Left arrow Go Back

Reġistrazzjoni ta’ Art Agrikola f’gĦawdex

PR1397
Date Icon 10/10/2002

Il-Ministeru ta’ l-Agrikoltura u s-Sajd b’kollaborazzjoni mal-Ministeru għal Għawdex, jerga’ jfakkar li qed isir eżerċizzju biex l-art kollha Agrikola f’Għawdex (ta’ kull daqs) tkun reġistrata.

Għal dan il-għan, dawk il-persuni li bħalissa qegħdin jaħdmu xi art agrikola f’Għawdex (jew f’Malta), dawn qed jintalbu biex jirreġistraw din l-art mad-Dipartiment. Dan is-servizz qed jingħata BLA ĦLAS.

Uffiċjali tad-Dipartiment ta’ l-Agrikoltura ser ikunu fl-Iskola Primarja taż-Żebbuġ, Triq Ġoma, Żebbuġ, sa nhar il-Ħadd, 20 t’Ottubru 2002, fil-ħinijiet t’hawn taħt:

Mit-Tnejn sal-Ġimgħa: Mis-6.00 sat-8.00 ta’ filgħaxija

Is-Sibt: Mit-8.00 ta’ filgħodu sa nofsinhar u

Mill-5.00 sat-8.00 ta’ filgħaxija

Il-Ħadd: Mit-8.00 ta’ filgħodu sa nofsinhar

Kull persuna għandha tieħu magħha l-karta ta’ l-identità, il-biljett tar-raba’, pjanta tar-raba’, jew xi dokumenti oħra relevanti għall-art li dik il-persuna tkun qed tahdem.

Bdiewa li ma jkollhomx l-art tagħhom reġistrata f’dan l-eżerċizzju ta’ reġistrazzjoni, jistgħu ma jikkwalifikawx għal skemi ta’ għajnuna. Kull persuna li tapplika taħt din l-iskema, ser tingħata pjanta ta’ l-art li tkun qed taħdem BLA ĦLAS biex tinżamm bħala riferenza għall-quddiem.

F’każ ta’ diffikultà wiehed għandhu jagħmel kuntatt mas-Sur Emanuel Terribile fuq numru tat-telefon 2156 5809.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow