Left arrow Go Back

EDUKAZZJONI U TURIŻMU

pr1496
Date Icon 05/12/2003
Il-Ministeruta’ l-Edukazzjoni u l-Malta Tourism Authority (MTA) dan l-aħħar organizzaw l-ewwel f’sensiela ta’ laqgħat biex iż-żewġ organizzazzjonijiet jifhmu lil xulxin u jikkoperaw aktar bejniethom biex jedukaw lill-istudenti u jippromwovu prattiċi tajbin fil-qasam tat-turiżmu.  Għal din il-laqgħa kien hemm diversi rappreżentanti tad-Diviżjoni ta’ l-Edukazzjoni u tal-Policy Unit tal-Ministeru ta’ l-Edukazzjoni kif ukoll tal-MTA.
Is-SurFrank Salt li kien qed jippresjedi din il-laqgħa, tkellem dwar il-bżonn li f’kull qasam ta’ l-edukazzjoni jkun hemm emfasi fuq it-turiżmu bħala l-mutur ewlieni ta’ l-ekonomija ta’ pajjiżna.  Hu qal li mhux biss dawk li jaħdmu direttament f’dan il-qasam għandhom ikollhom it-taħriġ meħtieġ iżda hemm bżonn li kull student jitgħallem kemm dan il-qasam hu importanti għal pajjiżna u għalhekk kemm hu importanti li nagħmlu minn kollox biex is-settur jimxi ’l quddiem.  Hu qal li rridu nkunu realistiċi ma’ l-istudenti u norganizzaw aktar żjarat kemm f’postijiet ta’ interess iżda wkoll f’postijiet mitluqa, koroħ u li qiegħdin fi stat xejn sabiħ biex l-istudenti jindunaw kemm dawn il-postijiet jistgħu igerrxu t-turisti.
Il-Ministruqal li kull sistema edukattiv irid ikolla ‘Educational Slant’ partikolari u dik ta’ pajjiżna trid tkun waħda li tħares ’il quddiem.  It-turiżmu hu żgur wieħed mill-oqsma ewlenin li l-edukazzjoni f’pajjiżna trid titratta.
Il-laqghaġiet fit-tmiem billi ż-żewġ partijiet, jiġifieri l-MTA u d-Diviżjoni ta’ l-Edukazzjoni qablu li jiġu appuntati erba’ persuni, tnejn minn kull naħa biex jiffurmaw kumitat li jibda jiltaqa’ b’mod regolari u jitfassal pjan ta’ azzjoni.  Dan għandu jwassal biex jibda process biex isir it-tibdil u l-iżvilupp meħtieġ fis-sistema edukattiv u jittieħdu diversi inizjattivi biex permezz ta’ l-edukazzjoni t-turiżmu f’pajjiżna jagħmel progress xieraq.
Share this Press Release Icon socials Icon socials Icon socials Icon socials

Other Press Releases:

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA  Inawgurat bust ta’ Ġorġ tal-Mużew fl-Isptar Mater Dei b’tifkira tal-ħidma tiegħu fost dawk vulnerabbli

PR261936

STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...

PRESS RELEASE BY THE MINISTRY FOR ENERGY, THE ENVIRONMENT AND THE REGENERATION OF THE GRAND HARBOUR  ERA launches anniversary publication: A decade of protecting Malta’s natural future

PR261935en

PRESS RELEASE BY THE MINISTRY FOR ENERGY, THE ENVIRONMENT AND THE REGENERAT...

More Press Releases Right arrow