Irridu nsaħħu l-effiċjenza fl-operat tal-Port Ħieles
pr1321
05/11/2003
| Illum | ġie ffirmat ftehim bejn il-Malta Freeport u l-MCAST, bl-iskop li l-ħaddiema tal-Port Ħieles jibdew jingħataw taħriġ vokazzjonali li jkun ċertifikat mis-SEMTA, l-organizzazzjoni li tiċċertifika taħriġ vokazzjonali għall-Inġiniera. |
| F’diskors li għamel, il-Ministru Gatt irrefera | għall-ftehim storiku milħuq dwar it-Tarzna, u spjega li l-ftehim kien xprunat mill-fatt li l-partijiet kollha nvoluti għarfu li r-realtajiet inbidlu. “Wasal iż-żmien li ma nibqgħux ninjoraw u nagħtu dahrna lir-realtajiet,” qal Austin Gatt. |
| Il-Ministru | Gatt saħaq li anke fil-Port Ħieles, ir-realtajiet ma nistgħux nibqgħu ninjorawhom. Huwa spjega kif fil-qasam tal-port hieles, il-Malta Freeport qed jikkompeti ma’ diversi Freeports oħra fir-reġjun, u l-għażla bejn port u ieħor tiġi deċiża minn ftit operaturi. Is-suċċess li ksibna fil-Malta Freeport inkiseb għax kullħadd stinka u ħadem għalih, madanakollu rridu noqogħdu attenti għax il-kompetizzjoni f’dan is-suq, hija ħarxa. |
| Il-Ministru | Gatt fisser li s-suq huwa determinat minn ftit operaturi u kull ċenteżmu jgħodd. Il-Ministru enfasizza l-fatt li rridu nsaħħu l-kompetittività tal-port ħieles Malti. Huwa spjega li dan ma jistgħax isir b’ħaddiema tax-xatt li jaħdmu bi prattiċi ta’ xogħol eżistenti, u li ġew mfassla fis-sittinijiet u għadhom qed jitħaddmu sal-lum. Dawn qed jiswew lil Malta Freeport flus kbar, u qed joħonqu l-kompetittività tal-Malta Freeport. |
| Il-Ministru | Gatt spjega li biex insaħħu l-kompetittività tal-Port Ħieles Malti, rridu naraw li fin-negozjati li mistennija jibdew fil-viċin dwar is-servizzi provduti mill-ħaddiema tax-xatt lil Freeport Malti, dawn il-prattiċi jiġu aġġornati biex jkunu jirriflettu r-realtajiet tal-lum. |
| Il-Ministru | Gatt semma wkoll li l-Gvern għaddej b’diskussjoni attiva dwar il-privatizzazzjoni tal-Port Ħieles. Huwa qal li anke f’dan il-kuntest, it-tisħiħ tal-effiċjenza fl-operat hija essenzjali. |
| Il-Ministru | Gatt iddeskriva l-okkażjoni ta’ l-iffirmar tal-partnership bejn il-Malta Freeport u l-MCAST, bħala pass importanti fit-tkomplija tat-tisħiħ tar-riżorsi umani. Huwa fisser li r-riżorsi umani huma riżors essenzjali fl-operat tal-Port Ħieles, għax minkejja li tista’ tinvesti f’tagħmir modern u sofistikat, fl-aħħar mill-aħħar huma r-riżorsi umani li jridu joperawhom. |
Other Press Releases:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en