Ħaddiema tal-Gvern iwettqu ħidma intensiva sabiex isebbħu ir-rotta bejn l-Ajruport Internazzjonali u l-Belt Valletta
pr1605
04/11/2005
| Kienu | ġimgħat ta’ ħidma ntensiva mwettqa minn ħaddiema tal-Gvern li waslu sabiex dik li hija meqjusa bħala l-vetrina ta’ pajjiżna għal kull turist li jżurna, tingħata dehra isbaħ. Kien proġett ambizzjuż li daħal għalih il-Ministeru għar-Riżorsi u l-Infrastruttura bl-għajnuna ta’ diversi entitajiet oħra tal-Gvern. Is-sinerġija bejn diversi dipartimenti waslet sabiex fi ftit ġimgħat ir-rotta bejn l-Ajruport Internazzjonali ta’ Malta u l-Belt Valletta ngħatat dehra ġdida. |
| Ix-xogħol | kien jikkonsisti f’diversi tipi ta’ interventi. Dawn kienu jvarjaw minn bini ta’ ħitan, bankini u kurduni ġodda, roundabouts, tħaffir ta’ toqob ġodda għal arbli, bdil ta’ arbli tad-dawl u twaħħil ta’ brackets, dwal ma’ monumenti, installazzjoni ta’ xtiebi u kontenituri ta’ l-iskart, sinjali ta’ traffiku, road markings, twaħħil ta’ railings, u tisbiħ ġenerali. Il-parti l-kbira tax-xogħlijiet twettqu minn ħaddiema tat-Taqsima tax-Xogħlijiet fi ħdan il-Ministeru għar-Riżorsi u l-Infrastruttura. |
| Il-Ministru | Ninu Zammit ta elenku ta’ dak kollu li twettaq fuq din ir-rotta meta flimkien mal-ġurnalisti segwa l-aħħar xogħlijiet ta’ tisbiħ li qed jitwettqu fi Triq Diċembru 13 fil-Marsa. B’kollox twettaq xogħol fi tnax-il triq, kollha kunsidrati bħala toroq arterjali. Dawn kienu Vjal l-Avjazzjoni Ċivili u Triq il-Kunsill ta’ l-Ewropa f’Ħal-Luqa, Triq Garibaldi, Vjal il-Labour, Vjal Sir Paul Boffa, Vjal Qasam Industrijali, Triq Aldo Moro u Triq Diċembru Tlettax fil-Marsa, Triq Nazzjonali fil-Blata l-Bajda, Triq Sant’Anna fil-Furjana u l-Monument tal-Gwerra fid-daħla tal-Belt. Bini u manutenzjoni ta’ ħitan |
| Inbnew | u saret manutenzjoni fuq il-ħitan tal-ġnub ta’ bosta toroq. Ħaddiema tat-Taqsima tax-Xogħlijiet taw dehra isbaħ lil Vjal l-Avjazzjoni Ċivili, Triq Kunsill ta’ l-Ewropa, Vjal il-Labour, Vjal Sir Paul Boffa u Triq Diċembru Tlettax. Il-kostruzzjoni ta’ ħajt, taħt il-binja minn fejn topera l-kumpanija Ark Publishing, kien wieħed delikat. Dan minħabba li l-ħajt eżistenti kellu problemi strutturali. Dan wassal sabiex inbena ħajt ġdid filwaqt li ssaħħu il-pedamenti. |
| Pavimentar, | bankini u kurduni ġodda |
| Il-Ħaddiema | tal-Gvern bnew bankini ġodda u wettqu xogħol ta’ pavimentar fi Triq Garibaldi, Vjal Qasam Industrijali, Triq Nazzjonali, Triq Sant’Anna u mad-dawra tal-monument tal-Gwerra. B’kollox saru ‘l fuq minn 2,8 km ta’ kurduna; 1,1km ta’ coping fuq ħitan, 3,200 metru ta’ bini ta’ ħitan bit-tberfil, 2,100 metru kwadru ta’ pavimentar; 1,000 metru kwadru ta’ tibjid ta’ ħitan u 3,100 metru kwadru ta’ bankini bit-tarmak. |
Roundabouts
| Sar ukoll intervent fuq żewġ | roundabouts li wieħed isib f’din ir-rotta. Ir-roundabout li tinsab qabel Triq Garibaldi, inbniet mill-ġdid, filwaqt li nbidlet il-kurduna tar-roundabout fi Triq Aldo Moro. Ix-xogħol fir-roundabouts kien ikkumplimentat bit-tħaffir ta’ numru ta’ ħofor għal arbli. |
| Arbli | tad-dawl u brackets |
| Tul | din ir-rotta, nbidlu numru ta’ arbli tad-dawl mill-Enemalta. Ħaddiema mid-Dipartiment għal-Manifattura u Servizzi mmanifatturaw 1,500 bracket tal-ħadid li twaħħlu madwar Malta kollha. Dawn qed jintużaw bħala parti mill-promozzjoni għaċ-CHOGM. |
| Road | Markings u Sinjali tat-Traffiku |
| Il-proġett | inkluda wkoll stallazzjoni ta’ sinjali ta’ traffiku, tindif ta’ dawk eżistenti u ‘l fuq minn 40km ta’ road markings. |
| Xtiebi | u twaħħil ta’ railings |
| Il-Ministru | Ninu Zammit ta wkoll dettalji dwar l-installazzjoni ta’ xtiebi mad-daħliet ta’ l-għelieqi li jinsabu f’din ir-rotta. Dawn ix-xtiebi kif ukoll ir-railings tal-ħadid inħaddmu kollha mid-Dipartiment għal Manifattura u Servizzi. |
| Kontenituri | ta’ l-iskart |
| L-istess | ħaddiema fi ħdan id-Dipartiment għal Manifattura u Servizzi mmanifatturaw kontenituri ta’ l-iskart li ġew installati tul din ir-rotta. |
| Restawr | u Illuminazzjoni ta’ Monumenti |
| Ħaddiema | tat-Taqsima tar-Restawr irrestawraw il-monument ta’ l-Iljun tal-Floriana. Dan il-monument, kif ukoll dak tal-Gwerra fid-daħla tal-Belt, ġew illuminati b’dawl dekorattiv u li jixraq. |
| Il-Ministru | għar-Riżorsi u l-Infrastruttura irringrazzja lill-ħaddiema u lill-periti fi ħdan it-Taqsima tax-Xogħlijiet għal isforz u l-impenn li twettaq sabiex dan il-proġett mexa skond il-pjan stabbilit. Dan il-proġett sewa ‘l fuq minn miljun lira, li jinkludu wkoll l-pagi tal-ħaddiema. |
| Finalment, | il-Ministru Zammit appella lil pubbliku Malti sabiex jagħraf dejjem iktar jieħu ħsieb l-ambjent ta’ madwarna. Dan mhux biss għall-iskop li ntejbu l-prodott turistiku imma sabiex il-proġetti ta’ tisbiħ li dan il-Ministeru qed iwettaq, jitgawdew minnha u minn uliedna. |
Other Press Releases:
PR261948
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA ...
PR261947