Left arrow Go Back

ŻJARA TA’ DELEGAZZJONI TAL-AICCRE LILL-MINISTRU TAL-ĠUSTIZZJA U GVERN LOKALI

PR1573
Date Icon 08/11/2002

Opportunitajiet kbar għall-Kunsilli Lokali Maltin bi sħubija fl-Unjoni Ewropea


Il-Ministru tal-Ġustizzja u Gvern Lokali Austin Gatt il-bieraħ kellu laqgħa ma’ delegazzjoni tal-AICCRE (Associazione Italiana per il Consiglio dei Comuni e delle Regioni d’Europa). Din id-delegazzjoni kienet fil-gżejjer Maltin biex tieħu sehem f’konferenza marbuta ma’ l-aspett tal-ġemellaġġi bejn bliet u rħula Maltin u Taljani, fil-kuntest ta’ tkabbir ta’ l-Unjoni Ewropea fil-Mediterran.

Il-Ministru tal-Ġustizzja ta’ ħarsa lejn l-isfond storiku ta’ l-izvilupp tal-kunċett tal-Kunsilli Lokali f’pajjiżna, kif ukoll lejn ir-relazzjoni bejn iż-żewġ pajjiżi. Relazzjoni bbażata fuq il-koperazzjoni u l-ħbiberija ta’ bejn iż-żewġ pajjizi.

Dr. Austin Gatt semma wkoll l-ammont ta’ ġemelleġġi bejn l-ammont kbir ta’ lokalitajiet Maltin u Għawdxin ma’ dawk Taljani. Fil-fatt minn 31 ftehim ta’ ġemellaġġ 20 jinkludu bliet u rħula Taljani.

Politika konxja li lill-Kunsilli Lokali Maltin jingħataw, il-poteri neċessarji biex nizviluppawhom f’ċentri amministrattivi fil-komunità. Huwa tenna mill-ġdid l-impenn tal-Gvern fuq il-ħtieġa li jtejjeb u jsaħħaħ il-livell ta’ sussidjarjetà f’pajjiżna.

Dr. Gatt fisser l-importanza tal-ġemellaġġi anke lejliet is-sħubija ta’ Malta fl-Unjoni Ewropea. Dan sabiex il-Kunsilli Lokali jkomplu jagħtu d-dimensjoni soċjali lill-fondi li tallokka l-UE, bħal ċentri fil-komunità għal persuni b’dizabilità, skejjel aħjar u ambjent aħjar.

Fabio Pellegrini, is-segretarju ġenerali tal-AICCRE, minn naħa tiegħu fisser l-importanza tal-ġemellaġġi fil-kuntest tad-dimensjoni Mediterranja ta’ l-Unjoni Ewropea anke bl-inklużjoni ta’ Malta fit-tkabbir li jmiss.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

More Press Releases Right arrow