It-titjib fl-impjanti sportivi jkabbar it-turiżmu sportiv f’pajjiżna
pr1318
05/11/2003
| Is-settur | turistiku Malti kien qed jinbena fuq diversi niċeċ li joħolqu minn pajjiżna esperjenza sabiħa għal min iżurna. Dan intqal mill-Onor. Francis Zammit Dimech, Ministru ghat-Turizmu meta ndirizza lill-istampa dwar l-organizzazzjoni ta’ l-ewwel International Open Championship taz-Zfin Sportiv. |
| Francis | Zammit Dimech qal li l-fatt li t-temp f’Malta hu sabiħ għall-parti l-kbira tas-sena u li f’pajjiżna għandna impjanti sportivi moderni jagħmel lil Malta attrazzjoni fost sportivi li ma jkunux jistgħu jipprattikaw id-dixxiplini sportivi favoriti tagħhom. |
| Il-Ministru | għat-Turiżmu qal li n-niċċa sportiva fis-settur turistiku setgħet tikber bħala riżultat ta’ l-investiment li sar mill-Gvern u mis-settur privat f’impjanti sportivi. Hu qal li l-Gvern kien bena kumplessi sportivi f’Għawdex u fil-Kottonera filwaqt li kien qed jibni kumpless ieħor fil-Karwija. Inbena ukoll kumpless nazzjonali għall-għawm bi swimming pool modern u attrezzat f’Tal-Qroqq. Fl-istess waqt ġew modernizzati l-faċilitajiet sportivi fil-Marsa. Dawn jinkludu ground għall-football u l-atletika, faċilitajiet għal-logħob tal-polo u dixxiplini sportivi oħrajn flimkien ma’ korsa taż-żwiemel. |
| Il-Ministru | għat-Turiżmu qal li f’diversi kulleġġi u skejjel illum hemm padiljuni sportivi attrezzati bl-aktar faċilitajiet moderni li qed jagħtu kontribut qawwi għall-isports f’pajjiżna. |
| Il-Ministru | Zammit Dimech qal li setturi oħra importanti fin-niċċa sportiva kienu l-underwater diving u l-yachting. Hu qal li Malta kienet tattira kull sena madwar 60,000 persuna – bejn għaddasa u l-qraba tagħhom – għal dan it-tip ta’ sport, u eluf oħra li kienu jżuru pajjiżna bil-yachts. Hu qal li l-yachting kien qiegħed dejjem jikber pass pass, maż-żieda fl-irmiġġi li fl-aħħar sena biss żdiedu b’madwar 400 biex illum għandna 1,500 irmiġġ. Hu qal li Malta kienet qed issir popolari mat-tiġrijiet tal-yachts tant li hemm numru minn dawn li daħlu fil-kalendarju turistiku ta’ pajjiżna. |
| Francis | Zammit Dimech qal li ż-żfin sportiv tant kien qed isir popolari li hemm proposti biex dan jifforma parti minn kompetizzjonijiet internazzjonali ta’ l-isport. Il-Ministru għat-Turiżmu qal li l-International DanceSport Federation, li kienet tirrapreżenta 80 pajjiż, kienet qablet li jsiru f’Malta l-First International IDSF Malta Open Competitions. Pajjiżna joffri faċilitajiet għal dan it-tip ta’ sport tant li din il-kompetizzjoni internazzjonali ta’ żfin – li għaliha kienu ġejjin kompetituri mill-Filippini, l-Litwanja, ir-Russja, l-Italja, l-Ingilterra, l-Awstrja, il-Ġermanja u Franza – kienet se tinżamm fin-New Multipurpose Hall fl-Universita’ ta’ Malta. |
| Il-Ministru | għat-Turiżmu fakkar li t-turiżmu u l-isport kienu jimxu flimkien. Hu qal li t-turisti li kienu jżuru pajjiżna biex jipprattikaw id-dixxiplina sportiva tagħhom kienu qed jiżdiedu u dan kien jawgura li b’aktar titjib tal-prodott jżuruna aktar turisti ta’ dan it-tip. |
| Francis | Zammit Dimech awgura lid-diriġenti tal-Malta Dance Sport Association u lill-parteċipanti kull suċċess fl-inizjattiva tagħhom. |
Other Press Releases:
PR261936
STQARRIJA MILL-UFFIĊĊJU TAD-DEPUTAT PRIM MINISTRU U MINISTERU GĦAS-SAĦĦA I...
PR261935en