Left arrow Go Back

FTUĦ TAL-COMENIUS ROOM FL-ISKOLA PRIMARJA TA’ SANTA BERNARDETTE, SAN GWANN

pr456
Date Icon 04/04/2003

Il-Ministru Joe Borg dalgħodu fetaħ il-Comenius Room fl-Iskola Primarja ta’ Santa Bernadette, San Ġwann. Dan il-proġett ġie mfassal taħt il-programm Comenius tal-Unjoni Ewropea fejn studenti u għalliema jipparteċipaw bi sħab ma’ skejjel ġewwa pajjiżi membri u kandidati ta’ l-Unjoni Ewropea.

Din is-sena t-tema tal-proġett kienet fuq il-wirt kulturali u l-iskola primarja Santa Bernadette ta’ San Ġwann fasslet il-proġett tagħha flimkien ma’ skejjel fi Franza, Spanja, l-Irlanda u r-Rumanija.

Il-Ministru saħaq fuq l-impatt tajjeb w utli li program bħal dan iħalli fuq l-għalliema u l-istudenti ta’ din l-iskola. Ix-xogħol li sar fuq it-tema ta’ Wirt Kulturali huwa dimostrazzjoni tal-koperazzjoni li tista’ ssir bl-għan ta’ riċerka kif ukoll ta’ konservazzjoni.

Il-Ministru Joe Borg qal li l-konservazzjoni tal-wirt kulturali tagħna hija essenzjali u l-fatt li permezz tal-proġett Comenius, it-tfal tagħna qegħdin jitgħallmu dawn l-affarijiet, għandu jkun ta’ sodisfazzjon kbir għalina. Il-Ministru qal ukoll li bla dubju ma jistax ma jkunx ħlief pożittiv illi permezz ta’ dawn l-inizjattivi nistgħu nxerrdu informazzjoni dwar pajjiżna ma’ nies oħrajn filwaqt li nsiru nafu aktar fuq pajjiżhom.

Permezz ta’ dawn il-proġetti l-istudenti u l-għalliema tagħna jkollhom l-opportunita’ jaqsmu l-esperjenzi ma’ studenti u għalliema minn pajjizi ta’ l-Unjoni Ewropea. Dan kien eżempju ħaj ta’ xi tfisser l-Unjoni Ewropea, li hija għaqda ta’ pajjiżi li għandhom ħafna affarijiet li huma simili iżda wkoll li jibqgħu jgħożżu dak li huwa partikolari għalihom.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PROJECTS  First 12 semiconductor start-ups complete Silicon Catalyst’s incubation programme, with some now setting up operations in Malta

PR261934en

PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠIĊI  L-ewwel 12-il start-up fis-settur tas-semikondutturi jtemmu l-programm ta’ Silicon Catalyst u wħud minnhom qed jistabbilixxu l-operat tagħhom f’Malta

PR261934

STQARRIJA MILL-MINISTERU GĦALL-EKONOMIJA, IT-TEKNOLOĠIJA U PROĠETTI STRATEĠ...

More Press Releases Right arrow