Left arrow Go Back

Vjaġġ fil-passat ta’ l-artist Anton Grech

pr1798
Date Icon 07/12/2005
Anton Grech qed itella’ it-tieni wirjapersonali tiegħu fil-Mużew Nazzjonali ta’ l-Arti fil-belt Valletta. L-ewwel wirja personali tiegħu f’Malta tellagħha fl-2001 u kellha t-tema “Pittura”.
Din it-tieni wirja ta’ Anton Grechgħandha t-tema “Disinji”. Il-wirja ta’ 25 disinn tieħu lill-artist lura tul l-20 sena tal-karriera tiegħu. Fil-fatt dan hu vjaġġ ta’ l-artist fil-passat ta’ disinn u kif dawn id-disinji kkontribwew għall-iżvilupp artistiku u għenuh jsib il-lingwa artistika tiegħu. Il-vjaġġ jibda fl-Akkademja ta’ l-Arti f’Firenze, l-Italja fejn kellu disinji fl-anatomija għal disinji li għamel fl-Akademja ta’ l-Arti f’Dusseldorf, il-Ġermanja u għal disinji li ħażżeż bi preparazzjoni għal pittura tiegħu fl-aħħar snin.
Il-Ministeru għat-Turiżmu u KulturaFrancis Zammit Dimech inawgura din il-wirja. Hu qal li d-disinn jibqa’ għal Anton Grech għodda fondamentali fil-bagalja kontemporanja ta’ l-artist bħala medium biex jiżviluppa ideat fl-iżjed livell immedjat.  Hu qal li l-kapaċita’ immedjata li jiddisinja twassal lil Grech biex l-ideat ta’ l-artist jimmaterjalizzaw f’lingwa viżiva. Hu qal li din hi  l-lingwa espressiva li twieldet mal-bniedem tul l-istorja kollha ta’ l-arti u li akkumpanjatu fl-iżvilupp ta’ strutturi u ideat kumplessi.
Il-Ministru Zammit Dimech qal li pajjiżnahu fortunat li għandu daqshekk artisti f’kull qasam ta’ l-arti, artisti li għamlu isem għalihom u isem għal pajjiżna. Hu qal li dawn l-artisti minbarra l-għadd kbir ta’ galleriji li għandhom lokalment illum għad-diżpożizzjoni tagħhom biex jesebixxu x-xogħlijiet tagħhom illum għandhom ukoll 25 pajjiż – l-Istati Membri kollha ta’ l-Unjoni Ewropea – li fihom jistgħu juru x-xogħlijiet artistiċi tagħhom.
Biex takkompanja din il-wirja ħarġetpubblikazzjoni b’introduzzjoni ta’ Denis Vella Kuratur tal-Mużew Nazzjonali ta’ l-Arti.
Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSUMER PROTECTION  €1.16 million to strengthen the resilience of coastal wetlands

PR261949en

PRESS RELEASE BY THE MINISTRY FOR EUROPEAN FUNDS, SOCIAL DIALOGUE AND CONSU...

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZZJONI TAL-KONSUMATUR  €1.16 miljun biex tissaħħaħ ir-reżiljenza tal-ekosistemi mistagħdra kostali

PR261949

STQARRIJA MILL-MINISTERU GĦALL-FONDI EWROPEJ, ID-DJALOGU SOĊJALI U L-PROTEZ...

More Press Releases Right arrow