Left arrow Go Back

IMKABBRA LOKALMENT MADWAR 36,000 DUNDJAN GĦALL-MILIED

PR1764
Date Icon 18/12/2002

Il-Ministru għall-Agrikultura u Sajd Ninu Zammit qal li għall-Milied mistennija jkun hawn fis-suq mas-36,000 dundjan imkabbra lokalment u li se jkunu għall-bejgħ bi prezz li hu madwar 20ċ orħos fil-kilo milli kien f’dawn l-aħħar snin. Hu ikkalkulat li l-poplu Malti jikkonsma aktar minn 150,000 kilo ta’ dundjan matul dawn il-ġranet tas-sena.

Il-Ministru Zammit, li kien qed jitkellem waqt il-preżentazzjoni ta’ 300 dundjan lil għadd ta’ istituzzjonijiet tal-karità, ħeġġeġ lill-konsumatur biex għal dawn il-festi jixtri dundjani mkabbra minn produtturi Maltin b’garanzija ta’ kwalità. Hu qal li biex tkun assigurata ż-żamma tal-kwalità, il-proċessuri se jwaħħlu fuq il-boroż tikketta li tkun turi l-bar coding, il-piż tad-dundjan u l-isem tal-proċessur.

Żied jgħid li bl-inkoraġġiment tal-Gvern, il-proċessuri din is-sena ddeċidew li bejniethom iġibu madwar 40,000 fellus minn barra u jagħtuhom għat-tkabbir għand il-bdiewa u produtturi oħra. B’hekk tkun tista’ tintlaqa’ d-domanda kollha mingħajr il-ħtieġa ta’ importazzjoni.

Il-Ministru Zammit stqarr li l-fatt li l-Gvern xtara numru minn dawn id-dundjani biex ikunu jistgħu jitgawdew minn min hu l-aktar fil-bżonn, juri kemm il-Gvern jemmen u lest jgħin inizjattivi bħal dawn għax ikomplu jsaħħu l-produzzjoni agrikola lokali. Qal ukoll li inizjattivi bħal dawn jawguraw tajjeb għat-twaqqif tal-għaqdiet tal-produtturi li fost l-iskopijiet tagħhom hemm li jaraw x’inhi d-domanda tas-suq u li għaldaqstant jippromwovu l-prodott.

Il-Ministru Zammit irrifera wkoll għall-għajnuna ta’ madwar Lm76 miljun li se jingħataw il-produtturi kollha fis-settur agrikolu fuq firxa ta’ snin biex jibqa’ jkollhom dħul xieraq u ġust u fl-istess waqt ikunu megħjuna jagħmlu r-ristrutturar meħtieġ biex is-settur tal-biedja jibqa’ jkun sostenibbli.

Hu qal li din l-għajnuna, flimkien mal-kważi Lm13 il-miljun lira li se tagħti l-Unjoni Ewropea għall-biedja fl-ewwel tliet snin mis-sħubija se jissarrfu fl-akbar investiment li qatt sar fis-settur agrikolu f’pajjiżna.

Share this Press Release Icon socials Icon socials Icon socials Icon socials

Other Press Releases:

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozzi leġiżlattivi biex tkompli tissaħħaħ il-ġlieda kontra l-vjolenza fuq in-nisa u l-vjolenza domestika

PR261931

STQARRIJA MILL-MINISTERU GĦALL-UGWALJANZA U D-DRITTIJIET ĊIVILI Żewġ abbozz...

PRESS RELEASE BY THE MINISTRY FOR YOUTH, WELLBEING AND THE IMPLEMENTATION OF THE ELECTORAL PROGRAMME  Malta Miegħek: Funding increased for music education in band clubs and voluntary organisations working with youths

PR261930en

PRESS RELEASE BY THE MINISTRY FOR YOUTH, WELLBEING AND THE IMPLEMENTATION O...

More Press Releases Right arrow