Left arrow Go Back

LM250,000 F’SUSSIDJI GĦAL DWIELI F’PAJJIŻNA

pr974
Date Icon 18/08/2003
“Bi skemi li kienu ntrodottis-sena l-oħra, il-Ministeru għall-Affarijiet Rurali u l-Ambjent  qed jgħin lis-settur agrikolu kemm finanzjarjament kif ukoll permezz ta’ arranġamenti ta’ ġemellaġġ ma’ wħud mill-aqwa stituti tal-vitikultura fl-Italja.  Dawn l-arranġamenti huma ffinanzjati mill-Unjoni Ewropea u permezz tagħhom qed jinbena l-qafas biex dan is-settur ikollu l-aqwa għajnuna teknika u fl-istess waqt ikun żgurat li l-prodott Malti jkun ta’ l-aqwa kwalita`”.
Danqalu l-Ministru għall-Affarijiet Rurali u l-Ambjent l-Onor. George Pullicino f’diskors tal-okkażjoni waqt it-tnedija ta’ inbid ġdid ‘Atlantis’ mill-kumpanija Marsovin.
GeorgePullicino qal li l-Unjoni Ewropea qed tenfasizza ħafna fuq l-importanza tal-kwalita’ tal-prodotti u dan kien rifless ukoll fir-riforma tal-Politika Agrikola Komuni, magħrufa bħala l-CAP, li kienet imħabbra mill-Kummissjoni Ewropea aktar kmieni din is-sena.  Bir-riforma li saret, is-sussidji mhux ser jibqgħu jingħataw esklussivament fuq kriterji ta’ produzzjoni, iżda ser tingħata importanza kbira kemm lill-kwalita’ kif ukoll lit-titjib u l-iżvilupp ta’ l-ambjent rurali.
Dangħandu jservi ta’ inċentiv għall-agrikoltura ta’ pajjiż żgħir bħal Malta fejn il-produzzjoni hi limitata minħabba art ristretta.
Huħabbar li sa’ issa l-art li fuqha qed jitkabbru d-dwieli telgħet għal madwar sitt mitt ettaru, jiġifieri ’l fuq minn 5,400 tomna, u dan għandu jkompli jiżdied fix-xhur li ġejjin.  Hu qal li sa’ ftit taż-żmien ilu, l-art għad-dwieli kienet tlaħħaq it-360 ettaru.  L-għan tal-Gvern hu li din l-art tibda tlaħħaq l-elf ettaru jew aktar. Il-Ministru Pullicino qal li l-bdiewa li għandhom dwieli għall-ipproċessar żdiedu għal 3,543.  Dan ukoll huwa ferm pożittiv għaliex kienu ftit dawk il-bdiewa li kienu jkabbru varjetajiet speċifiċi ta’ għeneb li jmur kollu għall-produzzjoni ta’ l-inbid.
Dawnil-figuri jikkonfermaw ukoll kemm il-bdiewa Maltin qed jilqgħu tajjeb l-inċentivi li qed jiġu offruti lilhom.  Mill-bidu ta’ din is-sena, sa’ l-aħħar tax-xahar li għadda l-Gvern ta 'l fuq minn Lm250,000 f’sussidji għal dwieli, li minnhom Lm150,000 marru għal dwieli ġodda.
Il-MinistruGeorge Pullicino qal li bħala ghajnuna lil dan is-settur ser jinbeda wkoll program ta’ tagħrif għall-konsumaturi lokali li għandu l-għan ewlieni li jippromwovi l-inbid lokali.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow