Resource Room Ġdida Fl-Iskola ta' Birżebbuġia
Il-Ministru ta' l-Edukazzjoni, l-Onor. Louis Galea inawgura Resource Room gdida fl-iskola Primarja Prof. Anton Tabone f'Birżebbuġa. Ir-Resource Room saret bil-ħidma tal-Kunsill ta' l-Iskola, l-għalliema u l-ġenituri.
Ir-resource room hi parti mill-ħidma ta' l-iskola biex jiġi mwettaq il-Kurrikulu Nazzjonali li jgħid li hemm bżonn li t-tfal ikollhom ir-riżorsi u l-materjal edukattiv li għandhom bżonn, u li għandha tintuża l-aktar teknoloġija moderna għat-tagħlim tat-tfal. Infatti r-Resource Room hi mgħammra b'data projector, kompjuters, DVD player, Video, Hi Fi system, Cable TV, u ħafna kotba u materjal ieħor edukattiv.
Ir-Resource Room għandha wkoll palk żgħir biex isiru attivitajiet ta' drama u mużika għat-tfal stess. Id-disinn tal-kamra sar b'mod li l-ambjent ikun informali kemm jista jkun u jgħin lit-tfal jaħdmu flimkien u jieħdu gost jitgħallmu.
Meta r-Resource Room kienet kważi lesta, l-kap ta' l-iskola, s-Sur Charles Debono stieden lill-ġenituri biex iżuru l-iskola u jaraw xi twettaq, il-ġenituri ġew mistiedna wkoll jagħtu ktieb għall-użu tat-tfal. Il-Kap ta' l-Iskola qal li eventwalment, din ir-resource room trid tibda tintuża mill-komunita' ta' Birżebbuġa.
Il-Ministru Louis Galea faħħar lill-Kap ta' l-iskola, lill-għalliema u l-ġenituri għal din l-inizjattiva u għall-kooperazzjoni ta' bejniethom. Hu qal li dan l-aħħar kien mistieden f'diversi skejjel li wettqu inizjattivi; fejn qed jiġu inawgurati faċilitajiet u riżorsi li jgħinu lill-għalliema fix-xogħol tagħhom u lit-tfal fit-tagħlim tagħhom. Il-Ministru qal li t-twettieq tal-kurrikulu nazzjonali issa qabad ritmu tajjeb ħafna. Hu semma l-kunsill nazzjonali tal-kurrikulu u d-diversi ‘focus groups’ li qed jaħdmu fuq proġetti u inizjattivi diversi li bdew jagħtu l-frott kif jistgħu jixhdu ħafna ġenituri u għalliema.
Other Press Releases:
PR261934en
PRESS RELEASE BY THE MINISTRY FOR THE ECONOMY, TECHNOLOGY AND STRATEGIC PRO...
PR261934