Left arrow Go Back

Bil-ħatra ta’ Bord ta' l-Appelli ser tkompli l-ħidma biex tkun miġġielda l-burokrazija.

PR1387
Date Icon 09/10/2002

Ser jibda jiffunzjona l-Bord ta' l-Appell li ġie maħtur bis-saħħa ta' l-Att dwar il-Kummerċ. Dan il-Bord jista' jilqa' fih kull appell li jsir quddiemu skond id-dispożizzjonijiet ta’ l-Att u r-Regolamenti dwaru.

Dan il-bord se jiffaċilita l-proċess ta’ l-appell minn kull deċiżjoni li tittieħed mit-Trade Licencing Unit, kif ukoll mill-Kunsilli Lokali dwar il-poteri tagħhom li joħorġu liċenzji tan-negozju u kull deċiżjoni oħra li titratta attivita' kummerċjali. Bil-ħatra ta’ Bord ta' l-Appelli għall-ħruġ tal-liċenzji tan-negozju u kull deċiżjoni oħra meħudha fuq l-Att dwar il-Kummerċ, kemm mit-Trade Licensing Unit, kif ukoll mill-Kunsilli Lokali ser tkompli l-ħidma biex tkun miġġielda l-burokrazija

Quddiem dan il-bord jista' jidher ukoll kull min iħoss li miegħu ma saretx ġustizzja kemm jekk ma nħarġitx liċenzja tan-negozju kif ukoll kemm-il darba jħoss li ntlaqat ħażin b’xi deċiżjoni li tkun ħadet l-awtorita’ kompetenti.

Dan il-Bord ta' l-Appelli għandu jgħin biex issa kull min irid jappella minn xi deċiżjoni, ma jkollux għalfejn jidħol il-Qorti u b’hekk, b’dan il-proċess ikun iffrankat kull dewmien u spejjeż li jistgħu jsiru fil-proċess tal-Qorti. Min ikun irid imbaghad jappella mid-deċiżjoni ta’ dan il-Bord, jista' jagħmel dan billi jidħol il-Qorti.

Dan il-Bord ta' l-Appelli għandu jservi fuq kollox biex jgħin sabiex f’kull deċiżjoni jkun assigurat li ssir ġustizzja bl-aktar mod effiċjenti u effettiv. Kull deċiżjoni meħuda tista' tkun diskutibbli u għalhekk bil-Bord ta' l-Appelli jista' jkun imħaffef aktar il-proċess tal-ġustizzja f’dan il-livell ta’ negozji żgħar u self-employed.

Il-ħidma ta' dan il-Board ta' l-Appelli tiġi fis-seħħ min nhar il-Ġimgħa 11 ta' Ottubru . Is-Segretarju Parlamentri fil-Ministeru ghas-Servizzi Ekonomici, l-Onor. Edwin Vassallo llum ipprezenta l-ittri tal-hatra lill-membri tal-Bord li ghadhom kif gew mahruta. Il-Membri ta’ dan il-Bord ser jkunu Dr. Austin Sammut LL.D. bħala President, is-Sur Pio Scerri u s-Sur Alex Vassallo bħala Membri tal-Bord u s-Sur Tony Gatt, uffiċjal fil-CommerceDivision li ser jkun is-Segretarju.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow