Diskors mill-Onor. Censu Galea, Ministru ghat-Trasport u Komunikazzjoni waqt seminaR fuq Regolamenti dwar il-Bastimenti Kummercjali – FURJANA - 31 t’Ottubru 2002
Certament li hadd minnha hawnhekk ma jiddubita mill-importanza tat-trasport bil-bahar ghall-gzejjer taghna. Dan il-mezz antik ta’ trasport mhux biss ighinna biex nzommu kuntatt mal-bqija tad-dinja, izda huwa wkoll il-pern tal-ekonomija Maltija u l-mezz primarju kif inwasslu f’pajjizna dawk il-htigijiet li ta’ bilfors irridu nimpurtaw. Hu wkoll il-mezz ewlieni li jintuza ghall-esportazzjoni.
Mal-medda tas-sekli, generazzjoni ta’ Maltin wara ohra, zviluppat l-industrija tat-trasport marittimu skond il-htigijiet taghha. Minn zmien ghal zmien addattat l-istess parametri tal-industrija u biddlet il-mod ta’ kif tipprovdi s-servizzi biex ikunu kumplimentari ghall-esigenzi tas-swieq lokali u barranin.
Partikolarment fis-snin recenti, Malta dejjem insistiet u habirket sabiex timmassimizza fuq il-potenzjal tal-industrija tas-servizzi. Dan japplika l-iktar ghall-industrija marittima.
Illum Malta ghandha l-hames l-akbar registru ta’ bastimenti merkantili fid-dinja. Dan qed jissokta jigi diversifikat u mkabbar. Dan il-potenzjal u success qed jigi rikonoxxut ukoll barra minn xtutna, Dan ir-rikonoxximent qed jissokta jissahhah b’mod partikulari bl-inizjattivi li qed tiehu l-Awtorita` Marittima, sabiex tassigura li bastimenti registrati f’Malta jkunu ta’ livell gholi. Statistika ricenti turi li n-numru ta’ bastimenti Maltin mizmuma f’portijiet barranin wara spezzjonijiet li jkunu saru fuqhom qed jonqos gradwalment. Dan qed isehh skond termini definiti fi Pjan ta’ Azzjoni mfassal mill-Awtorita` Marittima li jinkludi revizjoni ta’ legislazzjoni u tishih fl-istrutturi amministrattivi fid-Direttorati tal-Bastimenti Merkantili u tal-Portijiet.
L-izvilupp tal-industrija marittima f’Malta huwa wkoll rifless fis-success tal-Malta Freeport Terminals li llum huwa fost l-akbar "hub ports" ghat-trasbord fil-Mediterran.
Success iehor qed jinkiseb fl-industrija tal-"cruise liners", liema attivita` il-Gvern issa ghadda f’idejn il-privat li ser jinvesti mhux anqas minn 13-il miljun lira fl-izvilupp ta’ "terminals" ghall-passiggieri u fir-riabilitazzjoni shiha tax-xatt ta’ Pinto. Wara zieda ta’ madwar 50 fil-mija fin-numru ta’ passigieri registrat fl-2001 fuq is-sena ta’ qabel, huwa ta’ sudisfazzjon li ngharraf li din is-sena ser jerga jkun hawn zieda sostanzjali fuq l-2001. L-istess jista jinghad dwar attivitajiet portwarji fosthom il-"bunkering" u servizzi ohra offruti bhal "ships conveyances" u l-provvista ta’ "ship supplies".
Izda llum qed niltaqghu biex niddiskutu l-industrija tat-trasport bil-bahar li ssehh bejn il-gzejjer u fil-portijiet Maltin.
Din hija firxa wiesa ta’ attivita` kummercjali li tinkludi t-trasport ta’ passiggieri u merkanzija bejn il-gzejjer, tissodisfa l-htigijiet ta’ turisti u Maltin li jixtiequ jittiehdu fuq "cruises" madwar il-gzejjer u servizzi ohra mehtiega mill-portijiet kummercjali taghna.
Fir-rigward tat-trasport bejn il-gzejjer, dan is-servizz llum huwa pprovdut mill-Gozo Channel Co Ltd; kumpanija parastali li qed toffri servizz bejn il-gzejjer skond l-ezigenzi ta’ obbligi pubblici socjali u b’tariffi mrahhsa. Il-Gvern jirrikonoxxi li dan huwa servizz fl-interess socjo-ekonomiku nazzjonali u li f’dan ir-rigward, kif maqbul waqt in-negozjati mal-Unjoni Ewropea, il-Gvern ser jidhol f’kuntratt ma’ din il-kumpanija biex jigi maqbula, b’mod car u definit l-obbligi mehtiega; obbligi illi kieku din kellha tkun kumpanija purament kummercjali ma kinetx tidhol ghalihom, ghaliex ma jhallux profitt. Issa l-Gvern ser ikun f’pozizzjoni li jiggarantixxi l-kontinwita` u r-regolarita` tas-servizz b’bastimenti li jissodisfaw kriterji ta’ sigurta` skond prattici nternazzjonali u skond tariffi mrahhsa.
Dan is-servizz qed jissokta jigi mtejjeb bl-estensjonijiet tal-facilitajiet eziztenti fil-portijiet ta’ l-Mgarr u c-Cirkewwa li ser jinkludu bini tat-"terminals" f’dawn iz-zewg portijiet. Dan il-progett, li qed jitwettaq mill-Awtorita` Maritima, ser jiswa madwar tlettax-il miljun lira.
Fir-rigward ta’ trasport ta’ passiggieri li huwa msejjes fuq l-industrija turistika u dik ta’ rikrejazzjoni, dawn ir-regolamenti godda ser iservu biex jigi assigurat li kull operatur qed jahdem f’dan is-servizz skond kriterji ta’ sigurta` u b’ekwipagg li huwa certifikat b’mod adegwat ghal dan it-tip ta’ servizz. Il-qofol ta’ dawn ir-regolamenti huma l-"istandards" ta’ sigurta` abbord, skond mekkanizmu ta’ certifikazzjoni kif applikabbli ghat-tip partikulari ta’ bastiment. Kulhadd irid jifhem li kriterji relatati mas-sigurta` ta’ bastiment u l-operat tieghu ma jistghux ikunu suggetti ghall-kompetetizzjoni.
B’mod meqjus u adegwat jinhtieg ukoll li gradwalment jigu regolati dawk il-bastimenti, fosthom "yachts" li jinkrew lill-gruppi ta’ persuni ghall-perijodu ta’zmien definit jew li okkazjonalment jinkrew biex jiehdu passiggieri madwar il-gzejjer. Ladarba dawn il-bastimenti simili qed jintuzaw ghal skopijiet kummercjali huwa mehtieg li dawn il-bastimenti jkunu licenzjati kif mitlub, u li jkollhom certifikati adatti ghal dak it-tip partikulari ta’ trasport.
L-istess kriterji ta’ licenzjar u certifikazzjoni ser japplikaw ukoll ghal kull bastiment involut fil-provvista ta’ servizzi portwarji u hawn wiehed jinkludi l-lanec tal-irmonk, tal-pilutagg u dawk konnessi mal-‘bunkering’ u servizzi ohra.
Ilu aktar minn sitt snin li l-Gvern awtorizza lill-Awtorita’ Marittima biex tizviluppa u tirrevedi legislazzjoni li tmur lura ghas-snin hamsin. Kienu diversi r-ragunijiet il-ghaliex din il-legislazzjoni qed tigi nfurzata biss llum.
Dan huwa spjegat mill-fatt li l-konsultazzjoni ma’ xi membri tal-industrija hadet zmien twil. Fl-istess hin l-industrija lokali kompliet tizviluppa u tiddiversifika.
Fuq kollox riedet ukoll tinstab sistema li l-legislazzjoni li qed tigi ntrodotta llum bl-ebda mod ma teffettwa hazin dawk li llum ghandhom hobzhom minn din l-industrija.
Zvilupp iehor rilevanti kien li s-sena li ghaddiet gie deciz li trasport bil-bahar fir-rigward ta’ garr ta’ passiggieri jghaddi mill-Awtorita` ghat-Trasport Pubbliku ghall-Awtorita` Marittima. Dan jaghmel sens, peress li din l-Awtorita` ta’ l-ahhar kienet gia nvoluta fic-certifikazzjoni ta’ dawn il-bastimenti u bahhara, u wkoll ghaliex bhala organizzazzjoni hija attrezzata ahjar biex tamministra hwejjeg ta’ materja marittima.
Jien mgharraf li hemm ‘l fuq minn mitejn operatur ta’ bastimenti kummercjali li joperaw fl-ibhra Maltin. Bejniethom dawn il-bastimenti jhaddmu ‘l fuq minn erba’ mitt impjegat, apparti mpjegati ohra li huma nvoluti fil-‘marketing" u l-organizzazzjoni ta’ dawn is-servizzi. L-akbar impatt fuq din ix-xorta ta’ industrija huwa fir-rigward ta’ trasport ta’ passiggieri madwar il-gzejjer.
Is-suq, ghalkemm qed gradwalment jikber b’mod sostenibbli, huwa dak li hu. Dan ifisser li wkoll f’ekonomija miftuha jinhtieg li din l-attivita` tigi regolata u kkontrollata b’mod san u konkret, minghajr ma tixxekkel l-inizjativa privata.
L-Awtorita’ Marittima hija responsabbli biex tillicenzja dawn l-operaturi, ticcertifika l-bastimenti skond l-kriterji ta’ sigurta` u ticcertifika l-ekwipagg skond kif mehtieg u applikabbli. Fl-istess hin l-Awtorita` trid izzomm il-bon ordni fil-provvista ta’ dawn is-servizzi varji, billi tindika lil kull operatur fuq liema rotot jista’ jopera u minn fejn u ghal liema postijiet dawn il-bastimenti jistghu joperaw. B’hekk li l-Awtorita` tkun qieghda tirregola u li fl-istess hin tassisti sabiex tiffacilita l-istess industrija bl-iskop li tinzamm sostenibbli.
F’dan ir-rigward ta’ min isemmi li gia hemm cirkustanzi fejn il-provvista ta’ servizzi hija akbar mid-domanda. Dan johloq piz sew fuq ir-regolatur u sew fuq il-facilitajiet ezistenti. F’dan il-kuntest huwa mehtieg li l-industrija taghraf tasal fi stat li tirregola lilha nfisha. Huwa fl-interess ta’ l-istess industrija li waqt li tissokta tigi zviluppata kultura ta’ harsien tas-sigurta`, possibilment jinholqu xejriet ta’ "partnerships" fost l-operaturi sabiex jirrendu l-industrija aktar sostenibbli. Dan huwa dak li qed isehh f’pajjizi barranin, fis-sens li waqt li kull operatur izomm u jhares l-interessi tieghu, l-istess operaturi flimkien ifittxu mezzi kif b’sinergija jnaqqsu l-ispejjes.
Huwa ta’ sodisfazzjon ghalija li, kif mgharraf mid-Direttorat tal-Portijiet tal-Awtorita` Marittima, bosta mill-provvedimenti li qed jigu nfurzati b’sehh ta’ dawn ir-regolamenti, qeghdin diga’ jigu ezegwiti minn uhud mill-operaturi li jemmnu li l-kwalita` tal-prodott huwa s-success ta’ kull inizjattiva kummercjali. Dan jghodd ghal Gozo Channel, uhud mill-operaturi ta’ bastimenti tal-passiggieri madwar il-gzejjer u dawk il-bastimenti li huma mehtiega ghas-servizz fil-portijiet Maltin.
Id-Direttorat tal-Portijiet ipprepara wkoll sensiela ta’ korsijiet qosra li kull min llum ghandu xi forma ta’ certifikat biex iservi fuq dat-tip ta’ bastimenti, izda jinhtieg jissokta jizviluppa l-potenzjal tieghu, ikun jista’ jaghmel dan. L-Istitut ghall-Istudji Marittimi ser ikun f’qaghda li jipprovdi dawn il-korsijiet, bhalma diga ghamel f’aspetti ohra marittimi.
L-industrija m’ghandhiex thares lejn din il-legislazzjoni bhala xkiel izda bhala ghodda siewja li ghandha l-potenzjal issahhah din l-istess industrija. Fi zmien meta lkoll nafu kemm qed tinghata attenzjoni ghall-harsien tas-sigurta` ta’ passiggieri u l-harsien ta’ l-ambjent, m’ghandux ikun difficli li nikkonvincu rwiehna dwar il-htiega li l-prodott li qed noffru jissodisfa l-htigijiet tal-klijenti taghna.
Ezercizzju simili kien gie ntrodott fl-1996 meta b’mod rigoruz giet regolata l-industrija tal-"bunkering". Dak iz-zmien l-ammont ta’ "bunker fuels" f’sena ma kienx ilahhaq aktar minn 200,000 tunnellata. Illum l-operaturi f’dan is-settur minn tnejn telghu ghal sebgha u l-ammont ta’ "bunker fuels" li qed jigi esportat ilahhaq madwar 900,000 tunnellata fis-sena.
Biex din l-industrija tissokta tissahhah jinhtieg l-infurzar tal-provvedimenti legislattivi li qed jigu mressqa. L-Awtorita` Marittima tinhtieg issahhah l-ispettorat taghha biex tassigura li dawn ir-regolamenti jigu mharsa. Hu fl-interess ta’ l-istess industrija li thares dawn ir-regolamenti biex ma jkunx hemm zidiet fl-ispejjez mehtiega.
F’dan is-sens nappella biex l-istess industrija timbarka fuq process konkret ta’ tharis tal-provvedimenti legislattivi u skond id-direzzjoni ta’ l-istess Awtorita`, bil-ghan li l-Awtorita` tkun tista’ tnaqqas il-prezenza taghha. Sakemm giet fis-sehh din il-legislazzjoni, jien mgharraf li l-Awtorita` kienet qed taghmel l-ispezzjonijiet mehtiega, u l-operaturi inghataw ic-cans li jikkoregu id-deficjenzi li kellhom. B’sehh mill-ewwel ta’ Ottubru operaturi li ser jinstabu qed jiksru il-provvedimenti ta’ dawn ir-regolamenti ser jibdew jigu mmultati u jekk mehtieg imwaqqfa milli jkomplu joffru s-servizzi.
Fl-ahhar nixtieq nizzi hajr lil kull min ikkontribwixxa ghal dan l-ezercizzju, fosthom membri ta’ l-istess Awtorita` Marittima, "surveyors" appuntati mill-Gvern, flimkien ma’ rapprezentanti tal-industrija. Jien cert li dan l-ezercizzju ser ikompli jsahhah l-industrija marittima lokali.
Other Press Releases:
PR261929
PRESS RELEASE BY THE NATIONAL AUDIT OFFICE National Audit Office Malta hos...
PR261928