IŻ-ŻIEDA FIN-NUMRU TAS-SELF EMPLOYED TWASSAL BIEX F’SETTEMBRU 2004 JIĠI RREĠISTRAT L-OGĦLA NUMRU TAS-SELF EMPLOYED F’DAWN L-AĦĦAR ĦAMES SNIN – IS-SEGRETARJU PARLAMENTARI EDWIN VASSALLO
“Iltqajna biex inkunu nistgħu nevalwaw f’hiex waslet il-ħidma fl-implimentazzjoni taċ-Ċarter Ewropew għan-Negozji Żgħar.” B’dawn il-kliem is-Segretarju Parlamentari għan-negozji żgħar u s-self employed, Edwin Vassallo, laqqa’ lill-uffiċjali li jirrappreżentaw entitajiet li flimkien qed jimplimenataw dan iċ-Ċarter. F’din il-laqgħa, dawn l-uffiċjali kellhom l-opportunita’ li flimkien jaqsmu l-esperjenzi tagħhom dwar dan l-eżerċizzju biex ikun żgurat li sa l-aħħar ta’ Ġunju tas-sena li ġejja (2005) ikollna l-aktar implimentazzjoni effettiva ta’ l-objettivi kif jidhru fil-pjan ta’ ħidma li ġie ippubblikat għal din is-sena.
Biex l-uffiċjali preżenti jifhmu aktar il-ħtieġa tal-ħidma tagħhom, f’din il-laqgħa kienu diskussi wkoll l-enterprise policy indicators li jindikaw kif pajjiżna jista’ jiġi mkejjel ma’ pajjiżi oħra Ewropej. F’din il-laqgħa dawn l-uffiċjali setgħu jifhmu li meta huma qed jaħdmu biex jagħmlu l-aħjar implimentazzjoni ta’ dawn l-objettivi, huma jkunu qegħdin jgħinu biex pajjiżna jkollu abbilita’ kompetittiva (competitive edge) aħjar minn ta’ pajjiżi oħra Ewropej.
Fil-laqgħa kienu diskussi l-istess objettivi li fih il-Pjan ta’ Ħidma kif ippubblikat. Is-Segretarju Parlamentari Edwin Vassallo qal li “din il-ħidma għandha tgħin biex f’pajjiżna jkompli jiżdied in-numru ta’ dawk il-persuni li jsibu l-opportunita’ ta’ l-impjieg tagħhom fis-settur kummerċjali, fejn huma stess jinvestu f’attivita’ kummerċjali jew industrjali jew fil-qasam tas-servizzi finanzjarji jew soċjali. F’pajjiżna n-numru ta’ self-employed żdied minn 15,645 f’Settembru tas-sena 2003 għal 15,907 f’Settembru ta’ din is-sena. In-numru ta’ persuni mpjegati fis-settur tal-wholesale u r-retail żdied minn 15,993 għal 16,430 fuq l-istess perijodu. In-numru ta’ dawk li qegħdin jaħdmu fil-qasam kummerċjali qiegħed wkoll ikompli jiżdied. F’dan il-kuntest issa l-ħidma tagħna għandha tkompli tiffoka biex naraw li jkollna negozji vijabbli li lkoll flimkien kapaċi jgħinu biex l-ekonomija ta’ pajjiżna tkun aktar sostenibbli.
DOI 09.11.2004
5.75 Kbytes Last Modified on 09th November, 2004
HOME | GOV.MT
HELP | LINKS | SITEMAP | SEARCH
Other Press Releases:
PR261947
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA Ċ...
PR261946