Left arrow Go Back

Il-Prim Ministru jinawgura ic-Cisco Networking Accademy f’pajjiżna

PR54
Date Icon 15/01/2003

Opportunitajiet ta’ xogħol għall-uliedna f’pajjiżna

Huwa mportanti li nkomplu fit-triq li qbadna, fejnminkejja li bdejna tard (1987), imxejna b’pass qawwi u llum Malta hija pajjiż minn ta’ quddiem fil-qasam tal-informatika. Dan qalu l-Prim Ministru ta’ Malta, Eddie Fenech Adami, meta kien qed jinawgura uffiċċjalment ic-Cisco Networking Accademy f’Malta.
Dr. Eddie Fenech Adami, esprima s-sodisfazzjontiegħu, għall-fatt li l-poplu llum huwa konxju tal-ħtieġa li jkun jaf il-computer. Il-Prim Ministru semma l-importanza li kulħadd jipprepara ruħu bis-serjeta’ għall-opportunitajiet li għandna f’dan il-qasam.
Dr. Fenech Adami spjega li kulħadd irid jifhem lipermezz tal-I.C.T., Malta ser ikollha l-opportunita’ li tkompli twessgħa l-firxa ta’ servizzi li diġa’ tipprovdi fil-qasam tas-servizzi.
Il-Prim Ministru tkellem ukoll b’ċertusodisfazzjon fuq kif il-ħaddiem Malti u l-industrija Maltija f’dan is-settur, impressjonat lill-kumpaniji multi nazzjonali u li issa jridu jinvestu f’pajjiżna. Huwa semma li l-fatt li kumpaniji bħal CISCO, Microsoft u Oracle, jgħażlu li jiġu Malta, u jinvestu u jħarrġu lill-ħaddiema Maltin huwa ċertifikat fil-ħila tal-Maltin, u għandu jnissel il-fiduċja fil-Maltin, biex ngħarfu nieħdu l-opportunitajiet li ser ikollna quddiemna.
Minn naħa tiegħu, il-Ministru tal-Gustizzja u GvernLokali, Dr. Austin Gatt qal li hija ħaġa ċerta li l-futur ta’ pajjiżna, huwa marbut intimament, ma’ l-iżvilupp tal-ħaddiema Maltin fil-Qasam tat-Teknoloġija ta’ l-Informatika. Dr. Gatt kompla li rnexxielna naslu hawn illum, għax il-Gvern kellu viżjoni li jagħmel l-investiment neċessarju f’dan il-qasam mill-1987 ‘il hawn.
Qed naħsdu il-frott ta’ dak li żrajna tul is-snin,fejn it-tmexxija tal-pajjiż kienet fdata f’idejn Gvern immexxi minn Dr. Fenech Adami. Dan il-fatt kien anke konfermat mill-Unjoni Ewropea, fejn is-sena li għaddiet fir-rapport eEurope+, Malta tpoġġiet fuq quddiem nett fost il-pajjiżi applikanti għal sħubija.
Il-Ministru Austin Gatt spjega li fl-1987 il-Gvernkellu sfida, dik li jimmodernizza lil Malta.
Bejn l-1987 u l-1992, il-Gvern kellu l-viżjoni, lijinvesti u jfassal l-istrutturi neċessarji biex illum, nistgħu ngħidu li dak li kien maħsub twettaq.
Illum qed nibbenefikaw minn dan, u ninsabuffaċċjati minn sfidi ġodda. Sfida minnhom hija li nkattru l-użu tal-Computer f’pajjiżna, u nressqu lil kull ċittadin Malti biex juża l-Computer.
Dr. Austin Gatt kompla li din l-isfida qegħdinnindrizzawha b’diversi inizjattivi, minn naħa tal-Kummissjoni eMalta, fosthom l-inizjattiva myWeb fejn flimkien mal-Ministeru ta’ l-Edukazzjoni, minn nhar it-Tnejn fl-iskejjel tagħna, wara l-ħin tal-iskola, ser inħarrġu, 5,500 persuna fit-tagħlim bażiku.
Inizjattiva oħra li semma l-Ministru Gatt u li hijamarbuta mat-twettieq ta’ wegħda elettorali li saret fl-1998, fejn il-Gvern ser joffri lil kull ċittadin Malti, indirizz tal-email. Inizjattiva oħra hija marbuta mal-għoti tat-taħriġ għal European Computer Driving Licence (EDCL), lil kull min qiegħed fir-raba’ u ħames sena tas-sekondarja.
Dr. Gatt ħabbar propju din il-ġimgħa bdiet l-installazzjonital-Internet Centers f’kull lokalita’. B’hekk minn Frar, f’kull lokalita’ ser ikollna Internet Centre, fejn il-pubbliku jkun jista’ jaċċessja fl-internet.
Il-Ministru semma t-tieni sfida, li tikkonċerna linattiraw lejn pajjiżna, kumpaniji internazzjonali, biex flimkien magħna jagħmlu minn pajjiżna ċ-ċentru ta’ eċċellenza fir-reġjun tal-Mediterran fil-Qasam tal-ICT.
Il-Ministru Gatt ħabbar li llum mistenni li jiġukonklużi t-taħdidiet mal-kumpanija multinazzjonali Oracle, biex din ukoll tiftaħ akkademja f’pajjżna. Semma wkoll il-fatt li fi tmiem dan ix-xahar, mistennija jiġu konklużi t-taħdidiet u allura jigi ffirmat il-ftehim mal-iġgant multinazzjonali Microsoft, fil-kuntest mhux biss ta’ ftuħ ta’ akkademja, iżda wkoll il-bidu tal-investiment f’pajjiżna minn din il-kumpanija. Dan apparti l-akkademja li Cisco fetħu f’pajjiżna u li fil-fatt ġiet inawgurata llum.
Dr. Gatt fisser l-importanza wkoll tal-pass politikuta’ pajjizna, dak tas-sħubija ta’ Malta fl-Unjoni Ewropea. Dr. Gatt fisser li l-opporunitajiet li jeżistu fl-Unjoni Ewropea f’dan il-qasam huma kbar. Mhux biss, kompla l-Ministru Gatt, imma hemm ukoll l-opportunita’ li nibbenefikaw minn fondi li huma marbutin ma proġetti u inizjattivi f’dan il-qasam.
Dan kollu qed isir għax il-Gvern kellu viżjoni, ul-għaqal li jibbaża l-futur fuq il-ħiliet tal-Maltin, u l-kapaċita’ li nattiraw lejn pajjiżna kumpaniji kbar bħal Cisco
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow