F’SENA INTEFQU AKTAR MINN 11-IL MILJUN LIRA F’SERVIZZI RELATATI MAT-TIĠIJIET F’PAJJIŻNA
pr1333
06/11/2003
| Fl-inawgurazzjoni tal-Weddings | Fair, is-Segretarju Parlamentari fil-Ministeru tal-Finanzi u Servizzi Ekonomiċi, l-Onor. Edwin Vassallo ta tagħrif li huwa relatat ma’ l-industrija tas-servizz u l-artiġjanat magħrufa aħjar f’pajjiżna bħala l-Industrija tat-Tiġijiet. (Ara statistika) |
| Din | l-istatistika, maħruġa min-National Statistics Office (NSO) tixhed l-ammont sostanzjali ta’ flus li jintefqu fl-organizzazzjoni ta’ tieġ f’pajjiżna. Din hija industrija li fiha ħafna opportunitajiet ta’ xogħol li fih ċertu valur miżjud. Is-Segretarju Parlamentari Edwin Vassallo qal li “Iżjed ma jkollna apprezzament lejn l-Artiġjanat Malti u l-Kultura Maltija, iżjed jista’ jkollna minn dan l-infieq li jibqa’ f’pajjiżna u nnaqsu mill-importazzjoni. B’hekk inkun qed nipproduċu aktar. Il-fiera li qed ninawguraw illum hija fiera ta’ suq li qed jikber iżda hemm bżonn li jkollna ftit aktar ħsieb.” |
| Hu | żied jghid li “Hawn għandna potenzjal fejn inbiegħu aktar prodotti Maltin kemm-il darba jkollna aktar innovazzjoni u ħeġġa biex nagħmlu r-riċerka li tgħinna nkunu aktar innovattivi. Irridu naraw li nżommu standards ta’ kwalità fis-servizzi li qed ikunu offruti.” |
| “L-awgurju | tiegħi mhux li tiżdied in-nefqa, iżda li jiżdied il-ħsieb wara n-nefqa u dak li jsir, isir bil-għaqal u bil-qies. Hekk ikollna ndustrija sostenibbli u livell ta’ kwalità ta’ ħajja aħjar”, temm jgħid is-Segretarju Parlamentari Edwin Vassallo. |
Other Press Releases:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en