STQARRIJA MILL-MINISTERU TA’ L-EDUKAZZJONI B’REFERENZA GHALL-BORD TA’ INKJESTA DWAR ALLEGAZZJONI TA’ KSUR TAR-REGOLAMENTI FINANZJARJI MILL-FTS
PR1301
25/09/2002
Il-Kummenti ta' l-Onor. Evarist Bartolo fil-Parlament dalgħodu, b'referenza għall-Bord ta' Inkjesta dwar allegazzjoni ta' ksur tar-regolamenti finanzjarji mill-FTS, huma għal kollox inġusti, infondati u barra minn lokhom.
L-Onor. Bartolo diġa ikkundanna l-Bord ta' Inkjesta meta dan għadu qed jibda x-xogħol ta' stħarriġ tiegħu billi sejjaħlu "Bord Farsa".
Il-Fatti huma:
- Dan hu Bord li qed isir skond il-Liġi dwar l-Inkjesti.
- Il-Bord fiħ rappreżentant ta' l-Oppożizzjoni li ħasset li kellha tpoġġi fuqu persuna li hi kandidat tal-Partit Laburista.
- Il-Bord għandu termini ta' referenza preċiżi li kienu ġew komunikati lill-Opożizzjoni qabel twaqqaf il-Bord.
L-anqas li tista' tagħmel l-Oppożizzjoni hu li tħalli l-Bord ħieles jaqdi d-dmirijiet tiegħu skond il-Liġi u mhux tattakkah bl-aktar mod inġust u irresponsabbli biex tipprova tinfluenza b'mod ħażin l-operat tal-Bord.
Other Press Releases:
PR261929
PRESS RELEASE BY THE NATIONAL AUDIT OFFICE National Audit Office Malta hos...
PR261926