250 għalliem jieħdu ċertifikat ta’ l-ICT
pr1538
16/12/2003
| Il-Ministru | ta’ l-Edukazzjoni, l-Onor. Louis Galea ipprezenta ċertifikat tat-teknoloġija ta’ l-Informatika u Komunikazzjoni (Information and Communications Technology – ICT) lil 250 għalliem li din is-sena għamlu kors apposta, biex jitħarrġu f’dan il-qasam. |
| Id-Dipartiment | tat-Teknoloġija ta’ l-Edukazzjoni flimkien mad-Dipartiment tal-Kurrikulu fid-Diviżjoni ta’ l-Edukazzjoni, ilhom jorganizzaw korsijiet ta’ ICT għall-għalliema u edukaturi volontarjament wara l-ħin ta’ l-iskola għal dawn l-aħħar erba’ snin. L-applikazzjonijiet jinsabu fuq l-internet u huma wkoll mibgħuta lil kull kap ta’ skola u lill-għalliema kollha permezz ta’ e-mail. |
| Bejn | is-sena 2001-2003, kien hemm ma’ l-2,500 applikant. 1,625 kienu minn skejjel primarji u 875 minn skejjel sekondarji. Il-korsijiet isiru kemm fi skejjel ta’ l-istat kif ukoll fi skejjel privati. Fil-fatt minn 2,500 applikant, 94 kienu minn skejjel privati, 280 minn skejjel tal-Knisja u 2,127 minn skejjel ta’ l-Istat. |
| Il-korsijiet | offruti jinkludi Windows for Beginners, MS Word, MS Excel, ECDL, Internet, Creating a School Website, Graphics, Auto CAD u diversi oħrajn. Dawn il-korsijiet qed isiru dejjem aktar popolari. Fil-vaganzi tas-Sajf, in-numru ta’ għalliema li attendew kien ta’ 325 u ġew maqsuma fi 33 klassi. 250 minnhom ingħataw ċertifikat t’attendenza f’Dar il-Mediterran. |
| Il-Ministru | Louis Galea qal li pajjiżna hu attrezzat tajjeb biex jilqa’ għall-isfidi li għandu quddiemu, partikolarment fil-qasam tat-teknoloġija. Il-Ministru qal li l-qasam ta’ l-edukazzjoni irid ikun minn ta’ quddiem nett biex iħarreġ lill-ħaddiema u l-professjonisti ta’ għada bl-aqwa għodda għall-ġejjieni. Hu qal li l-Gvern jemmen li l-għalliema għandhom bżonn taħriġ kontinwu biex filwaqt li jkomplu jtejjbu il-ħiliet tagħhom, jibqgħu rilevanti għad-dinja tal-lum u tal-futur. Il-Ministru qal li hu jemmen li l-iskejjel ta’ l-istat huma riżors importanti li hemm bżonn jiġi użat bl-aħjar mod possibbli u b’mod li nieħdu l-massimu mir-riżorsi li għandu l-pajjiż. Hu qal li l-laboratorji ta’ l-ICT fl-iskejjel ġew użati biex jakkomodaw lill-applikanti kollha, u bl-istess mod irridu naraw kif nistgħu nużaw riżorsi oħra biex l-iskejjel ikunu verament ċentri ta’ tagħlim fil-komunita’. |
Other Press Releases:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en