Left arrow Go Back

Ħidma kbira favur ambjent aħjar u pajjiż aktar nadif

PR1431
Date Icon 16/10/2002

Il-Ministru għar-Riżorsi u l-Infrastruttura Francis Zammit Dimech qal li s-suġġett magħżul din is-sena għall-kampanja Clean Up the World - "il-komunita’ tiegħek, id-dinja tagħna", jwassalna biex nifhmu kemm kienet għażla għaqlija li għamel il-Gvern preżenti meta waqqaf il-Kunsilli Lokali fil-pajjiż.

Francis Zammit Dimech qal dan meta flimkien mas-Segretarju Parlamentari fil-Ministeru ta’ l-Intern u l-Ambjent, il-perit George Pullicino, nhedew il-kampanja Clean Up the World.

Dr Zammit Dimech qal li permezz tal-Kunsilli Lokali r-residenti tal-lokalitajiet saru aktar konxji mhux biss mill-indafa tal-belt jew raħal fejn jgħixu iżda wkoll minn dak kollu li hemm madwarhom: il-bini storiku, il-kampanja, il-widien.

Il-Ministru għar-Riżorsi u l-Infrastruttura qal li l-fatt li llum il-Kunsilli Lokali huma responsabbli mill-indafa tal-lokalitajiet tagħhom ma jfissirx li l-Gvern mhux jagħti sehmu ukoll biex pajjiżna jinżamm aktar nadif fl-art, fl-arja u fil-baħar.

Francis Zammit Dimech fakkar li fil-Ministeru għar-Riżorsi u l-Infrastruttura kien hemm diversi strutturi marbuta mat-tindif u t-tisbiħ ta’ l-ambjent madwarna. Hu qal li

  • Il-Unit għall-Immaniġġjar ta’ l-Iskart u Inizjattivi Sostenibbli hu responsabbli milli jikkordina u jimplimenta l-Istrateġija għall-Immaniġġjar ta’ Skart Solidu għall-Gżejjer Maltin.
  • Is-Sezzjoni għall-Parks u Konservazzjoni tal-Pajsaġġ hi responsabbli mill-iżvilupp u mmaniġġjar tal-parks nazzjonali kif ukoll xogħol ġenerali ta’ tindif, tisbiħ u ħarsien fil-pajsaġġ u l-kampanja ta’ pajjiżna. Din is-sezzjoni qed tieħu ħsieb ukoll li twettaq programm ta’ afforestazzjoni.
  • Il-Unit għal Servizz u Tisbiħ hu responsabbli minn tindif ta’ culverts, tindif u tiswijiet ta’ catchment pits, tiswija u bdil ta’ kaptelli ta’ kanali tax-xita, qtugħ ta’ ħaxix, tneħħija ta’ posters, tibjid, tikħil u żebgħa ta’ ħitan, roundabouts u centre-strips u tiswija ta’ ħitan.
  • Is-Sezzjoni kontra t-tniġġiż taż-Żejt mill-baħar tikkoordina l-entitajiet kollha fil-korpi parastatali, fi ħdan il-Gvern u s-settur privat sabiex tipprevjeni, tikkontrolla u tiġġieled kontra kull tip ta’ tniġġiż ta’ żejt, speċjalment fil-baħar li jdawwar il-kosta ta’ Malta u Għawdex.
  • Id-Dipartiment tad-Drenaġġ hu responsabbli mis-sistema tad-drenaġġ mal-bliet u l-irħula ta’ pajjiżna, biex din is-sistema tinżamm dejjem fi stat ta’ manutenzjoni, biex isiru estensjonijiet fejn is-sistema tkun għadha ma twasslitx u biex ma jkunx hemm tniġġiż fil-baħar. Barra mid-Dipartiment tad-Drenaġġ hemm ukoll is-Sewerage Master Plan Implementation Unit li taħdem biex ikun hemm l-infrastruttura meħtieġa biex id-drenaġġ kollu f’pajjiżna jissaffa qabel jintefa’ fil-baħar.
  • Id-Dipartiment għall-Immaniġġjar ta’ l-Iskart u l-Implimentazzjoni ta’ l-Istrateġija jiġbor fih ħafna mill-attivitajiet li għandhom x’jaqsmu ma’ l-immaniġġjar ta’ l-iskart, primarjament is-Sezzjoni għad-Disponiment ta’ l-Iskart, is-Sezzjoni għar-Riċiklaġġ u s-Sezzjoni ta’ l-Indafa Pubblika.

Il-Ministru għar-Riżorsi u l-Infrastruttura qal li l-ħidma li jagħmlu dawn id-dipartimenti u taqsimiet hi waħda impressjonanti. Hu fakkar li matul is-sena li għaddiet

  • Ingħata bidu għal Proġett Skart li għandu l-kompitu li jimplimenta l-Istateġija għall-Immaniġġjar ta’ l-Iskart Solidu. Din l-istrateġija hi mibnija fuq 56 azzjoni li minnhom diġa twettqu 11 filwaqt li l-bqija bdew jitwettqu.
  • Il-kampanja ta’ tneħħija ta’ tankijiet u white goods mill-għelieqi f’Malta issa qabdet ritmu tajjeb u diġa tneħħew aktar minn 5,000 tank li tbattlu u tgħaffġu. Matul is-sena li għaddiet is-Sezzjoni għall-Parks u Konservazzjoni tal-Pajsaġġ għamlet manutenzjoni ta’ aktar minn 44 metru kubu ta’ ħitan tas-sejjieħ u neħħiet 95 metru kubu ta’ skart goff. Din is-sezzjoni qiegħda wkoll twettaq xogħlijiet ta’ tisbiħ fil-Park Nazzjonali f’Ta’ Qali, fil-Park Reġjonali ta’ Ħaż-Żabbar u fl-inħawi ta’ Għar Ħasan. Is-sezzjoni bdiet ukoll programm ta’ afforestazzjoni f’Pembroke u se tagħmel xogħol simili fil-Mellieħa.
  • Il-Unit għal Servizz u Tisbiħ neħħa 1,934 trakk materjal li jammontaw għal 12,912 il-tunnellata materjal minn Marsaskala, Ħal Far, il-Mosta, Wied il-Kbir, l-Imrieħel, Bormla, ix-Xgħajra u minn diversi bnadi oħrajn.
  • Is-Sezzjoni kontra t-Tniġġiż taż-Żejt fil-Baħar ħadet azzjoni f’10 inċidenti ta’ żjut li ntefgħu l-baħar jew li niġġsu l-kosta madwar Malta.
  • Id-Dipartiment tad-Drenaġġ wettaq ħidma fuq 59 estensjoni tas-sistema tad-drenaġġ, lista li ma tinkludix estensjonijiet oħra li jiġu implimentati mid-Dipartiment tat-Toroq għad-Dipartiment tad-Drenaġġ.
  • Id-Dipartiment għall-Immaniġġjar ta’ l-Iskart u l-Implimentazzjoni ta’ l-Istrateġija ġabar 460 tunnellata ta’ karta u 33 tunnellata kartun li kollha ġew riċiklati lokalment.
  • Barra minhekk id-Dipartiment kkonsolida s-servizz ta’ ġbir ta’ batteriji meta ġabar 8,030 kg ta’ batteriji. Matul is-sena li għaddiet ġew depositati fil-Magħtab 1,246,325 tunnellata ta’ skart li 83.55 fil-mija minnhom kien skart mis-settur tal-kostruzzjoni. 81,320 tunnellata minn dan l-iskart tkisser u tfarrak f’terrapien biex jintuża fit-twittija ta’ lantijiet u bħala s-saff ta’ l-aħħar fis-sit tal-Magħtab.

Il-Ministru Francis Zammit Dimech qal li dawn iċ-ċifri juru ftit mill-ħidma li l-Ministeru għar-Riżorsi u l-Infrastruttura qed iwettaq biex iżomm pajjiżna nadif. Hu qal li l-Ministeru kien qed jgħin b’kull mod lill-Kunsilli Lokali fil-ħidma tagħhom tant li kull sena jonfoq aktar minn Lm2miljun fi proġetti għad-diversi lokalitajiet f’Malta, proġetti li jinkludu tindif, tisbiħ, restawr u riabiltazzjoni.

Francis Zammit Dimech qal li l-ħidma tal-Ministeru għar-Riżorsi u l-Infrastruttura kienet indirizzata lejn li l-lokalitajiet f’pajjiżna jinżammu aktar indaf u jissebbħu biex jitgawdew mir-residenti. Hu qal li f’din il-ħidma l-Gvern kien qed isib il-koperazzjioni tal-Kunsilli Lokali għaliex kien ċert li dawn kienu jemmnu li permezz ta’ din il-koperazzjoni l-komunita’ li fiha kienu jgħixu kienet id-dinja tagħhom li lkoll irridu nħarsu u ngħożżu biex il-Maltin kollha jitilgħu f’ambjent aktar f’saħħtu.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow