INCENTIV GHAL MIN ITEJJEB IL-KIOSK FUQ LINJI APPROVATI MILL-AWTORITÀ TA' L-IPPJANAR

Bl-emendi li gew approvati mill-Parlament fil-policy dwar trasferiment ta' art tal-Gvern, dak li fl-1996 kellu il-permessi necessarji tad-Dipartiment ta' l-Artijiet ghal kiosk f'Malta u Ghawdex se jinghataw l-incentiv, li jekk itejbu il-kiosk taghhom fuq linji approvati mill-Awtorità ta' l-Ippjanar, ikun jista' jinghatalhom l-art li fuqha hemm il-kiosk b'titolu ta' enfitewsi (cens) ghal 25 sena.

Dan ifisser titjib sostanzjali mis-sitwazzjoni li fiha qeghdin illum, fejn it-titolu taghhom hu wiehed ta' temporary permit ta' 4 xhur; issa, ghal min jinvesti fi kiosk gdida u iktar attraenti, b'materjal u forma approvati mill-Awtorità ta' l-Ippjanar, se jinghatalu titolu ta' cens ghal 25 sena, liema titolu hu hafna iktar sod, u jista' jinghata bhala garanzija ghal self ghall-investiment.

B'hekk filwaqt li l-ambjent jitjieb, tkun qed tinghata ghajnuna ukoll lis-sidien tal-kiosks ghall-investiment fl-attività kummercjali taghhom.