Ħtieġa li naqraw aktar dwar l-istorja ta’ pajjiżna
pr1501
18/10/2005
| St. Bernardette Primary School | B f’San Ġwann fit-18 ta’ Ottubru, 2005 iċċelebrat il- ‘European Parents’ Day’ b’wirja dwar l-ambjent u l-inawgurazzjoni ta’ Library/Resource Room. |
| Għal | din l-okkażjoni l-Ministru għat-Turiżmu u l-Ambjent Francis Zammit Dimech inawgura l-Library/Resource Room. Hu ħa din l-okkażjoni biex ippreżenta lil-librerija sett ta’ ħames volumi bl-isem ‘Britannica Encyclopedia of the Arts’, sabiex din l-enċiklopedija prestiġjuża tkun tista’ tintuża mill-istudenti ta’ l-iskola. Hu qal li l-inawgurazzjoni ta’ librerija fi skola kien avveniment importanti għaliex joffri lill-istudenti opportunita’ li jkattru l-għerf tagħhom billi jaqraw kotba ta’ interess u tagħlim. |
| “Bħala | Ministru għat-Turiżmu u Kultura jien nifhem li l-istudenti għandhom minn żgħar jifhmu aħjar l-istorja ta’ pajjiżna u x’wassal biex gżira żgħira bħal tagħna issir stat Sovran. Malta għandha storja unika, għandha kultura unika, għandha tradizzjonijiet li pajjiżi oħra m’għandhomx. Hu dwar dan li jeħtieġ li ż-żgħażagħ tagħna jitgħallmu għaliex permezz ta’ l-istorja inkunu nafu għaliex aħna Maltin u nkunu nistgħu nikkomunikaw dak li nafu lill-viżitaturi li jiġu f’pajjiżna u li jikkontribwixxu għall-kwart tal-ġid nazzjonali,” qal il-Ministru Zammit Dimech. |
| Il-Ministru | għat-Turiżmu u Kultura qal li f’din l-iskola kien hemm ukoll wirja dwar l-ambjent. Hu qal li l-ambjent, flimkien ma’ l-ekonomija u l-edukazzjoni, kienu t-tlett pilastri li fuqhom il-Gvern kien qed jibni l-attivita’ tiegħu. Hu qal li l-Gvern kien qed jutilizza ħafna mir-riżorsi tiegħu favur l-ambjent. Hu tenna li anke parti kbira mill-għajnuna finanzjarja li qed tingħata mill-Unjoni Ewropea qed tmur għall-proġetti biex ikollna ambjent aħjar fejn ngħixu, ambjent san li jwassal biex kull Malti għex aħjar. |
| Il-Ministru | Zammit Dimech ħeġġeġ lill-istudenti biex jaqraw iżjed, biex jkunu jafu aktar dwar l-għeruq u l-istorja ta’ pajjiżna u biex jikkontribwixxu biex l-ambjent madwarna jinżamm aħjar. |
Other Press Releases:
PR261948
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA ...
PR261947