INVESTIMENT QAWWI F’TITJIB FIT-TEATRU MANOEL
pr1282
07/09/2005
| Fil-budget ta’ din is-sena l-Gvern | alloka Lm250,000 għal aktar titjib fil-faċilitajiet tat-Teatru Manoel. |
| S’issa | tlestew żewġ proġetti, tlett studio apartments u l-wardrobe fi Triq Żekka. Waslu wkoll biex jitlestew ix-xogħlijiet f’Casa Bonici. |
| It-tinda | fuq is-saqaf tal-bitħa qed isirilha manutenzjoni sħiħa. Qed jinbidlu l-panelli tal-perspex, 96 b’kollox, filwaqt li qed ikunu msewwija u serviced it-tmien muturi. Ix-xogħol kollu mistenni jitlesta fil-jiem li ġejjin. |
| F’81 | Triq Żekka kien hemm il- ‘guardaroba’ u d-dressing rooms tat-teatru. Dan twaqqa’ kollu u bħalissa għaddej il-proċess għal sejħa ta’ offerti għall-bini ta’ dressing rooms ġodda u kmamar għar-rehearsals li waħda minnhom se tkun daqs l-istess palk tat-teatru. Qed jiġi installat ukoll lift għall-passiġġieri u oġġetti u jkun tajjeb anke biex iġġorr pjanijiet Steinway għall-ħames sular meta jkunu meħtieġa għar-rehearsals. |
| Fil-kumpless | tat-Teatru Manoel se jkun ukoll stallat tagħmir kontra nirien u favur is-sigurtà u se jitħaffru żewġ ġwiebi li jesgħu 64 metru kubu ta’ ilma, filwaqt li tinbena pump room bejn iż-żewġt ikmamar. |
| Bħala | riżultat tax-xogħol li qed isir f’Casa Bonici, il-bitħa tat-Teatru Manoel qed tiġi upgraded biex tkun aktar attraenti għal dawk li jużawaha. Din il-bitħa se tintuża wkoll bħala gallerija ta’ l-arti bl-iskop li tagħti l-opportunità lill-artsti li juru x-xogħlijiet tagħhom. Il-coffee shop u t-tavola calda ser ikunu fiċ-ċentru tal-bitħa. |
| Għat-tieni | sena qed isir xogħol ta’ restawr minn Sante Guido u l-grupp ta’ ħaddiema tiegħu. Dan ix-xogħol ta’ restawr qed ikun parzjalment finanzjat mill-MIA. Bħalissa qed ikun restawrat il-proxenju wara li s-sena li għaddiet kienu restawrati il-panewijiet tal-boxes tat-teatru.…/… |
| It-Teatru | Manuel qed jinvesti Lm90,000 mill-fondi tiegħu biex it-teatru jkun jikkonforma ma’ ħtiġiet internazzjonali f’dak li għandu x’jaqsam mas-sigurtà. Ix-xogħol beda f’Ġunju u mistenni jintemm lejn l-aħħar ta’ Settembru. |
| Ix-xogħlijiet | kollha jinvolvu investiment ta’ Lm335,000. |
| Il-Ministru | għat-Turiżmu u Kultura Francis Zammit Dimech, li żar ix-xogħlijiet li qed isiru, qal li t-Teatru Manoel kien mhux biss it-teatru nazzjonali iżda wkoll monument storiku li nbena mill-Gran Mastru Manoel di Vilhena fi żmien il-Kavallieri ta’ San Ġwann. |
| “It-Teatru | Manoel hu ġojjel arkittetoniku u artistiku li rridu nħarsu u nsebbħu. Dan it-teatru li twieled fl-1732 bħala teatru għal attivitajiet varji, ċentru kulturali u ta’ opri, rappreżentazzjonijiet teatrali, kummiedji u spettakli oħra hu llum kumpless artistiku li qed iservi ta’ teatru, sala tal-kunċerti, mużew tat-teatru u gallerija ta’ l-arti,” qal il-Ministru Zammit Dimech li fakkar li bil-festival ta’ l-Opra u l-Festa Barokka t-Teatru Manoel kiber fl-istatura bħala post fejn jiġu organizzati attrazzjonijiet internazzjonali. |
Other Press Releases:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946