Left arrow Go Back

Xogħol intensiv ta’ titjib u tisbiħ fuq ir-rotta bejn l-Ajruport Internazzjonali u l-Belt Valletta

pr1163
Date Icon 08/08/2005
Qabadritmu mgħaġġel ix-xogħol ta’ tisbiħ u rranġar fuq ir-rotta bejn l-Ajruport u l-Belt Valletta. Din hija meqjusa bħala l-vetrina ta’ Malta għal bosta turisti li jżuru pajjiżna. Dan ix-xogħol qed jitwettaq kollu kemm hu minn ħaddiema tat-Taqsima tax-Xogħlijiet fi ħdan il-Ministeru għar-Riżorsi u l-Infrastruttura b’ko-ordinazzjoni ma’ diversi Ministeri oħra u entitajiet governattivi.
Ix-xogħolta’ tisbiħ fuq din ir-rotta jikkonsisti f’pavimentar, bankini ġodda, bdil u bini mill-ġdid ta’ ħitan, bdil tal-kurduna ta’ central strips, landscaping, bdil tat-tabelli tat-toroq u tneħħija ta’ wires li jkerrħu l-ambjent tat-toroq. Ma’ dan se jiżdied ukoll xogħol ta’ tisbiħ minn diversi entitajiet privati li jinsabu fiż-żona industrijali tal-Marsa. Dan ix-xogħol se jitwettaq b’kollaborazzjoni mat-Taqsima tax-Xogħlijiet. Ix-xogħol kollu fuq din ir-rotta huwa programmat li jintemm sa l-aħħar ta’ Ottubru.
Il-MinistruNinu Zammit żar ix-xogħlijiet li għaddejjin fi Triq Sant’Anna fil-Furjana. F’kumment li ta huwa qal li “Il-ħaddiema qegħdin jaħdmu bi programm ta’ ħinijiet flessibili fuq diversi nħawi ta’ din ir-rotta. Dan qed iwassal sabiex it-traffiku jibqa’ miexi b’mod organizzat fil-ħinijiet l-iktar traffikużi filwaqt li tiġi assigurata aħjar is-saħħa u s-sigurta’ tal-ħaddiema.”
Jinsabgħaddej xogħol fi Triq l-Avjazzjoni, Triq iż-Żurrieq u Triq Kunsill ta’ l-Ewropa f’Ħal Luqa, fiż-żona industrijali tal-Marsa, Triq Aldo Moro, Triq Nazzjonali, Triq Diċembru Tlettax, Triq Sant’Anna u Misraħ Papa Ġiovanni XXIII. Ma’ dawn għandu jsir ukoll xogħol fi Triq Garibaldi fil-Marsa u Triq Ġlormu Cassar fil-Furjana.
“Diġasaru ‘l fuq minn 4 kilometri ta’ road markings, 1,400 metru kwadru ta’ pavimentar, 1,600 metru kwadru ta’ asfaltar ta’ bankini u 2 kilometri ta’ kurduna”, qal il-Ministru Ninu Zammit.
Filwaqtli rringrazzja lill-ħaddiema għax-xogħol siewi tagħhom, il-Ministru Zammit talab ghal iktar ko-operazzjoni mill-pubbliku sabiex dan ix-xogħol jkun jista’ jimxi bl-inqas tfixkil possibli u b’hekk tinżamm id-data stipulata, dik ta’ l-aħħar ta’ Ottubru.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow