Left arrow Go Back

Bejgħ minn Showrooms u Carboot Sales nhar ta’ Ħadd

PR1499
Date Icon 29/10/2002

Showrooms li huma liċenzjati biex ibiegħu bl-imnut, ma jistgħux jorganizzaw exhibitions jew fieri kummeċjali, jew b’xi mod ieħor jorganizzaw attività sabiex ikunu jistgħu jbiegħu nhar ta’ Ħadd. Għaldaqstant kull ftuħ ta’ negozju ta’ bejgħ bl-imnut li skond il-liġi ma jistax jiftaħ nhar ta’ Ħadd u fil-festi pubbliċi, jkun qed jikser il-liġi.

Dan igħodd ukoll għal negozji li qegħdin ibiegħu l-għamara jew l-antikitajiet. L-ebda negozju li diġà huwa liċenzjat biex ibiegħ bl-imnut, ma jista’ jiftaħ nhar ta’ Ħadd.

B’referenza għal attivitajiet ta’ Fieri Kummerċjali fi skejjel, irridu niġbdu l-attenzjoni li l-ebda fiera kummerċjali ma tista’ tkun organizzata kemm-il darba ma jintalabx permess mingħand it-Trade Licensing Unit, speċifikament għalhekk.

Qabel ma saru l-aħħar bidliet biex jiġu simplifikati l-ligijiet li kienu japplikaw f’dan il-kuntest, kien kważi impossibbli li tkun organizzata fiera kummerċjali. Illum, bl-Att dwar il-Liċenzji tal-Kummerċ, l-organizzazzjoni tal-fieri kummerċjali ġiet liberalizzata u faċli li wieħed japplika biex jorganizza fiera kummerċjali, skond ir-regolamenti kif maħruġa fl-istess Avviż Legali, li jirregola l-ħruġ tal-permessi ta’ dawn l-attivitajiet kummerċjali.

Skond il-liġi preżenti, u li għall-ewwel darba qed tirregola l-carboot sales, kemm nhar ta’ Ħadd kif ukoll matul il-ġimgħa, m’huwiex legalment possibbli li jkun organizzat carboot sale fuq art pubblika.

Carboot sales skond il-liġi, jistgħu jiġu organizzati biss fi grounds ta’ skejjel u proprjetà privata ohra, u bil-kundizzjonijiet kif stipulati mill-istess Avviż Legali li qed jirregola għall-ewwel darba dawn l-attivitajiet. Bil-liġi preżenti, għaqdiet filantropiċi jibqgħalhom l-opportunità li jorganizzaw attività ta’ fund raising b’ċertu kundizzjonijiet u dan sabiex ikun żgurat li carboot sale ma jitbiddilx f’suq miftuħ u jibqa’ il-post fejn persuna li jkollha affarijiet qodma xi tbiegħ tkun tista’ tbiegħhom mill-karozza privata tagħha. Infatti m’huwiex possibbli li persuna liċenzjata fin-negozju tbiegħ prodotti ġodda minn carboot sale.

Ta’ min ifakkar li kull min irid izid il-ħin tan-negozju tiegħu, jista’ faċilment japplika għal late night shopping fejn jagħżel ġurnata mill-Ħamis, il-Ġimgħa u s-Sibt, u jkun jista’ jibqa’ jbiegħ sa l-10.00p.m.

L-Att dwar il-Liċenzji tal-Kummerċ jilliberalizza wkoll il-ħinijiet tan-negozju fil-festi tal-Milied u jippermetti li min ikun irid, mill-1 ta’ Diċembru sas-7 ta’ Jannar, ikun jista’ jibqa’ miftuħ sa l-10.00 p.m., inkluż il-Ħdud u l-festi pubbliċi.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

More Press Releases Right arrow