Left arrow Go Back

Użu sostanzjali tal-Kumpless Sportiv fl-Universita’

PR1471
Date Icon 24/10/2002

"Il-fatt li għandna tlett Leagues Nazzjonali ta’ tlett dixxiplini diversi li qed jintlagħbu fil-Padiljun ta’ Universita’ juri kemm din il-facilita’ kienet waħda bżonnjuża.”

Is-Segretarju Parlamentari fil-Ministeru ta’ Edukazzjoni, responsabbli mill-iSport, l-Onor. Jesmond Mugliett qal dan meta kien qed jindirizza laqgħa organiżżata mill-Kunsill Malti għall-iSport (KMS) fil-Padiljun ta’ l-iSport ta’ l-Universita’.

Hu qal li l-Malta Badminton Association, il-Malta Handball Association, u l-Malta Table Tennis Association, qegħdin jagħmlu użu mill-Padiljun tal-Universita’ bħala l-post fejn isiru l-logħob tal-Leagues Nazzjonali rispettivi.

"Barra minn hekk, fi ftit ġimgħat, l-istess Padiljun se jibda jintuża mit-teams Nazzjonali tal-Basketball bħala post centrali għat-taħriġ“, kompla jgħid il-Perit Mugliett.

Is-Segretarju Parlamentari qal li dan kien possibbli għaliex dawn l-Assocazzjonijiet qed jingħataw kundizzjonijiet ssussidjati u favorevoli ħafna sabiex jagħmlu użu minn dawn il-facilitajiet.

Hu sostna li l-użu tal-facilitajiet sportivi fl-Universita’, specjalment il-Padiljun il-ġdid huwa diġa wieħed tajjeb ħafna, fejn bejn sessjonijiet ta’ taħriġ, logħob tal-kampjonati differenti u l-użu minn studenti universitarji qiegħed isir użu ta’ kuljum f’kull ħin tal-ġurnata.

"Dan minbarra d-diversi attivitajiet internazzjonali bħat-tournament internazzjonali tal-Handball li se jsir ix-xahar id-dieħel, u t-tournament internazzjonali tat-Table Tennis, li se jsir kmieni s-sena d-dieħla; kif ukoll il-‘Malta Open Dance Spectacular’ li se jsir f’Dicembru u l-‘Malta Dance Sports’ li se jsir f’April li ġej," temm jgħid il-Perit Mugliett.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 student jieħdu sehem fil-Malta Skills Championships 2026

PR261928

STQARRIJA MILL-MINISTERU GĦALL-EDUKAZZJONI U L-ISPORT Aktar minn 320 studen...

More Press Releases Right arrow