Left arrow Go Back

L-IMPORTANZA TAS-SETTUR PRIVAT BIEX JIMTELA L-KALENDARJU KULTURALI MALTI

pr965
Date Icon 12/08/2003
Is-sehem tal-privat biex jimtela l-kalendarju ta' attivitajiet kulturalif'Malta qiegħed jikber u qiegħed isir dejjem aktar importanti.
Il-Ministru għaż-Żgħażagħ u l-Kultura,l-Onor. Jesmond Mugliett qal dan waqt li kien qed jindirizza konferenza ta` l-aħbarijiet matul tnedija ta` l-ewwel “Malta Tango Milonga Festival” li ser isir fil-Ġonna tal-Barrakka ta' Fuq bejn it-Tnejn, 25 u l-Ħadd 31 t' Awissu. Din l-attivita` qed tkun orgnizzata mill-grupp taż-żfin Malti, Isla del Tango.
Iż-żfin matul dan il-festival ser ikunTango Arġentin li huwa distint mit-Tango Ewropew. Dan it-tip ta' żfin ġie ddikjarat bħala Wirt Dinji mill-UNESCO.
Minbarra żewġt iljieli li ser jinkluduanke kunċert mużikali minn kwintett ta' mużiċisti Arġentini, il-Malta Tango Milonga Festival ser iġib żeffiena u anke 'maestros' barranin biex jieħdu sehem f'workshops matul l-ewwel erbat ijiem ta' l-attivita'.
F'diskors qasir, il-Ministru Mugliett qalli qiegħda tispikka d-diversita` u l-innovazzjoni fl-avvenimenti kulturali li qed jittellgħu f'pajjiżna. Huwa qal li bosta organizzazzjonijiet privati qed jitgħallmu jorganizzaw attivitajiet ta' livell għoli fuq inizjattiva tagħhom. Hu żied li ħafna minn dawn qed jiskopru postijiet ġodda fejn jorganizzaw l-attivitajiet, kif ukoll qed iġibu arti aktar varjata lejn xtutna.
Il-Perit Mugliett kompla jgħid li l-Gvernm'għandux jassumi r-rwol li jorganizza kollox hu, iżda għandu jagħti l-għajnuna kollha - permezz tal-Ministeru għaż-Żgħażagħ u l-Kultura u anke permezz tal-Kunsill Malti għall-Kultura u Arti - biex inizjattivi bħal din ta' Isla del Tango jkunu suċċess.
"Huwa għalhekk żvilupp pożittiv ħafnali qed ikollna aktar organizzazzjonijiet privati jieħdu interess biex iniedu avvenimenti bħal dawn, speċjalment meta dawn l-avvenimenti jkunu jinkludu żfin jew drama - żewġ oqsma kulturali li sfortunatament jnaqqsu xi ftit mir-ritmu tagħhom matul is-sajf," żied il-Ministru Mugliett.
Huwa temm jgħid illi n-nies huma dawk lijagħmlu l-kultura u permezz ta' inizjattivi bħal dawn qed nuru li Malta għandha l-ingredjenti kollha meħtieġa biex fil-futur tkun tista' tniedi Festival ta` l-Arti. Huwa awgura li dan jwassal għal aktar viżibilita` għall-kultura tagħna barra minn xtutna.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow