Left arrow Go Back

IR-RIFORMI FL-EDUKAZZJONI - IL-POŻIZZJONI TA’ L-M.U.T. BAŻI TAJBA GĦAD-DISKUSSJONI

pr1119
Date Icon 25/07/2005
Il-Ministruta’ l-Edukazzjoni Louis Galea iqis il-pożizzjoni ta’ l-MUT bħala bażi tajba għad-diskussjoni dwar ir-riformi fl-edukazzjoni. Il-Ministru Galea jinnota b’sodisfazzjon l-impenn ta’ l-MUT li tingaġġa f’dibattitu serju, b’moħħ miftuħ, u bil-ħsieb li toffri l-ko-operazzjoni sħiħa fil-proċess ta’ diskussjoni u negozjati li għandhom jibdew fil-futur qarib.
Il-Ministruħa nota tal-pożizzjoni li ħadet l-Unjon ta’ l-Għalliema fil-Konferenza Stampa li għamel il-President tal-MUT, is-Sur John Bencini wara li fil-ġranet li għaddew eżaminaw il-proposti tal-Gvern fid-dokument “Biex Uliedna Jirnexxu Lkoll” (For All Children to Succeed).
Il-MinistruLouis Galea jilqa` bil-ferħ l-istqarrija li anke l-MUT lesta tkun aġent tal-bidla meħtieġa u jaqbel perfettament ma’ l-iskopijiet li l-bidla għandha timmira għalihom, jiġifieri :

1.                  Effettività akbar fit-tagħlim fil-klassi.
2.                  Żieda fl-appoġġ għat-tagħlim fil-klassi.
3.                  Tranżizzjoni b’anqas skossi minn livell għall-ieħor fl-edukazzjoni.
4.                  Twessiegħ ta’ l-opportunitajiet għall-istudenti kollha biex jipparteċipaw fil-proċess ta’ 
                     tagħlim tul il-ħajja.  

Dawnhuma wkoll skopijiet ewlenin tal-proposti tal-Gvern li jistgħu jintlaħqu b’mod effettiv bil-Kulleġġi l-ġodda li bħala idea tidher li hi aċċettata mill-MUT.
Il-Ministruta’ l-Edukazzjoni spjega li l-proposti tal-Gvern huma l-frott ta’ konsultazzjonijiet u riflessjonijiet, formali u informali, mifruxa fuq numru ta’ snin, u mibnijin fuq l-esperjenza reali ta’ għalliema, Kapijiet ta’ skejjel, u awtoritajiet edukattivi fis-settur pubbliku u dak privat. L-aħħar kontribut ġie proprju f’Mejju li għadda mill-Kapijiet kollha ta’ l-iskejjel li ltaqgħu fl-iskola primarja ta’ l-Imġarr u iddiskutew il-vantaġġi tan-networking ta’ l-iskejjel. Fil-fatt il-proposti tal-Gvern huma risposta konkreta għall-perspettiva ta’ realtà u bżonnijiet li l-iskejjel jinsistu għandhom jiġu indirizzati.
Il-MinistruGalea ma jaqbilx li ż-żmien tas-sajf hu żmien ħażin għall-pubblikazzjoni ta’ rapporti dwar il-qasam ta’ l-edukazzjoni.  It-tibdil hu maħsub li jidħol bil-mod sa Settembru ta’ sena oħra (2006). Dan għandu jagħti żmien biżżejjed għad-diskussjonijiet u negozjati meħtieġa u anke biex isiru numru ta’ provi (pilots) bl-iskop li kulħadd isir jaf aħjar x’ifissru l-iżviluppi l-ġodda bis-saħħa ta’ hands-on experience ta’ l-istess għalliema, Kapijiet, ġenituri u studenti.
Fil-KonferenzaStampa l-President tal-MUT semma` numru ta’ punti partikolari li dwarhom l-MUT għandha r-riservi tagħha.  Il-Ministru Galea ma jridx jidħol fil-merti ta’ dawn il-punti f’dan l-istadju, iżda jiddiskuti u jinnegozja dwarhom fil-laqgħat li ser isiru bejn iż-żewġ naħat.
Il-MinistruLouis Galea assolutament ma jaqbilx ma’ l-impressjoni tal-MUT li l-proposti tal-Gvern jistgħu ifissru burokrazija.  Bil-kontra, l-awtonomija tal-Kulleġġi għandha twassal biex tonqos bil-kbir iċ-ċentralizzazzjoni u l-burokrazija tas-sistema li bħalissa qed tolqot l-effettivita` tas-servizz.
Il-MinistruGalea lanqas ma jaqbel li l-proċess edukattiv għandu jkun riserva esklussiva tal-professjoni ta’ l-edukatturi u tas-sistema edukattiva.  L-istudenti, il-ġenituri, min iħaddem, u l-komunità għandhom interess mill-aktar leġittimu li jipparteċipaw fl-edukazzjoni ta’ l-ulied u taċ-ċittadini.
Il-propostital-Gvern huma espressjoni ta’ wegħda ewlenija fil-Manifest Elettorali tal-Partit fil-Gvern li fl-elezzjoni ta’ l-2003 ġie approvat mill-maġġoranza tal-poplu Malti u Għawdxi.  Din il-wegħda saret parti mill-programm tal-Gvern permezz tad-Diskors tal-President fil-Ftuħ tal-Parlament sentejn ilu.
Fl-aħħarsentejn il-Ministeru ħadem biex ifassal proposti li jirrispettaw dan il-mandat elettorali li huwa l-bażi tal-leġittimazzjoni demokratika tal-proposti tal-Gvern.  Il-Gvern, fid-Diskors tal-Budget għal din is-sena, iddeċieda li wasal iż-żmien li jaġixxi fuq din il-parti tal-programm tiegħu.
Il-Kabinettadotta d-dokument “BIEX ULIEDNA JIRNEXXU LKOLL” u awtorizza lill-Ministru ta’ l-Edukazzjoni biex jiftaħ diskussjonijiet u negozjati ma’ kull min involut, inkluż l-MUT, bl-iskop li jinkiseb l-akbar konsensus possibbli għall-implimentazzjoni tar-riforma.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow