Left arrow Go Back

IL-GVERN IMPENJAT BIEX ITEJJEB IT-TOROQ F’KULL LIVELL

PR1196
Date Icon 20/07/2004

Il-Gvern huwa impenjat li mhux biss itejjeb in-network tat-toroq arterjali u distributorji f’Malta u Għawdex, iżda anke it-toroq f’żoni residenzjali, industrijali u dawk li għandhom funzjoni li jgħaqqdu l-irħula.

Meta kien qed iżur xogħlijiet fuq numru ta’ toroq li qed isiru mill-Kunsill Lokali tal-Gudja, il-Ministru għall-Iżvilupp Urban u Toroq, l-Onor. Jesmond Mugliett qal li bħalissa, aktar minn qatt qabel, għaddej ammont kbir ta’ xogħol fuq it-toroq arterjali u distributorji. Il-Gvern madankollu baqa’ jagħti prijorita’ għolja ukoll lix-xogħol fuq toroq f’livell lokali. It-toroq f’żoni residenzjali għandhom impatt dirett fuq il-kwalita’ tal-ħajja ta’ kull wieħed u waħda minna. Ser ikun l-impenn tal-Ministeru li l-livell tat-toroq jkun wieħed li jirrifletti l-importanza li dawn għandhom fil-ħajja u x-xogħol tagħna.  

L-Awtorita’ dwar it-Trasport fl-aħħar snin iffirmat bosta ftehim ma’ Kunsilli Lokali biex din tiffinanzja l-kostruzzjoni ta’ toroq residenzjali ġodda li qatt ma kienu saru mill-Gvern. Bl-istess ftehim il-Kunsilli Lokali  qed jieħdu f’idejhom ukoll l-immaniġġjar tal-proġetti filwaqt li l-Gvern joħroġ Lm75,000 għal dawn ix-xogħlijiet.

Il-proġett li nbeda x-xahar li għadda jinkludi il-bini ta’ Triq il-Barunissa, Triq il-Markiża, Triq Xlejli, Triq iż-Żgħożija, Triq H. Pigot u Triq Dorell għal tul totali ta’ 600 metru. Ix-xogħol jinvolvi l-bini mill-ġdid tal-bankini, it-tqegħid tal-pedamenti tat-toroq, ċaqlieq ta’ servizzi u l-asfaltar. Bħal issa qed jitpoġġew il-manholes biex imbgħad jibda jingħata t-tarmac.

Il-Ministru Mugliett qal li fis-snin li ġejjin, Malta ser ikollha opportunitajiet regolari biex tikseb fondi Strutturali u ta’ Koeżjoni mill-Unjoni Ewropea. Bħal issa fil-fatt għaddej studju estensiv fuq it-toroq arterjali u l-junctions kollha f’Malta u Għawdex sabiex il-proġetti li ser igawdu minn dawn l-opportunitajiet ikunu identifikati u ppjanati kif suppost. Dan ser jgħin biex fix-xhur li ġejjin titnieda strateġija fit-tul li tindika programm ta’ titjib fuq in-network kollu.

“Għall-ewwel darba, pajjiżna għandu l-opportunitajiet sabiex iġib l-infrastruttura tat-toroq skond standards li wieħed jistenna f’pajjiż modern.

“Meta wieħed jitkellem fuq standards ta’ toroq, ma nkunux qed nirreferu biss għall-ingredjenti li jagħmlu t-triq biex jgħaddu l-vetturi minn fuqha bħat-tarmac, iż-żrar jew il-crash barriers. Fil-pjanifikazzjoni u d-dizinn tat-toroq illum qegħdin jingħataw attenzjoni l-ħitan ta’ mat-toroq, l-ilma tax-xita, dwal li jaħdmu b’enerġija alternattiva u l-landscaping,” kompla jgħid il-Ministru Mugliett. Kompla jghid illi  minbarra dan il-programm long term, il-Gvern bi ħsiebu jindirizza wkoll is-sitwazzjoni tat-toroq rurali u urbani li jgħaqqdu l-irħula bejniethom.

Meta triq tinqala’ mill-qiegħ bħal ma qed isir bil-fondi tal-Protokol Taljan, parti sostanzjali mill-ispiża tmur għall-bini ta’ common service ducts minn fejn ikunu jistgħu jgħaddu s-servizzi. Hu żied jgħid li dan jitfa’ wkoll piż fuq il-kumpanniji tas-servizzi li ta’ spiss jkollhom jqiegħedu l-infrastruttura tagħhom mill-ġdid.

“Il-Gvern għalhekk bi ħsiebu jibda programm fuq dawn it-toroq biex dawn it-toroq rurali li jaqdu funzjoni mportanti, jissewwew u jingħataw wiċċ ta’ tarmac ġdidli jista’ jservi għal numru konsiderevoli ta’ snin,” temm jgħid il-Ministru għall-Iżvilupp Urban u Toroq.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE OFFICE OF THE SPEAKER  The Speaker of the House of Representatives highlights Malta’s climate vulnerabilities and the role of parliaments at the IPU Parliamentary Meeting on COP31 in Türkiye

PR261942en

PRESS RELEASE BY THE OFFICE OF THE SPEAKER The Speaker of the House of Rep...

STQARRIJA MILL-UFFIĊĊJU TAL-ISPEAKER  L-Ispeaker tal-Kamra jisħaq fuq il-vulnerabbiltajiet klimatiċi ta’ Malta u r-rwol tal-parlamenti waqt laqgħa parlamentari tal-IPU marbuta mal-COP31 fit-Turkija

PR261942

STQARRIJA MILL-UFFIĊĊJU TAL-ISPEAKER L-Ispeaker tal-Kamra jisħaq fuq il-vu...

More Press Releases Right arrow