KUNDIZZJONIJIET TA’ MPJIEG TA’ TOBBA
pr1076
15/07/2005
| Id-Diviżjoni tas-Saħħa tixtieq | tikkumenta dwar stqarrija maħruġa mill-MAM dwar impjieg ta’ tobba. |
| Peress li għadhom ma ġewx konklużi t-taħdidiet | dwar tiġdid ta’ kundizzjonijiet tax-xogħol tat-tobba, ġie deċiż li kuntratti definittivi ta’ impjieg li skadew jew li waslu biex jiskadu jiġu estiżi għal sena bl-istess kundizzjonijiet. Dan japplika mhux biss għat-tabib li għalih qegħda tirreferi l-MAM iżda wkoll għal diretturi oħra fi ħdan id-Diviżjoni. Għaldaqstant l-allegazzjoni li xi ħadd qed jiġi ivvantaġjat bi ksur tar-regoli mhix vera. |
| Il-kundizzjonijiet tal-kuntratt tat-tabib | imsemmi ġew stabbiliti għaxar snin ilu, u baqgħu l-istess tul dawn l-aħħar għaxar snin. Is-salarju nett baqa` dak li kien għaxar snin ilu u miegħu titħallas ukoll it-taxxa dovuta mid-Diviżjoni tas-Saħħa bħala parti mill-kuntratt oriġinali. Għaldaqstant kull referenza għat-Tax Compliance Unit hija għal kollox barra minn lokha. |
| Il-kuntratti tat-tobba barranin jinkludu | salarju fiss iżda li miegħu hemm inklużi ukoll kura medika b’xejn għat-tabib u l-familja tiegħu, expatriate allowance ta’ LM1,400 fis-sena u biljett ta’ l-ajru bir-ritorn għat-tabib u għall-familja tiegħu, ukoll darba fis-sena. Għaldaqstant ma hemm l-ebda diskriminazzjoni u l-pakkett tar-rimunerazzjoni huwa bejn wieħed u ieħor ekwivalenti għal salarju ta’ tabib Malti. Dwar il-fatt li dawn it-tobba barranin ma ħallsux bolla la f’Malta u lanqas f’pajjiżhom bħalissa għaddejjin taħdidiet bejn l-MPO u l-Ministeru tal-Finanzi biex tinstab soluzzjoni għal dan. |
| Id-Diviżjoni tas-Saħħa issostni li ma | kisret ebda liġi jew regola ta’ l-impjieg kemm lokali kif ukoll Ewropea u bil-qawwa kollha tiċħad li qatt għamlet jew li qegħda tagħmel xi diskriminazzjoni. |
Other Press Releases:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946