Left arrow Go Back

Għajnuna wkoll għas-sajjieda Għawdxin

PR47
Date Icon 14/01/2003

Bis-sħubija ta’ Malta fl-Unjoni Ewropea, l-industrija tas-sajd f’pajjiżna se tkun intitolata għal għajnuna finanzjarja taħt il-Financial Instruments Fisheries Guidance (FIFG), filwaqt li se jiżdiedu l-opportunitajiet ta’ esportazzjoni għas-sajjieda Maltin, peress li titneħħa għal kollox il-levy eżistenti fuq ħut esportat lejn l-Unjoni Ewropea.

Dan qalu l-Ministru għall-Agrikultura u s-Sajd, l-Onor. Ninu Zammit meta, flimkien mal-Ministru għal Għawdex, l-Onor. Giovanna Debono, ippreżenta ċekkijiet ta’ flus lil sajjieda Għawdxin, bħala parti minn pakkett ta’ għajnuna finanzjarja ta’ Lm2.5 miljun, intiż biex jgħin lis-sajjieda f’pajjiżna jtejbu l-operat tagħhom, kemm fid-dawl taż-żona ta’ konservazzjoni li Malta rnexxielha tinnegozja ma’ l-Unjoni Ewropea, kif ukoll fid-dawl ta’ regolamenti ġodda li se jsiru dwar id-dgħajjes tas-sajd, biex tiżdied is-sigurtà fuq dawn il-bastimenti.

F’Għawdex hemm reġistrati madwar 81 bastiment lijintużaw għal sajd fuq bażi full-time u 65 oħra li jintużaw għal sajd fuq bażi part-time.
Il-Ministru Zammit qal li l-għajnuna li tingħatamill-fond magħruf bħala Strument Finanzjarju għal Gwida fis-Sajd, tista’ tinkiseb biss wara s-sħubija fl-Unjoni Ewropea, u tkun tista’ tintuża fost l-oħrajn biex tkun modernizzata l-flotta tas-sajd u biex ikun hemm titjib fil-faċilitajiet għas-sajjieda.
Dwar il-pixkerija f’Malta, il-Ministru Zammit qalli bħalissa qed ikunu analizzati l-offerti li ntefgħu għax-xogħlijiet li se jsiru biex il-pixkerija tkun modernizzata u attrezzata aħjar.
Hu irrifera wkoll għall-problemi li sajjiedaGħawdxin, b’mod partikolari, qed ikollhom ma’ sajjieda Tuneżini waqt is-sajd għal-lampuki, u qal li din il-kwistjoni baqgħet tkun segwita fl-ogħla livelli, tant li fil-ġimgħat li ġejjin, hu ippjanat li jsir workshop f’Tuneż, bil-parteċipazzjoni ta’ uffiċjali mill-Ministeri tas-Sajd miż-żewġ pajjiżi, nies tekniċi tad-dipartimenti rispettivi, rappreżentanti mill-kooperattivi tas-sajd u rappreżentanza speċifika mid-distrett tax-Xlendi.
Il-Ministru Zammit żied li l-awtoritajiet tas-sajdTuneżini wrew interess kbir fil-problema u jixtiequ ħafna li t-taħditiet li se jsiru, jwasslu biex is-sajjieda miż-żewġ pajjiżi jkunu jistgħu jaħdmu f’armonija akbar.
Hu semma wkoll li għal darb’oħra, iż-żewġkooperattivi tas-sajd ħarġu s-sejħa u ddeċidew flimkien l-offerta għall-esportazzjoni tat-tonn fl-istaġun li ġej u wera s-sodisfazzjon tiegħu għall-fatt li l-prezzijiet huma aħjar minn tas-sena li għaddiet.
Min-naħa tagħha, il-Ministru Giovanna Debonotkellmet dwar is-sehem tal-Gvern biex tkun newtralizzata l-ispiża addizjonali li s-sajjieda jkollhom biex jittrasportaw il-prodotti lejn Malta. Hi qalet li din l-għajnuna finanzjarja li s-sajjieda jirċievu regolarment, hi parti mill-ħidma tal-Ministeru għal Għawdex favur dan is-settur. Għajnuna oħra indispensabbli tinkludi d-diversi xogħlijiet konnessi ma’ slipways, winches u faċilitajiet oħra tas-sajd f’diversi nħawi ta’ Għawdex.
Sadattant, il-Ministru għall-Agrikultura u s-Sajdqassam ukoll ċertifikati lil numru ta’ bejjiegħa tal-ħut Għawdxin li attendew kors dwar il-prattika tajba ta’ l-iġjene tul il-proċess tal-bejgħ tal-ħut.
Il-Ministru Zammit fakkar fl-impenn tal-Gvern lijkompli jsaħħaħ il-proċess tal-bejgħ tal-ħut biex ikun żgurat li l-prodott jasal għand il-konsumatur fl-aħjar kundizzjoni possibbli.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow