Left arrow Go Back

STQARRIJA MILL-MINISTERU GHALL-AFFARIJIET RURALI U L-AMBJENT U MIS-SEGRETARJAT PARLAMENTARI GHAN-NEGOZJI Ż-ŻGĦAR U S-SELF EMPLOYED

pr1015
Date Icon 06/07/2005
Riżoluzzjoni fil-Parlament biex isir ‘review’parzjali tal-Pjan ta’ Struttura għall-bini ta’ industrial parks f’żoni differenti
Il-Gvern qiegħed iwettaq wegħda elettorali oħra billi jżid l-artdisponibbli għall-bini ta’ industrial parks f’żoni differenti.  Permezz ta’ din l-iskema, il-Gvern ser iżid l-opportunitajiet għas-self-employed u negozji żgħar sabiex isibu jikru jew jixtru units minfejn jaħdmu f’żoni industrijali.
Dan tħabbar mill-Ministru għall-Affarijiet Rurali u l-Ambjent GeorgePullicino u mis-Segretarju Parlamentari għan-Negozji Żgħar u s-Self Employed Edwin Vassallo.  Huwa mistenni li fil-jiem li ġejjin, titressaq riżoluzzjoni fil-Parlament sabiex isir ‘review’ parzjali tal-Pjan ta’ Struttura sabiex f’dawn iż-żoni jkunu jistgħu jinbnew micro-enterprise parks.
Fid-diskors tal-budget ta’ l-2002 il-Gvern kien qal li ’ser titkompla wkoll il-ħidma li għandha tindirizza l-bini ta’ żoniindustrjali għan-negozji żgħar li ma jaqgħux taħt il-Korporazzjoni Maltija għall-Iżvilupp (illum magħrufa bħala Malta Enterprise)’.

F’dan il-kuntest:  

a)tnieda u tlesta l-proċess ta’ identifikazzjoni tas-siti li sar mill-MEPA magħruf bħala l-SME’s (Micro Enterprises Site Selection Exercise-May 2004);
b)u kien hemm id-diskussjonijiet mas-sidien ta’ l-artijiet magħżula.
Wara dan qed titressaq il-proposta biex ladarba jkun lest il-proċess ta’l-iffirmar tal-kuntratt, bejn il-Gvern u s-sidien ta’ l-artijiet magħżula, biex jikkonferma l-proċess ta’ kif ser isir l-iżvilupp ta’ l-art li llum hija barra mill-iskema tal-bini, fil-Parlament titressaq riżoluzzjoni li titlob li jkun approvat mill-Parlament, ir-review parzjali tal-pjan strutturali.  B’hekk dawn is-siti, permezz ta’ din r-riżoluzzjoni, jkunu jistgħu jiġu nklużi fil-pjan ta’ l-istruttura.
Is-siti li ġewidentifikati mill-MEPA sabiex ikunu żviluppati fuqhom micro-enterpise parks ilaħħqu għal madwar 80 tomna.  Is-siti identifikati huma żona tal-Gvern magħrufa bħala tal-Barmil fil-limiti tax-Xewkija, Għawdex li fiha madwar għaxart itmien; sit tal-Gvern li fih madwar 4,268 metru kwadru li jdur ma’ ġibjun fil-Mellieħa; sit privat li hija ex-barriera magħrufa bħala tal-Ballut, fl-Imġarr u li għandha spazju ta’ madwar  9,124 metru kwadru; sit privat f’żona magħrufa bħala t’Alla w Ommu.  Danis-sit li jinsab in-Naxxar huwa l-akbar u jkopri area ta’ 39,781 metru kwadru.
Is-siti l-oħra humasit privat f’żona magħrufa bħala Ta’ Santu Kristu, f’Ħal Għaxaq.  Dan is-sit kien jintuża bħala batching plant u jkopri area ta’ 19, 410 metru kwadru .  Intgħażel ukoll sit privat  f’żona magħrufa bħala Ta’ Maġġi, f’Ħaż-Żabbarli jkopri area ta’ 7,068 metru kwadru.
Din hi l-ewwel darba lisidien ta’ l-artijiet ser ikunu responsabbli għall-kostruzzjoni ta’ żoni industrijali fuq art privata u ser ikunu responsabbli wkoll għall-kostruzzjoni ta’ l-infrastruttura kollha, inkluż toroq, drenaġġ, dawl u ilma.  Dawn iż-żoni ser jinħadmu fuq il-mudell tal-Mosta Technopark, u b’hekk il-Gvern ikun qed jiżgura li s-self-employed jitkattrulhom l-opportunitajiet biex jaħdmu b’mod aħjar f’żoni industrijali organizzati.
Sabiex ikun żgurat lidin ir-riżoluzzjoni ddaħħal fl-iskema ta’ l-iżvilupp żoni li effettivament jintużaw biex fuqhom jinbnew industrial parks, fil-kuntratt li l-Gvern qiegħed jiffirma mas-sidien, se jkun assigurat li dawn l-artijiet ikunu fil-fatt mibnija u wżati minn self-employed u sidien ta’ negozji żgħar.  B’hekk ma jibqgħux sempliċiment art li tkun fl-iskema tal-bini iżda mhix żviluppata u wżata.
Bil-kuntrarju ta’ dakli ġara fl-imgħoddi, permezz ta’ din il-proċedura, l-art li ser tidħol fl-iskema tal-bini ser tkun effettivament żviluppata u mhux ser tkun art moħlija jew abbandunata.
Huwa mistenni li bid-domandali teżisti għal spazju industrijali, din l-art li qed titpoġġa fis-suq permezz tar-riżoluzzjoni ser tittieħed u effettivament tintuża.  Il-Gvern hu fiduċjuż li s-sidien ta’ l-artijiet ser jiżviluppaw din l-art u jibnu ż-żoni industrijali fiż-żmien miftiehem bejn il-Gvern u s-sidien ta’ l-artijiet.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Ċertifikazzjoni internazzjonali tal-ogħla livell għad-dipartiment tar-radjoterapija fiċ-Ċentru tal-Onkoloġija Sir Anthony Mamo

PR261947

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...

STQARRIJA MILL-MINISTERU GĦALL-EDUKAZZJONI U L-ISPORT  Aktar minn 1,800 student jiggradwaw mill-Università ta’ Malta

PR261946

STQARRIJA MILL-MINISTERU GĦALL-EDUKAZZJONI U L-ISPORT Aktar minn 1,800 stu...

More Press Releases Right arrow