Left arrow Go Back

Xogħlijiet artistiċi li jiffukaw fuq il-baħar, il-blat u r-ramel

pr1799
Date Icon 07/12/2005
StephenVella, membru tal-Malta Photographic Society, ipproduċa sensiela ta’ xogħlijiet artistiċi  tax-xtut bir-ramel ta’ pajjiżna, li joħorġu l-armonija tal-moviment bejn il-baħar u r-ramel. Hu ġie attirat l-iżjed mill-mewġ kwiet li jmur lura lejn il-baħar u l-effett li jħalli fuq ir-ramel imxarrab.
StephenVella għandu bħalissa wirja ta’ 22 biċċa xogħol fotografika ta’ ritratti mill-qrib tal-baħar, blat u ramel. F’dawn ix-xogħlijiet id-dellijiet bojod u suwed jemfażizzaw l-enerġija tal-baħar li minn   xi daqqiet tistieden u minn oħrajn hi ta’ theddida.
Il-Ministrugħat-Turiżmu u Kultura Francis Zammit Dimech inawgura din il-wirja li qed tittella’ fir-Radisson S.A.S. Baypoint Resort, San Ġiljan bejn illum 7 ta’ Diċembru u s-7 ta’ Jannar 2006. Il-Ministru Zammit Dimech qal li l-fotografija hi forma oħra ta’ arti viżiva li tiftaħ orizzonti wiesa’ għal min jipprattikaha.
Il-Ministrugħat-Turiżmu u Kultura qal li fix-xogħlijiet tiegħu Stephen Vella hu ispirat mill-baħar, il-blat u r-ramel li jdawwru pajjiżna. Hu qal li għalkemm dawn huma għalina xi ħaġa li niltaqgħu magħha kuljum għal min iżurna minn pajjiżi fit-Tramuntana ta’ l-Ewropa huma ta’ attrazzjoni kbira.
“Ankejekk fil-qasam turistiku llum qed naħdmu biex insibu niċeċ ġodda, ix-xemx, il-baħar u r-ramel xorta jibqgħu attrazzjoni. Dawk li jżuru pajjiżna għax-xemx tas-sajf u tax-xitwa xorta għadhom il-maġġoranza assoluta”, qal il-Ministru Zammit Dimech. Hu qal li għalhekk dan ix-xogħol artistiku f’waħda mil-lukandi ewlenin hu ta’ importanza anke mil-lat turistiku.
Il-Ministrugħat-Turiżmu u Kultura awgura lil Stephen Vella kull suċċess fil-karriera fotogafika tiegħu.
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  €1.16 million to strengthen the resilience of coastal wetlands

PR261949en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR  €1.16 miljun biex tissaħħaħ ir-reżiljenza tal-ekosistemi mistagħdra kostali

PR261949

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

More Press Releases Right arrow