Left arrow Go Back

IDENTIFIKAZZJONI ĠENETIKA FUQ IL-BAQRA MALTIJA

PR1239
Date Icon 13/09/2002

Bl-inizjattiva tat-Taqsima ta’ l-Agrikultura u l-Iżvilupp Rurali fi ħdan il-Ministeru ta’ l-Agrikultura u Sajd ittieħdu kampjuni tad-demm kif ukoll xi ċelloli mill-unika baqra pura tar-razza Maltija li għadha teżisti fi gżiritina biex tkun tista’ ssir l-identifikazzjoni ġenetika tagħha permezz ta’ testijiet tad-DNA.

L-eżerċizzju qed issir b’kollaborazzjoni bejn Synergene Technologies Ltd, id-Dipartiment ta’ l-Agrikultura u d-Dipartiment ta’ l-Anatomija ta’ l-Università ta’ Malta.

Dan sar magħruf waqt żjara li l-Ministru għall-Agrikultura u Sajd Ninu Zammit għamel dalgħodu fil-laboratorji tal-kumpannija Synergene Technologies Ltd f’Ħ’Attard. Din il-kumpannija, li twaqqfet riċentement f’Malta, tispeċjalizza fir-riċerka u dijanjosi molekulari.

Il-Ministru Zammit qal li l-unika baqra Maltija mija fil-mija pura qed tixjieħ peress li għandha ma’ l-14-il sena u għaldaqstant, meta bdiet topera din il-kumpannija f’Malta, mill-ewwel ittieħdet l-inizjattiva li jkun priservat il-materjal ġenetiku pur li fadal fir-razza Maltija. Minn din il-baqra ttieħdu kampjuni tad-demm biex jintużaw f’testijiet tad-DNA kif ukoll ċelluli li ġew multiplikati u priservati barra minn Malta. Dawn iċ-ċelloli jistgħu jintużaw fil-futur.

Hu qal ukoll li fil-frattemp, it-Taqsima ta’ l-Agrikultura u l-Iżvilupp Rurali tinsab f’kuntatti ma’ awtoritajiet f’pajjiżi oħra, fosthom f’Ċipru, fi Kreta, fl-Eġittu u fi Sqallija bl-iskop li jsiru testijiet tad-DNA fuq il-merħliet tagħhom ħalli jaraw jeżistix xi xebħ mar-razza Maltija.

Il-Ministru Zammit semma wkoll li, permezz ta’ Synergene Technologies Ltd, se jsiru testijiet tad-DNA fuq iż-żewġ varjetajiet lokali ta’ l-għeneb, il-Girgentina u l-Ġellewża.

Share this Press Release Icon socials Icon socials Icon socials Icon socials

Other Press Releases:

PRESS RELEASE BY THE NATIONAL AUDIT OFFICE  National Audit Office Malta hosts bilateral meeting with the Spanish Court of Audit

PR261929

PRESS RELEASE BY THE NATIONAL AUDIT OFFICE National Audit Office Malta hos...

STQARRIJA MILL-UFFIĊĊJU TAL-PRIM MINISTRU  “Sodisfatt bil-qbil bejn il-mexxejja tal-UE għax Malta ilha mill-bidu nett timbotta favur soluzzjoni għall-paċi” – Il-Prim Ministru Robert Abela

PR261926

STQARRIJA MILL-UFFIĊĊJU TAL-PRIM MINISTRU “Sodisfatt bil-qbil bejn il-mexx...

More Press Releases Right arrow