOs) ma setgħetx tiġi vverifikata ma’ kriterji stabbiliti mill-Ministeru tal-Finanzi u awtoritajiet oħra. In-nuqqas ta’ komunikazzjoni bejn il-Ministeru ta’ l-Affarijiet Barranin u d-Dipartiment tas-Sigurta’ Soċjali wassal biex MBOs kienu qed jitħallsu l-benefiċċji tat-tfal minn żewġ naħat. Il-ġustifikazzjoni u l-preċizjoni tar-rati ta’ dawn il-benefiċċji pagabbli kull wild skond il-pajjiż fejn il-ġenitur ikun qed jaħdem, ma setgħux jiġu vverifikati.
§ Impjegati ċivili fuq il-kotba tal-Forzi Armati, li iżda huma assenjati f’xi post partikolari ieħor, qed jaħdmu fuq “roster” ta’ siegħat imnaqqsa. Madankollu ma nstabet l-ebda approvazzjoni mill-Uffiċċju tal-Prim Ministru dwar dan.
§ Propjeta’ mmobbli tal-Gvern li tinsab f’Canberra l-Awstralja u tintuża mill-Kummissarju Għoli sew bħala uffiċċju kif ukoll bħala residenza dejjem ġiet eskluża mid-dokumenti miżmuma fil-post. Għalkemm il-propjeta’ ġdida mixtrija fis-sena 2000 kellha tintuża għall-istess żewġ skopijiet, madankollu nżammet ukoll l-istess residenza ta’ qabel. Barra minn dan, la l-valur kapitali totali ta’ l-art u l-bini tar-residenza w uffiċċju, u lanqas il-valur tad-diversi oġġetti li ġew mixtrija (meta kienet akkwistata l-propjeta’) qatt ma setgħu jiġu kkalkolati.
§ In-nuqqas ta’ kontabilita’ fl-ambaxxata f’Ruma akkreditata lill-Italja u San Marino kien riżultat taż-żamma mhux daqshekk sodisfaċenti tal-kontijiet, speċjalment fejn jidħlu servizzi konsulari. Is-sistema preżenti ta’ kif jinżammu l-kontijiet qed twassal għal xoghol manwali doppju kif ukoll hija suġġetta għal riskju kbir ta’ żbalji. Uffiċjali ta’ din il-Missjoni, fi gradi diplomatiċi, qed ikunu kontinwament involuti huma stess fi transazzjoniijiet ta’ flus kontanti. Dan ix-xogħol jista’ jiġi ddelegat lil impjegati fi gradi iżgħar li diġà jaħdmu fl-Ambaxxata.
§ Matul is-sena, ir-rata ta’ osservanza tar-Regoli Finanzjarji, fejn għandhom x’jaqsmu Kunsilli Lokali, ma rreġistrat l-ebda sinjal ta’ titjib fuq is-snin l-imgħoddija. Instabu każijiet ta’ infieq eċċessiv li ma għenux fil-ħidma tal-Kunsill Lokali konċernat. Numru konsiderevoli ta’ Kunsilli Lokali ukoll irreġistraw diversi nuqqasijiet rigward iż-żamma ta’ dokumentazzjonijiet finanzjarji għas-Sistema ta’ Infurzar. Dan huwa riżultat tan-nuqqas ta’ preżentazzjoni ta’ Kontijiet Ivverifikati min-naħa tal-Kumitati Konġunti. Kien hemm ukoll ċerti nuqqasijiet li jirrigwardjaw Kunsilli Lokali partikolari. Dawn iżda ġew irrapurtati separatament flimkien mal-kummenti tal-Kunsilli konċernati.
§ Min-numru ta’ eżerċizzji ta’ verifika li saru ta’ għadd ta’ Organizzazzjonijiet mhux Governattivi kif ukoll fuq Entitajiet Pubbliċi tal-Gvern ħargu dawn in-nuqqasijiet:
§ Ir-Rendikonti Finanzjarji ta’ l-Entitajiet Pubbliċi jew Organizzazzjonijiet mhux Governattivi ma kienux skond l-“International Financial Reporting Standards”.
§ Il-proċeduri għax-xiri, skond l-Att ta’ l-Awtoritajiet, ma kinux konformi mar-Regolamenti tal-Kuntratti Pubbliċi tas-sena 2005.
§ Nuqqas ta’ kontroll fuq l-Assi Fissi rriżulta minħabba reġistri mhux aġġornati.
§ Nuqqas ta’ approvazzjoni fuq xiri li żiedu r-riskju ta’ nfieq żejjed.
§ Proċeduri korretti ta’ kif kienu qed jiġu rreġistrati obbligazzjonijiet fis-sena li suppost ma kinux qed jiġu dejjem osservati.
§ Fejn jidħlu spejjeż ta’ l-ivvjaġġar kien hemm nuqqas ta’ osservanza ma’ dak kollu li jipprovdi għalih “Public Service Management Code”.
Other Press Releases:
PR261950en
PRESS RELEASE BY THE MINISTRY FOR YOUTH, WELLBEING AND THE IMPLEMENTATION ...
PR261950