IL-KUMITAT FESTI NAZZJONALI JFAKKAR LILL-POETA NAZZJONALI DUN KARM
pr1477
13/10/2005
| Ix-xahar ta’ Ottubru huwa marbut mat-twelid | u mal-mewt tal-Poeta Nazzjonali, Dun Karm Psaila, li twieled fit-18 t’Ottubru 1871 f’Ħaż-Żebbuġ u miet fl-isptar tal-Blue Sisters, f’San Ġiljan, fit-13 t’Ottubru, 1961. |
| Ftit tas-snin ilu, il-Gvern Malti nawgura l-mafkar tiegħu fil-Furjana - | xogħol l-iskultur Anthony Ellul. Dan il-mafkar sar b’ħidma tal-Ministeru ta’ l-Edukazzjoni u l-Għaqda tal-Malti (Università). Ta’ kull sena fix-xahar ta’ Ottubru, il-Gvern, permezz tal-Kumitat Festi Nazzjonali u l-għaqdiet tal-Malti, ifakkar lil Dun Karm b’diversi attivitajiet. Il-qofol ta’ dawn l-attivitajiet din is-sena se jintlaħqu nhar il-Ħadd, it-23 ta’ Ottubru 2005 quddiem il-mafkar ta’ Dun Karm fil-Furjana. L-attività se tibda fl-10.30 a.m. |
| Matul din l-għodwa ta’ tifkira, imħejjija | mill-Kumitat Festi Nazzjonali u l-Kunsill Nazzjonali ta’ l-Ilsien Malti, se jinqraw uħud mill-isbaħ poeziji tal-poeta. Se jagħmel taħdita qasira Mons . Lawrenz Cachia, li barra milli studja lil Dun Karm, xandar mal-kotra l-arti tiegħu. Lejn tmiem l-attività jsiru wkoll kelmtejn mill-Ministru ta’ l-Edukazzjoni. |
F’din il-għodwa se jagħti sehmu l-kantant Enzo Guzman, artist li l-ħin kollu jinkoraġġixxi t-tħaddim tajjeb ta’ lsienna. Matul l-attività l-organizzaturi se jpoġġu kuruni u fjuri fuq il-mafkar ta’ Dun Karm. (Kull min jixtieq ipoġġi fjuri u kuruni, huwa mitlub jgħarraf bil-quddiem lis-Segretarju Eżekuttiv tal-Kumitat Festi Nazzjonali, is-Sur Anton Miceli (tel. 21245168 jew antonmiceli@maltaculture.com). Il-pubbliku huwa mħeġġeġ jattendi u jfakkar lil min għanna s-sbuħija ta’ artna.
| Il-Kumitat Festi Nazzjonali | flimkien mal-Kunsill Nazzjonali ta’ l-Ilsien Malti se jippubblikaw ktejjeb ta’ tifkira li se jkun fih it-taħdita ta’ Mons . Lawrenz Cachia u se jitqassam b’xejn lil kull min jattendi. |
| L-Iskola Sekondarja tas-Subien ta’ Ħaż-Żebbuġ, | imsemmija għal Dun Karm, ukoll ser terġa tfakkar lill-Poeta Nazzjonali b’ċerimonja fis-sala. Din iċ-ċerimonja se ssir nhar il-Ġimgħa, 14 t’Ottubru u matulha se jsiru diskorsi qosra, mima, qari ta’ poeżiji u kelmtejn mill-Ministru ta’ l-Edukazzjoni. Wara ċ-ċerimonja se jsir korteo mill-iskola għaċ-ċimiterju ta’ Ħaż-Żebbuġ fejn jitqiegħdu fjuri mal-kappella li fiha hemm il-qabar ta’ Dun Karm. |
Other Press Releases:
PR261948
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA ...
PR261947